عايز اعمل زرار فى الاوركل فورمز اول ما اضغط عليه يطلب منى ادخال رقم المريض او اسمه وبناء عليه يعرض بينات المريض (الصف باكلمه ) و ده يكون فى بلوك مفيهوش اى جداول .. هيكون فى الواجهة الرئسية
اللى يعرف يساعدنى اجوركم  ...
اخر معاد لتسليم مشروع التخرج يوم الثلاثاء .

طيب انت ممكن تعمل بلوك عادى فيه text item و bush button و تخلى طبعا ال text item non database item

و تخلى نوعه number عشان تكتب فيه رقم المريض

و على الزرار تعمل ترجر when_button_pressed و تكتب فيه الكود ده

go_block('block name');

execute_query;

عشان يروح للبلوك اللى فيه بيانات المريض

و على مستوى البلوك التانى تعمل تريجر Pre_query

و تخلى فيه رقم المريض اللى فى البلوك يتساوى مع الرقم اللى فى البلوك الاولانى

كده حيعرض المريض اللى انت ادخلت رقمه فوق فقط

شكرا يا باش مهندس احمد على اهتمامك  ... هجرب  وهعرفك بالنتائج
 

موفق ان شاء الله

انا جربت بس انا ازاى هخلى رقم المريض اللى فى البلوك الاول يتساوى مع رقم المريض اللى فى بلوك الثانى ؟

اسف على الازعاج يا باش مهندس 
اتمنى انك تساعدنى ♥

ما فيش ازعاج ولا حاجة

حنفترض انه البلوك الاولانى اسمه B1 و ال text item اللى فيه اسمه T1

و البلوك الاساسى اللى فيه بيانات المرضى عندى اسمه BLOCK و ال item اللى شايل رقم المريض اسمه Item_id

حنعمل على مستوى البلوك الاساسى اللى شايل بيانات المرضى تريجر نوعه pre_query عشان نحط شرط قبل تنفيذ الاستعلام  انه ما يعرضش غير الرقم اللى  انا كتبته فوق

و نكتب الكود ده

:BLOCK.Item_id :=:B1.T1;

بس كده جربه

هو انا لازم احط الكود ده فى declare ???

ليه declare ؟

احنا مش محتاجيين نحدد اى متغيرات

طب حضرتك هو طلعى الخطأ ده :/
bad bind variable

ده الكود بتاعى

: المريض.رقم_المريض :=:b3.t4 ;

والخطأ بيقول

bad bind variable 'b3.t4'

منتظر رد حضرتك

ده معناه انه اسم ال b3.t4 غير صحيح مش هما نفس الاسماء اللى عندك اتاكد منهم الاول انك مسمى البلوك B3 و الايتم t4

نفس الخطأ يا باش مهندس :/ 

طيب ممكن تبعتلى print screen للصفحتيين ال object navigator و الpl editor اللى حضرتك كتبت فيها الكود

 

حضرتك انا رفعتهم على الفيس بوك
ممكن حضرتك تخش على اللينك ده وتشوفهم
https://www.facebook.com/mahmoudTharwt/posts/720278014689002?stream_ref=10

ربنا يجعله فى ميزان حسناتك يا رب ♥

بص حضرتك عامل ال b3 و ال t4 فى Module  تانيه خالص لا اعملهم فى نفس ال module 

طب حضرتك  انا عايز اعمل الموضوع فى الواجهة الرئيسية اللى مفيهاش جداول اصلا  .

يعنى تقصد من Module ل Module مش من بلوك لبلوك ؟

يعنى Module يبقى فيها عملية البحث مثلا و التانية نتيجة البحث صح؟

اه ده المطلوب

فيه مديول فيه كل بيانات المريض اصلا   
والتانى هيكون فيه زرار اضغط عليها يطلعى بيانات المريض

او مش شرط يكون فيه مديول فيه بيانات المريض
انا عايز اعمل زرار يستدعى بيانات المريض  من قواعد البيانات  
وتكون مثلا شروطه اول ما اضغط على الزرار يطلب منى رقم المريض فاول ما احط رقم المريض يعرضلى الصف بالكامل