علشان تبدلي من Menu الي menu يجب عليك إستخدام أمر REPLACE_MENU


بالتوفيق

اخى الفاضل
مشكور على هذه الدروس القيمه فعلا
ولى عده نصائح واتمنى ان تتقبلها منى بصدر رحب فهدفنا واحد وهى ليست على المادة العلميه فانت تتمتع والحمد لله بمادة جيده ولكن على طريقه شرحك

اولا-- عند شرحك لدروس بالفيديو يفضل ان يكون لديك برنامج مميز فى التسجيل وان يكون له عديد من المخرجات والامتدادات
ويوجد هنا فى المنتدى برنامج رائع يدعى Camtasia_Studio_3.1.2 وانا قمت بوضعه مرة فىالمنتدى من فترة وهو فى مواضيعى ابحث عنه بالكراك
فهو مفيد وسهل التعلم لان برنامجك كان يحتاج الى سريال او كراك

ثانيا -- حاول دائما ان تتحدث عربيه حرة عاميه لانك بتتحدث بفصحى غريبه بعض الشى

اما بالنسبه للانجلش فلا تعليق بصراحه

اه واعتقد ان اغلب المبرمجين نسيوا يعنى ايه اكسس فمعتقدش ان حد مازال بيستخدمه الا فىاماكن صغيرة وده منتدىة اوراكل فمفيش منه فايده هنا
ده راى شخصى وليس الجماعه

ارجو ان تتقبل هذا الراءى كصديق

اخى mdsalah ارجو ان تنتقى المكان الصحيح للنصيحة .. هناك الف طريقة يمكن ان تراسل بها صاحب الموضوع

اولا: عند شرحك لدروس بالفيديو يفضل ان يكون لديك برنامج مميز فى التسجيل وان يكون له عديد من المخرجات والامتدادات

والله مش عارف ماذا أقول ، بس دي أول مرة أصنع فيها دروس بالفيديو ، وللأسف كنت عايز أخلص بسرعة البرق علشان دة أول مرة بيتم شرح التقارير بالأسلوب اليدوي ، فحبيت أنجز بسرعة علشان ألحق كسب عدد من التحميلات لهدف الصدقة الجارية مش أكتر.

ويوجد هنا فى المنتدى برنامج رائع يدعى Camtasia_Studio_3.1.2 وانا قمت بوضعه مرة فىالمنتدى من فترة وهو فى مواضيعى ابحث عنه بالكراك

دة صحيح ، وفعلياً هو لدي ، بس للأسف مفهمتهوش بسرعة ، وزي ما أخبرتك أنا كان هدفي أصنع هذه الملفات بسرعة ، بس كانت الظروف دائماً ضدي ، لدرجة أني بدأت في عرض الشروحات قبل العيد الكبير بكام يوم ، لكن بحاول أخلص منهم من بداية شهر رمضان ، بس ظروفي هي التي كانت دائماً تقف أمامي.

ثانيا : حاول دائما ان تتحدث عربيه حرة عاميه لانك بتتحدث بفصحى غريبه بعض الشى

دي بقي أللي غريبة جداً ، كل أللي بيكلمني بيقول لي أنني بتحدث بأسلوب عامي بسيط جداً ، صحيحة هناك بعض الجمل العربية الفصيحة ، ولكن في نفس الوقت معظم الشرح بالعامية .... يا راجل حرام عليك دا أنا كنت خجلان جداً وأنا بقدم الشروحات وكنت خايف أن الناس متفهمنيش ومتتقبلش مني الشروحات

اما بالنسبه للانجلش فلا تعليق بصراحه

في دي عندك حق ، وفعلياً أنا ضاعت مني فرص كتيرة بسببها ، الحمد لله علي كل حال ... بس بصراحة أنا أحبط من هذا الكلام ((( يعني مفيش أمل ؟؟؟ )))

اه واعتقد ان اغلب المبرمجين نسيوا يعنى ايه اكسس فمعتقدش ان حد مازال بيستخدمه الا فىاماكن صغيرة وده منتدىة اوراكل فمفيش منه فايده هنا

دي بقي مصيبة تانية الناس مش بتفكر فيها بأسلوب غير صحيح !!!

كل واحد فينا بيقول ( أنا أوراكل - أنا سيكوال - أنا أكسيس - أنا ...... الي آخرة ) ، مفيش مرة واحد سمعتة يقول أنا مبرمج تطبيقات قواعد بيانات ... أنا محلل نظم !!!!!!!!!!!!!!!!!!!!!!!!!!!!!!!!!!!!!

