السلام عليكم ورحمة الله وبركاته

انا واحد من الذين يرون ان المنتدي من فترة كبيرة وحجم التفاعل عليه قليل جدا , ويمكن ان تنتظر ايام حتي تأتيك اجابة لسؤال بسيط ,

فرأيت ان اضع هذا الموضوع لعل اي شخص يسيتطيع ان يمدنا باقتراح يتسبب في زيادة نسبة التفاعل في المنتدي .

حتي اكون صريح ان لا املك اقتراح حتي الان , ولكني آمل ان يمتلك غيرى ما لا امتلكه حتي نرتقي بالمنتدي مرة أخرى .

نرجو التفاعل باي اقتراح حتي ولو كان بسيط .

السلام عليكم ورحمة الله وبركاته

هو ممكن يكون عن طريق الايميلات بحيث اى مشاركة جديدة توصل لاى شخص فى المنتدى

فيبقى عارف انه فيه مشاركة جديدة لعلى و عسى يدخل عليها و يتفاعل مع المجموعة

أو ربط المشاركات كلها بالفيس بوك وتويتر، بيحث أن الرد من خلالهم يدخل على المنتدى كأنه رد من خلال المنتدى، بالاضافة الى عدم قصر التسجيل فى المنتدى بالايميل فقط، أى يمكن التسجيل من خلال ربطه بحساب الفيس بوك وتويتر والتزامن بينهم فى المشاركات والردود، حتى ينتشر المنتدى ويصبح أكثر فاعلية، للأسف أنا مش من رواد المنتدى بصفة دائمة لأرتباطى بالفيس بوك أكتر

أو ربط المشاركات كلها بالفيس بوك وتويتر، بيحث أن الرد من خلالهم يدخل على المنتدى كأنه رد من خلال المنتدى، بالاضافة الى عدم قصر التسجيل فى المنتدى بالايميل فقط، أى يمكن التسجيل من خلال ربطه بحساب الفيس بوك وتويتر والتزامن بينهم فى المشاركات والردود، حتى ينتشر المنتدى ويصبح أكثر فاعلية، للأسف أنا مش من رواد المنتدى بصفة دائمة لأرتباطى بالفيس بوك أكتر

الاقتراح ده حلو اوي , أحييك عليه ,

وبالنسبة لموضوع الايميلات بتاع البشمهندس احمد , فانا معتقدش ان الناس بتدخل كل شوية علي الايميل , علي الاقل مش هيبقى زي ما بتدخل علي الفيس .

بس كويس والله , يمكن نوصل لاى حاجة توصل للمشرفين ويحاولو يحلو المشكلة دي .

يا ريت يبقى في تفاعل اكتر من الناس يا جماعة .

اهه كل في الآخر لينا احنا .

ممكن يطبق موضوع النقط زى اللى فى جوجل

ممكن يطبق موضوع النقط زى اللى فى جوجل

ده ايه حكايته ده , قصدك زي الـ otn forum  يعني

كل واحد يجاوب علي حاجة ياخد نقطة مثلا .

طب ما هنا في

اعلي الاعضاء مشاركة عموما ,

و اعلي الاعضاء مشاركة اليوم .

ولا تقصد حاجة تانية ؟

اللى اقصده هو اصحاب النقاط ممكن يكون ليهم الحق فى الاستفسار عن اى حاجة

اللى اقصده هو اصحاب النقاط ممكن يكون ليهم الحق فى الاستفسار عن اى حاجة

ايوة , الناس تاخد النقط دي علي اساس ايه , وبعدين ما هو اي حد فعلا قادر علي انه يستفسر علي اي حاجة ,

المشكلة في الي يجاوب علي الاستفسارات , مش ان الناس تسأل

ده المنتدي مش مات , ده المنتدي بيتحاسب دلوقتي

ده مفيش غيرنا احنا الـ 3 يا جدعان الي بتكلم في الموضوع بقالنا يومين ,

حتي المبتدئين الي المفروض الكلام ده في مصلحتهم , محدش فيهم شارك بحاجة , ولا قال حتي ربنا يوفقكم وتوصلوا لحاجة

