السلام عليكم و رحمة الله و بركاته بعد اذنكم جميعا ارجو الافادة في هذا الموضوع ضروري انا بدرس الان oracle developer track و ده مش مجالي اصلا انا اصلا خريج حقوق بس حابب اتخصص في هذا المجال و كنت عايز اطور نفسي و ادرس دبلوم علوم الحاسب او نظم معلومات ده طبعا سوف يتم تحديده بعد مشوف اراء حضراتكم و عايز اعرف ايهما افضل بالنسبة للاوريكال علشان مضيعش وقت لاني للاسف سنّي كبير شويه و بدات متأخر شكرا لحضراتكم و ارجو الافادة .

مرحبا بحضرتك ... أنا هقول لحضرتك رأيي المتواضع - البرمج - عموما ملهاش علاقة بالدراسة

يعني لو خريج حقول ممكن تشتغل في البرمجة لو حبيتها واتقنتها وممكن تبقى أفضل من خريج علوم حاسب أو نظم معلومات - الفرق ان ده معاه شهادة حاسبات وحضرتك معاك شهادة حقوق

 

ثانيا: لو عاوز تدرس فعلا علوم حاسب أو نظم معلومات علشان تستفاد بيهم في البرمج هرجع أقول لحضرتك ان المجالين بيحصلوا بعضهم - بمعنى اللي أخد علوم حاسب طلع اشتغل في اوراكل واللي أخذ نظم معلومات طلع اشتغل في اوراكل -

نظم معلومات: بيعتمد في الاساس على التحليل وقواعد البيانات - المواد سهلة

علوم حاسب: بيتعمق أكثر في لغات البرمج ( نظري فقط ) - المواد صعبة

 

كثير من اللي دخلوا علوم حاسب تمنوا لو رجع بيهم الزمن يحولوا نظم معلومات ليه ؟ لأن الاثنين تقابلوا في الاخر في نفس المجال

حاسس اني شتتك بس ده عن تجربة

وللعلم أنا كلية الحاسبات والملعومات جامعة المنصورة قسم نظم معلومات وشغال حاليا بالاوراكل.

مرحبا بحضرتك ... أنا هقول لحضرتك رأيي المتواضع - البرمج - عموما ملهاش علاقة بالدراسة

يعني لو خريج حقول ممكن تشتغل في البرمجة لو حبيتها واتقنتها وممكن تبقى أفضل من خريج علوم حاسب أو نظم معلومات - الفرق ان ده معاه شهادة حاسبات وحضرتك معاك شهادة حقوق

 

ثانيا: لو عاوز تدرس فعلا علوم حاسب أو نظم معلومات علشان تستفاد بيهم في البرمج هرجع أقول لحضرتك ان المجالين بيحصلوا بعضهم - بمعنى اللي أخد علوم حاسب طلع اشتغل في اوراكل واللي أخذ نظم معلومات طلع اشتغل في اوراكل -

نظم معلومات: بيعتمد في الاساس على التحليل وقواعد البيانات - المواد سهلة

علوم حاسب: بيتعمق أكثر في لغات البرمج ( نظري فقط ) - المواد صعبة

 

كثير من اللي دخلوا علوم حاسب تمنوا لو رجع بيهم الزمن يحولوا نظم معلومات ليه ؟ لأن الاثنين تقابلوا في الاخر في نفس المجال

حاسس اني شتتك بس ده عن تجربة

وللعلم أنا كلية الحاسبات والملعومات جامعة المنصورة قسم نظم معلومات وشغال حاليا بالاوراكل.

شكرا لاهتمام حضرتك انا بس في حاجات غيبة عني فعايز ادرس الموضوع صح علشان اكون معايا الاساس يعني مينفعش اكون محترف في الاوريكال و يكون غايب عني اساس الكمبيوتر , بس انا كدا فهمت ان نظم المعلومات افضل لي و لها علاقة بقواعد البيانات الهي اساس الاوريكال . سؤال لحضرتك هل مجال الاوريكال قوي يعني من الممكن ايجاد فرصة عمل دون خبرة ام ان الموضوع صعب انا اخدت بالي ان حضرتك في السعودية انا بردو نفسي اعيش في جدة علشان كدا اعتقد ان حضرتك خير من يدلني علي الطريق . و انا اسف علي الاطالة و شكرا لاهتمامك

انا خريج نظم ومعلومات 

في الحقيقه علوم حاسب لها احترام اكثر من نظم ومعلومات اقصد في اعين الناس وهي حاجه نفسيه مش اكتر

علوم حاسب موادها افضل واكثر وبتبني قاعده كويسه عند الطالب ولازم تذاكر علشان تنجح يعني هاتفهم هاتفهم

نظم معلومات محتاج مجهود شخصي علشان تتعلم لكن المواد الي بتدرسها فيها مفيده جدا جدا  في مجال العمل باوراكل ليه ؟

لانك بتدرس 

1- محاسبه وده بتحتاجه جدا في شغلك بعدين.

2 - مواد اداريه زي الاداره والاقتصاد وووو الى اخره ودي بتفيدك وبتفتح مداركك لنظم الشركات.

4- طبعا برمجه ونظم تحليل ومواد الحاسب ,لكن معلومه ليك ليس بتوسع وبتفرق حسب المعهد الي بتقدم فيه 

وكله في الاخر متوقف على مجهودك انت 

اما بالنسبه لعلوم الحاسب 

بتدرس مواد عمليه اكثر مثل رياضه برمجه كهربا الحاجات دي وده من كلام صديق لي لاني لست خبير بالمجال 

وبتتخرج عندك كم من الاثث كبير وممتاز طبعا في التعامل مع اي خوارزمات ومعادلات صعبه 

طيب النهايه ايه لو انت ناوي تشتغل في مجال البيزنس يعني هاتعمل برامج محاسبيه وشؤون موظفين ومخازن  وووو وو الى اخره ,فالموضوع مش هايفرق معاك دي زي اهي شهاده وكده كده هاتخد كورس وهاتزاكر لما يطلع عينك 

لكن لو ناوي تدخل في شغل برمجيات مثل الاتومياتد والبرمجه المميكنه والتعامل مع الاجهزه الصلبه والتشبات من خلال البرمجه يبقى علوم حاسب مافيش كلام 

معلومه لو انت مش علمي مش هاتعرف تدخل علوم اصلا