السلام عليكم ورحمة الله وبركاته

يا ريت يا جماعة لو سمحتم , الي أخد الكورس ده واشتغل بيه يقولنا , ويقولنا قعد يدور اد ايه علي شغل , ولقي شغل بسهولة ولا بصعوبة , وكان امتي الكلام ده

عشان نعرف بس ظروف التخصص في السوق ايه والطلب عليه شكله عامل ازاي

جزاكم الله خير

السلام عليكم ورحمة الله وبركاته

55 مشاهدة من غير ولا رد كتير برده

طب الي ينطبق عليه الكلام يا جماعة ومكسل يكتب حاجة , ممكن يقول "اه" بس , او يهز دماغه حتي

طب بلاش هز الدماغ , يا اخي ارمش بعينك بس وانا هفهم

لا حول ولا قوة الا بالله

عزيزي : تزكل علي الله

خد الكورس : وابحث وه ستجد وظائف جيده

المهم أنك تكزن دائما متحرك ومتجدد

بالكورس

بالمعلومة

بالتواصل مع الناس في هذا المجال

اخدت الكورس : ولكن فرصه في مصر ضعيفة

وفرصه أكثر طلبا بدول الخليج

السلام عليكم

الحمد لله انتهيت من الكورس في شهر مارس 2014 

والى الان ابحث عن عمل في الجال ده

فعلا مطلوب جدا في الخليج بس مطلوب خبرات 

ادعيلي ربنا يوفقني والاقي شغل

ربنا يوفقك يا ريس , بس انت لسة مش بقالك كتير ولا حاجة يعني ,

انا قعدت سنتين ادور علي شغل بالديفيلوبر

وشتان طبعا بين التخصصين

أخ إسلام ... بس اللي سمعته ان الديفيلوبر الاحتياج فيه قليل و لو احتاجوا حيكون بارت تايم .. دا اللي سمعته ما اعرف اذا صحيح ؟ 

أخ إسلام ... بس اللي سمعته ان الديفيلوبر الاحتياج فيه قليل و لو احتاجوا حيكون بارت تايم .. دا اللي سمعته ما اعرف اذا صحيح ؟ 

محدش بيشتغل بارت تايم يا باشا الا الناس التقيلة (الناس الخبرة) والله اعلم , او انك تكون شغال في شركة مثلا وانت شاطر اوي وجيت تسيبهم فقالولك خليك معانا بارت تايم , حصلت مع واحد صاحبي وهو سنة بس خبرة بس كان شاطر ما شاء الله

حكاية الاحتياج قليل دي بقى علي حسب انت بتتكلم علي اي بلد وبتتكلم عن الناس الخبرة ولا الي من غير خبرة

عندنا في مصر مثلا الدنيا تقريبا واقفة (طبعا للناس الي معندهاش خبرة ) لكن اكيد الخبرة ممكن يلاقوا شغل بسهولة لان الشركات بتبقى محتجاهم اوي , في السعودية مثلا والامارات والحتت دي , اظن ان الناس الي من غير خبرة خالص

ملهمش مكان اصلا هناك , في السعودية مثلا ممكن تبقى خبرة سنة او 2 وتطلع , في الامارات اظن 6 او 7 سنين بقى , متهيألي مشفتش اعلان في الامارات اقل من كده

الاوركل دفلوبر ما زال شغال كويس في السعودية سنه خبره وطالع ولكن  ال adf  افضل ومستقبله هيكون فرصه اكثر بكتير في السعودية

 

والله اعلم 

 

Hrms شغال كويس جدا في السعودية ولكن يحتاج لخبره وتوجد شركات في مصر بتاخد عمل بالخليج سواء السعودية او الكويت او  غيرهم من دول الخليج فالافضل تشوف الشركات المصرية اللي بتاخد شغل في الخليج وتقدم فيها اوقات بياخدو ناس بدون خبره وبيتعلمو عندهم وبعدين بيسفروهم  منهم شركة اسمها ايجابي  دي الوحيدة الي اعرفها في المجال ده