شكرا لك اخي العزيز

بارك الله فيك

مشكور على هذه المعلومات القيمة

السلام عليكم
بداية اشكر كل من أثني علي من فائض أدبه وبحر كرمه بعذب الكلمات ؛ ولا نشكر الا الله سبحانه وتعالي
ثانيا ابدي شديد إعتذارى عن طول غيابي عنكم وذلك نظرا لظروف العمل التى لا ترحم الا من رحم ربي ؛ والان ولله الحمد فسوف نكمل معا ما ابتديناه من مشوار
هادئ فى الاوراكل ؛ وفى خلال هذا الاسبوع ان شاء الرحمن سوف نستهل فتفوتة جديدة
اشكركم على حسن استقبالكم مقدما ولا تنسونا من صالح دعواتكم
وشكرا
م / خالد الشاذلي

بسم الله الرحمن الرحيم

الأخ الفاضل م/ خالد الشاذلي

و عليكم السلام و رحمة الله و بركاته ُ

بصراحة أنا مش عارف أقوللك إيه أو أعيدلك إيه علي الكلام إللي إنت عامله

ربنا يكرمك ... ثوابك من عند الله عز و جل و ليس من عندنا لأننا لا نستطيع مكافئتك نظرا ً لمساعدتك الكريمة لنا

منتظرين شرحك بشغف

و جزاكم الله خيرا ً

و السلام عليكم

أخوك ... م/ محمد مجدي

السلام عليكم
بداية اشكر كل من أثني علي من فائض أدبه وبحر كرمه بعذب الكلمات ؛ ولا نشكر الا الله سبحانه وتعالي
ثانيا ابدي شديد إعتذارى عن طول غيابي عنكم وذلك نظرا لظروف العمل التى لا ترحم الا من رحم ربي ؛ والان ولله الحمد فسوف نكمل معا ما ابتديناه من مشوار
هادئ فى الاوراكل ؛ وفى خلال هذا الاسبوع ان شاء الرحمن سوف نستهل فتفوتة جديدة
اشكركم على حسن استقبالكم مقدما ولا تنسونا من صالح دعواتكم
وشكرا
م / خالد الشاذلي

جزاك الله خير الجزاء

تمام

وعالم او متعلم

والحيتان تستغفر لمعلم الناس الخير

فكفا به فضلا

على بركة الله

السلام عليكم ورحمه الله وبركاته

اخوي خالد احب اهنيك واهني جميع الاعضاء بالشهر الكريم اعاده الله على جميع المسلمين بالخير والبركه


اخوي يكاد يعجز لساني عن شكرك وعن اعطاء اعجابي بشرحك المذهل وانت فعلا نعم المعلم

اسلوب رائع وشرح ارووح

جعلها الله في ميزان حسناتك وعوض الله تعبك بالخير في الدنيا والاخره امين يا رب العالمين

>>> اخوي انا فعلا بديت اتعلم الداتا بيز على ايدك وماشئ معاك حبه حبه فأرجوك لا تحرمنى من باقي الدرووس

وتقبل فائق الاحترام والتقدير

اشكرك اخووووووووووووووووووووي

شكرا على هذه الفتافيت

وجزيت خيرا

بسم الله الرحمن الرحيم

اولا ابلغ تحياتي لكل القائمين على أدارة هذا المنتدي الشامخ ؛ والذى طالما قلت عنه انه اهم بوابة علمية خاصة بالاوراكل وتعليمه .
قد يستغرب البعض عن تسمية الموضوع بأسم فـــتــــافــيــت وقد لا يعرف بعض الاخوة فى دول اخرى معنى كلمة فـــتــــافــيــت ؛ و فـــتــــافــيــت هو مصطلح مصرى يطلق على الشيء الصغير والذى يصل حجمه مثل حبة السمسم او حبة العدس الصغيرة ؛ وقد اخترت هذا الاسم بالذات لما انوي القيام به بأذن الله من دردشة او فضفضة وباللغة المصرية العامية او الدارجة حول كورس الاوراكل كاملا ان شاء الرحمن ؛ يظل السؤال لماذا اخترت اسم فـــتــــافــيــت وذلك لانى ان شاء الله لن اقوم بالشرح بطريقة توحي بانه كورس ومذاكرة وشدة اعصاب خاصة للمبتدئين ؛ وانما سأقوم كما قلت بدردشة حول نقاط منفصلة فى شكل حوار بيني وبين طالب وسنقوم فى النهاية بتجميعها سويا فى شكل متكامل باذن الله ؛ بصراحة كنت عايز ابدء من PL/SQL لان السيكول اتكتب فيه محاضرات كتير لكن انا حبيت اننا نتعود على طريقة شرح واحدة من البداية وان شاء الله هتناول الأجزاء الهامة فقط في السيكول ولكن سوف اشرح باقى اجزاء الاوراكل بأستفاضة ان شاء الله .
على بركة الله نبدء ؛