دايماً كل مبتديء بيسأل أمش إزاي .. الكل بيرد علي طول إبدأ SQL وبعدين PL/SQL وبعدين Forms وبعدين Reports ، ولو دخلت شوية في DBA يبقي كويس علشان يساعدك علي شغلك !!!

لكن في وجهة نظري أن هذا الأسلوب غير سليم بالمرة ، المفروض واحد مبتديء لازم يفهم يعني إية قواعد البيانات وإزاي يستخدم أمور تحليل النظم الصحيح وكيفية إستخدام خرائط التدفق للبيانات والبرامج ER-Schema ، ولما يبدأ في تصميم قاعدة البيانات ميبدأش علي طول ، لازم يفهم الأول الأسس العلمية لنظام إدارة قواعد البيانات DBMS ومكوناتها ، وما هي الـ Database وما علاقتها مع الـ DBMS ، وما هي اللغة الرئيسية التي تعتمد عليها الـ DBMS أللي هي SQL ، وما السبب في وجود DDL/DML ، وما هو السبب الأساسي لوجود برامج مختلفة تدير البيانات ، ولما سمي Database بهذا الإسم ، وما الفرق بينها وبين Data file ، والشرح يكون بتسلسل مش مرة واحدة ، علشان كدة فوجأت بأن ناس كتييييييييييييييييرة بتتعلم الأوراكل ومش عارفة تفكر تعمل بية إية ، أو تطور نفسها إزاي ، أو حتي تصنع برامج لنفسها إزاي أو .......... ، والأسئلة دي تم طرحها علي أكثر من مرة !!!

وبعدين سؤال سريع ، المفروض أن أنا مبرمج ، وشغال في شركة بتعمل علي SQL-Server ، وفجأة تم تغيير نشاطها لظروف خاصة ، معني كدة أسيب الشركة وأشوف غيرها ، يبقي سؤالي لو أنا حبت أنتقل من نوع الي آخر كيف أتمكن من ذلك ( بم أنني مبرمج مش مستخدم ) ؟؟؟

لو أنا إتخذت أوراكل كآداتي التي أعمل علي أساسها في شغلي يبقي أنا إسمي مستخدم أوراكل ، لكن لو قادراً علي الإنتقال من نوع الي آخر بكل سهورة يبقي أنا إسمي مبرمج ... صحيح مفيش حد بيعمل كدة ، بس أنا أقصد شيء آخر ، وهو أن نفهم ما هو الـ Database بصفة عامة ، وبعدين أختار أللي أرتاح له.

طيب خذ عندك دون ذكر أسماء ، واحد واخد كورسات أوراكل مكثفة ، وفي النهاية نسي كل شيء ، عارف لية ، لأنه مش عارف هيعمل إية ، طب كان إية لازمة الكورسالت المكثفة بالمبالغ المدفوعة ((( في نظري شهادات أوراكل دون فهمها عاملة زي واحد ماشي ومعاة في جيبة ورق كوتشينة ))) !!!


الأخ الكريم ، أولاً بخصوص جزء الأكسيس في شرحي ، الهدف الأساسي منه أوضح كيفية العلاقات بين الجداول وأعرض علي المستمع مكونات القاعدة مش أكثر ... لكن بقي لو قلت أن الأكسيس ملهوش شغل فسامحني كلامك غير صحصح ، ولو قلت أن الأكسيس مش آداة علشان تتعلم بيها قواعد بيانات فسامحني كلامك غير صحيح.

طيب خذ عندك كمان ، أللي بيتحدث معاك دلوقتي والحمد لله فاهم Database ، ومجرد فهمي لها بكل سهولة قدرت أفهم Access, SQL-Server, ForPro, Oracle ، صحيح أنا حالياً تركيزي علي أوراكل ( لأن مش معقولة أدرس وبس لازم أعيش زي أي إنسان ) ، بس هو يوم أو يومين أو ثلاثة أو أسبوع علي الأكثر هقدر أحول الي Access, SQL-Server, Oracle, FoxPro.

