ربط Report Builder ب Apex موضوع يستحق العناية

متابعين

بتاريخ: 23 يناير 201412 سنة

السلام عليكم ورحمة الله وبركاته

كتير منكم سألني عن ازاي نستخدم Report Builder مع APEX خصوصا ان فيه ناس كتير بتواجها مشاكل إنها تخرج تقارير بفورمات PDF خصوصا لو الداتا اللي في التقارير بالعربي

طبعا الموضوع للناس اللي فاهمه Report Builder واشتغلت عليه

خلونا نتكلم في مثال بسيط عن كيفية الربط

عندي مثلا تقرير للموظفين وعندي كام برامتر من على الصفحة عايز ابعتهم للريبورت اللي احنا بنيناه على الريبورت بيلدر

هعتبر دي البرامترز اللي على الصفحة

p1_emp_code

p1_emp_sal

وهنفترض اننا لما حفظنا التقرير من على الريبورت بيلدر حفظناها بالاسم دا EMP_REPORT.rdf

المفترض اننا نحط التقرير دا في مكان report_path اللي بنشتغل عليه

لو هفترض انك ما غيرتش path

يبقى المفروض يتحط في ملف demo

E:\DevSuiteHome_1\reports\samples\demo

بعد ما خلصنا التقرير والدنيا تمام وحطيناه في المكان اللي اتفقنا عليه نبدأ في المهم ندخل على الصفحة اللي فيها التقرير على الابكس ونعمل edit page وفي منطقة javascript هنعمل فانكشن تنادي على الريبورت ونحط فيها البرامتر اللي حطيناها في المثال

هنحط في

Function and Global Variable Declaration

الكود دا

function runrep(){
var vurl =
'http://localhost/reports/rwservlet?userid=database/password@xe&destype=cache&desformat=PDF&paramform=no&report=EMP_REPORT&P_EMP_CODE='+$v('P1_EMP_CODE')+'&P_EMP_SAL='+$v(P1_EMP_SAL);
popupURL(vurl);
}

طبعا DATABASE دي اسم الداتا بيز والباسورد والباقي هيكون سهل تفهمه

اي سؤال تحت امركم

تم تعديل 23 يناير 201412 سنة بواسطة Ahmed Alsaied

اقتباس