الــفــتــفـوتـــة الاولى :

خالد : بداية سأقوم بالشرح على مستخدم SCOTT فعلى مدار خبرتي فى مجال التدريس ارى ان مستخدم SCOTT أبسط تعليميا من HR ؛ قد يختلف معي البعض ولكنها وجهة نظر ؛ قد يجد بعض الاخوة ان مستخدم SCOTT لديهم مغلق او LOCKED فمن يريد تفعيله وفتحه فيجب عليه اولا الدخول على مستخدم SYSTEM / MANAGER واذا لم يتمكن من الدخول على SYSTEM فيكتب فى خانة او مكان اليوزر نيم USER NAME يكتب التالي

/AS SYSDBA

ثم يقوم بالضغط على OK ومن هنا يمكن ان نقوم بفتح المستخدم وتفعيله
عند الدخول نقوم بكتابة الكود التالي :

ALTER USER SCOTT ACCOUNT UNLOCK ;
ALTER USER SCOTT IDENTIFIED BY TIGER ;
GRANT DBA TO SCOTT ;

بعد كتابة الاوامر السابقة اصبح مستخدم او يوزر SCOTT جاهز للعمل ؛ ويمكنك عمل الاتصال عليه لبداية التطبيق العملي .


طيب جميل فتحنا اليوزر ودخلنا واحنا عارفين ان اليوزر ده خاص ب SCOTT طب افرض روحت اعمل انتر فيو فى شركة وكان الراجل فاتح الشاشة على طول وانا عايز اعرف ايه هو المستخدم اللى انا شغال عليه ؟؟
قلك تكتب الامر التالي

SHOW USER ;

طالب : وده بيعمل ايه ؟
خالد : ده بيعرفني ايه هو اليوزر اللي انا داخل عليه .
طالب : طب يا بشمهندس لو انا على داتا بيز او يوزر معرفوش ( لا اعلمه او لا اعرفه ) وعايز اعرف ايه هي الجداول اللي موجودة داخل هذا اليوزر اعمل ايه ؟
خالد : قلك ده بيحتاج انى اكتب الكود وهو :-

SELECT * FROM TAB ;

طالب : طب وده بتاع ايه او ايه فائدته ؟
خالد : خلينا نتكلم ببساطة لو انت داخل مكان جديد ووجدت مجموعة شباب اول مرة تراهم وعايز تتعرف عليهم هتقولهم ايه ؟ اكيد هتسأل عايز اتعرف عليكم يا جماعة ؛ هو نفس الامر لما تدخل على اى داتا بيز وعايز تتعرف على كل أسماء الجداول الموجودة فبتكتب

SELECT * FROM TAB ;

يبقي الهدف من الكود اللى فات انى اتعرف على أسماء الجداول الموجودة فى الداتا بيز .
طالب : طب ما " تفتت " او تبسط الكود شوية !!
خالد : حاضر ؛ تعالى ناخدها كلمة كلمة
كلمة SELECT معناها ببساطة هات او اعرض او اختار
* معناها كل البيانات بلا استثناء او كل حاجة
FROM معناها " من " وهنا من تعني المصدر اللى هتجيب منه البيانات
TAB وهي اختصار ل TABLE وهنا يقصد الجداول ؛
اذا لو كتبناها بالبلدي هنقول " هات كل البيانات من الجداول "
طالب : بس يا بشمهندس اللى ظهر لما كتبنا الكود مظهرش بيانات ده ظهر اسماء جداول !!!
خالد : ده صحيح ؛ ولكن خد بالك ان الكود اللى انت كتبته مدلوله او مفهومه بالنسبة للاوراكل انه يعرض اسماء الجداول فقط وليس البيانات الموجودة داخل الجداول .
تمام !!
طالب : يعني تقصد يا بشمهندس انه فى كود تاني مخصوص لعرض البيانات المحفوظة داخل الجداول غير ده ؟؟
خالد : بالظبط كده .
طالب : تمام .

وشكرا
م / خالد الشاذلي
مبرمج اوراكل بوزارة الانتاج الحربي
IT Manager 1Solution Group
[email protected]
[email protected]