عليه العوض

اللهم وفقنا يا رب

تفائل خير دائما

انا با اكتب اى اقتراح عشان اشجع اناس انها تكتب

لعله خير

مشاركة لأجل النبي يا نااااااااااااااس ,

طب الناس الخبرة مش بيشاركو عشان مش فاضيين ماشي , لكن المبتدئين الي الموضوع اصلا ليهم راحوا فين

لا حول ولا قوة الا بالله

زيادة علي الافكار الي قالوها البشمهندسين فوق , في فكرة أظن انها كويسة ,

لو في مهندسين من الناس القديمة الخبراء الي هنا يقدروا يطرحوا الموضوع ده علي شركات ,يبقى كويس جدا .

الموضوع كالاتي, هيبقى في في المواضيع زرار للاجابات المساعدة وليكن مثلا الزرار بتاع "أعجبني هذا " الي محدش بيدوس عليه ده ,

وكل واحد الزرار بتاعه يتداس عليه , او الاجابة بتعته تكون هي اجابة السؤال , ياخد عليها عدد من النقط , بس لازم حد يعرف الشركات الموضوع ده ,

بحيث ان الناس هنا تتحفز وتشتغل بجد عشان تاخد نقط لانها لما تاخد نقط اكتر الشركات لما تعوز مبرمجين هتيجي هنا المنتدي وتبص علي الناس الي واخده اكتر عدد من النقط , وتبقى

مرشحه للعمل في الشركة عندها , فنكون نفعنا الجانبين , الناس الي عايزه تتوظف طبعا بانها بقت مرشحة لوظيفة , ونفعنا الشركات باننا هنوفر لها الوقت بانها تجيب ناس ملهاش في اي حاجة

وتعمل مقابلات عندها , يعني المشاركة هتبقى كانها انترفيوهات بس مدتها طويلة شوية .

بس يا مين يساعد

يا رب

يا جماعة طب اي حد يعبرنا بالسلب حتي , مش شرط تكون ايجابي

يعني لو الموضوع مش عجبك وشايف ان احنا بنهاتي , وبنفكر في اي كلام , ادخل قول , عشان نبطل نهاتي , بدل ما نفضل علي امل

بجد والله

السلام عليكم

شاكر لكم جميعا أخواني على الروح الجميلة في زيادة التفاعل وتطوير المنتدى.

وإدارة المنتدى الكريمة تقوم كل فترة على تطوير المنتدى بايجاد حلول جديدة ومفيدة لجميع الأعضاء، ناهيكم أن المنتدى يعتبر كنز من المعلومات المفيدة والقيمة.

وبااستخدام خيار البحث في المنتدى سيجد العضو حتما جوابا على سؤالة.

يااااااااااااااااااااااااااااااااااااااااااااااااااااااااااه , احمدك يا رب

شاكر انا جدا يا بشمهندس ليك انك الوحيد من الخبراء الي شاركنا في مشكلتنا العويصة دي , وجزاك الله خيرا

بس المشكلة يا بشمهندس ان في مشاكل مرتبطة بحالة معينة , يعني مش سؤال واجابته ثابتة زي ما اقولك ان انا عندي ايرور ورقمه كذا , فالحل بتاعه معروف , ده ييجي مع البحث سواء هنا او في جوجل .

بس في مشاكل بتبقى مرتبطة بحالة معينة ووصف معين بتبقى محتاجه اجابه عليها , فاحنا عاوزين نطور المنتدي عشان نلاقي طريقة نخلي بيها الناس تتابع النوع ده من الاسئلة .

يا ريت تناقشوا اي مقترح من الي اقترحناه , او تشوفوا مقترح تاني

جزاكم الله خيرا

update