الحقيقة انا بطرح موضوع للمناقشة هنا تحديدا في araboug  عشان التخصص وان الناس هنا في المجال وفي خبرات كتير سواء في خبرة شغل او خبرة تدريس او الاتنين وان تقريبا كلنا مرينا بمرحلة اننا ناخد كورسات .

.

اللي عايز أقوله ان يجب الطريقة التقليدية في تدريس البرمجة وقواعد البينات لازم تتغير سواء كان اوراكل أو غيره

انتو ايه رأيكو ...؟

حسناً ..وما هو المقترح لدى حضرتك ..أقصد ماهي الطريقة التي تنصح وتقترح بإتباعها ؟

والله انا شايف اننا نتحرر من انها تكون مادة علمية ويتم القائها على الطلبة بالطريقه المتبعة حاليا . وانها تكون ممارسة عملية من البداية حتى نهاية الكورس وبكدة المتدرب هيكتسب خبرة اكبر والمعلومة هتثبت بشكل اقوى

والله يا جماعة هي مش اختراع , الصح معروف من قديم الازل , احنا مشكلتنا اننا مش بنطبقه ,

المفروض تاخد نظرى وتطبق عملي زي الناس , تقوم تطلع راجل بتعرف تشتغل

مسألة التطبيق تكون ذات نتائج ممتازة إذا كان إسلوب طرح الكورس هو عبارة عن عمل 

كيف يعني ؟ 

يعني فكرة الكورس يكون من بدايته بعمل مشروع  وهو يشرح يطبق على المشروع يعني وكإنه يشرح كيف يتم عمل المشروع من الصفر لغاية ماينتهي الكورس يكون عمل شيء واقعي حتى وإن كان بسيط  

بالاضافة الى أنه قد شرح المادة العلمية

أنا جربت هذا أفضل من أنه تقرأ وتجرب وتطبق كل شيء على إنفراد بل يتم جمع المفردات العلمية أثناء الشرح بإطار عمل واقعي بشكل مشروع صغير وهذا مايلزم المتلقي على التطبيق والمتابعة وحتى يبدع بأفكار جديدة 

هي مشاركة أراء ليس أكثر والله الموفق

انا جربت الطريقة دي فعلا , قريت كتاب مرة كان بيشرح بالطريقة دي ,

بس الطريقة التانية انه يشرح كل حاجة لوحدها وبعدين يجمع كل ده في مشروع في الاخر .

والطريقتين كويسين جدا , المهم انه يبقى فيه عملي

الطريقتين كويسين جدا زي حضرتك ما قولت ، ودليل كلامك دا ان في ناس كتير اتعلمت بالطريقتين واشتغلت ، لكن فكرة التطبيق العملي من اول الكورس حتى اخره دي اميز بكتير من الطريقة التقليدية .

اكيد طبعا التطبيق العملي افضل بكتير جدا . لانك بتكتسب خبرة الشفل وبتتعلم ازاي تفكر ودا مهم جداً.