الأخ الكريم ، لو عايز تتعلم أوراكل إبدأ بتعليم SQL, PL/SQL, Forms, Reports ، بس بشرط تكون فاهم أساساً يعني إية Database وما هو سبب وجودة من أساسة . أما لو كنت عايز تدرس يعني إية Database فيجب عليك إختيار قاعدة خفيفة تتعلم فيها مثل Access وبعدين إنطلق زي ما أنت عايز ، لكن للأسف دائماً بننسي الأساس ونبدأ في المنتصف

ارجو ان تتقبل هذا الراءى كصديق

بالعكس دة أنا أتشرفت بمعرفة حضرتك ، ويارب دايماً تدوم المحبة بيننا وبين الأمة العربية ، وجزاك الله كل خير


شكراً

جزاك الله خيرا خي مصطفي فعلا شرحك رائع

كان لي طلب يخص التقارير
بحاول اعمل تقارير مبنية على فكرة الشجرة
يعني مثلا عندي منتج نهائي يتكون من مكون 1 و مكون 2
و كل مكون يتكون من عدة اجزاء
و كل جزء يتكون من خامات
اريد عمل تقرير يقوم بمعرفة تفاصيل كل منتج نهائي بس مش عارف اجيبها ازاي

ممكن يتم تطبيق الموضوع ده تقريبا على scott/tiger
يعني كل ادارة لها مدير و كل مدير اسفله اكثر من مدير او موظف حتى نصل اللي نهاية الشجرة

هل تستطيع اخي مساعدتي بعمل تقرير مثل هذا ؟؟؟؟

جزاك الله الف خير وجعل مثواك الجنه

بحاول اعمل تقارير مبنية على فكرة الشجرة

كل شيء ينفع بإستخدام التحايل البرمجية ، بس عفواً حالياً أنا مش مستعد لأن فية في إيدي شغل ، عموماً لما أفضي هحاول أعملهولك

بس فية شيء آخر أحب أخبرة لك ، موضوع الشجرة مش مستحب في التقارير ، عارف لية ، لأن المساحة لن تكفي لو كان الشجرة كبيرة جداً !!!!

يعني مثال ، لو عندنا مجموعة من الموظفين ، موظف بيشرف علي مجموعة من المشرفين ، والمشرفين بيشرفو علي مشرفين ، ............. ، وهكذا

لو التقرير قدر أنه يستوعب أكثر من تفرع ، مش هيقدر يستوعب أكثر من ذلك ، وإلا هتجيب ورق منين علشان تطبع ناتج التقرير ؟؟؟؟


ربنا يسهل

جزاك الله الف خير وجعل مثواك الجنه

أشكرك كل الشكر وجزاك الله كل خير





شكراً

اذن ما هو الحل المقترح لعمل تقارير من هذه النوع؟

جزاك الله خيراً جزاك الله خيراً جزاك الله خيراً
جعل الله هذا العمل في ميزان حسناتكم إن شاء الله و يدخلك فى رحمته فى دنيا و اخره
عمل والله ممتاز ممتاز جداً
يا ريت أقدر اعمل زيك
انا بحلم من زمان ان يكون مثل هذه المده العلميه على الانترنت بشكل مجانى
ليتمكن ان يستفيد منها الكثيريين
و يارب يوفقك فى حياتك و يزيدك من علمه
على هذا العمل الجميييييييييييل جددددددداً
أخوك أحمد إبراهيم

مره ثانية عزيزي الأستاذ / مصطفى
أكرر شكري العميق لمجهوداتك الكبيرة جداً
التي ساهمت في فهم العائق الكبير أمامنا ... طبعاً هو الـ Report .

شكراً ... شكراً ... شكراً ... شكراً ... شكراً ... شكراً ... شكراً ..................... شكراً

بارك الله فيك .... مشكور جدا على جهودك

أخى العزيز

أشهد الله أنى احبك فيه
وانا استفدت استفادة عظيمة من عدة دروس لحضرتك صحيح ردودى كانت قليلة بس كنت بادعيلك

المهم

بالنسبة لملف الدمب مش راضى يجرى عندى
انا باديله المسار بتاع الملف على جهازى
وبعدين بيجى خطوة البافر و يجى قافل

وبالنسبة للفورم فى مشكلة قابلتنى كتير وهى ان الكلام العربى بيظهر عندى علامات استفهام
وده حتى بعد ما بغير الفونت

وجزاكم الله عنا خير الجزاء

مشكوووووووووووور فعلا تستحق التقدير

بارك الله فيه و جعله في ميزان حسناتك

السلام عليكم ورحمه الله وبركاته

اخي الحبيب بارك الله فيك وجزاك كل الخير علي عملك الطيب

توقف القلم عن الشكر ..وهربت الكلمات من التعبير ...
شكراً لك اخي على هذا المجهود الرائع جداً ...
جعله الله في ميزان حسناتك ..

مجهود كبير جدا وعمل ممتاز ونيه صادقه بحق
جزاك الله خيرا يا اخى واراح قلبك واقر عينك ورزقك من حيث لا تحتسب
وبارك الله لك فى والديك ورزقك الزوجه الصالحه والذريه الصالحه

جزاك الله الف خير وربنا يباركلك على مجهودك العظيم يارب ربنا يوفقك

جزاك الله خيراً , اسأل الله ان يثيبك على عملك وجهدك .. استفدت كثيراً , ومازلت استفيد من الدروس

الله يجزيككل خير يا اخ mmaالفيديو انا نزلته وشغال عشره على عشره انا مسطب كودك اسمه storm

أشكركم جميعاً علي حسن دعواتكم الأكثر من رائعة ... وأتمني التوفيق للجميع

مصطفي محمود

بسم الله الرحمن الرحيم

السلام عليكم ورحمة الله وبركاته ،



بإختصار شديد أنا تعاملت مع حوالي 320 مبرمج أوراكل مبتديء وخبير ، وموظف بشركة برمجة وعاطل بالوراثة ، من شهر مارس للعام الحالي ( 2008 ) حتي اليوم الحالي ( شهر ديسمبر ) !!!



فوجئت بأن معظمهم حصلوا علي شهادات OCA, OCP ، ولم يعرفوا كيفية التعامل مع أهم عنصر من عناصر تطبيقات قواعد البيانات ، ألا وهي تصميم التقارير !!!



التقرير هو أهم وحدة إخراج لقاعدة بياناتي ، ومن خلالها بقدر أظهر شغلي كله ، وأعتقد أن ليس هناك تطبيقات لم تحتاج الي تقارير ، فهي تعتبر هدف التطبيقات ، وهدف العميل النهائي.



للأسف اكتشفت أن معظم هؤلاء المبرمجين دائماً يسألوني عن التصميم اليدوي ، ولما بعرض سؤالي بجد أن تعاملهم مع التقارير تعامل سطحي أو تعامل باستخدام الساحر المشهور Wizard.



وللأسف ، طريقة الساحر Wizard لا ولن تلبي احتياجاتي كمبرمج أوراكل ، أو حتى كمبرمج أي لغة أخري أو أي برامج أخري مثل الكريستال ريبورت.



سامحوني جميعاً ، أنا كنت بجد أسأله من الأعضاء ، دائماً بشعر بسخافة السؤال ، لكن لما أدرجت موضوع أن ليس هناك في الـ OCP كورسات قوية تشرح تقارير الـ Report Builder بقوة ، قررت أني أجاوب وأنا ساكت من غير ما أنقض السؤال.



لذلك وجدت أن أفضل قرار صحيح أني أصمم مجموعة من الملفات التعليمية تشرح لكل مبتديء مع الـ Report Builder ولكل خبير لم يعلم كيفية التصميم اليدوي للـ Report Builder .



عموماً أنا أدرجت جميع روابط التحميل علي مدونتي الشخصية علشان تكون مقر رئيسي لهذه الملفات التعليمية.



ملحوظة ، قبل النقر علي رابط التحميل سم بالله ، وأدعي ليا دعوة صادقة من القلب بأن يوفقني في حياتي ويوفق أمتنا العربية إلي ما يحبه ويرضي

أنظر الروابط من هنا

يا رب بالتوفيق للجميع

السلام عليكم
شكرا يا أخى الكريم على مجهوك, بس انا عندى مشكله مش عارفه انزل الروابط عندى ممكن تحملها على روابط اخرى

السلام عليكم ياأخ مصطفى
جزاك الله كل خير ونفع بك الامة الاسلامية وثابك على مجهودك
ولقد انتفعت بهذا الشرح كثيراً ولكن لي عندك طلبين فانا مبتدأ في البرمجة
واريد لو فية شرح مثل ذلك للفورم والـ plsql يبقى جزاك الله عنا ألف خير
وأنا اميلي hamedkayal@yahoo.com
لأني محتاج ليهم جداً
وأنا كنت حصلت ليك اول درس plsql ولكن باقي الدروس لم أجدها ولا اعرف ان كانت موجودة ام لا .
معذرة للاطالة



والسلام عليكم ورحمة الله وبركاته

اخوك / حامد الكيالundefined

جزالك الله الف خير
ووفقك الله واخوتك الى ما تحب