السلام عليكم

كنت عايز اعرف من اهل الخبرة الانترفيو بيكون عبارة عن ايه وايه المواضيع اللى بيركز عليها بالنسبة للديفولوبر وهل بيكون فى 

اختبار عملى انى اكتب كود او اعمل فورم مثلا واللغة بتكون عربى ولا انجليزى وهل الاسئلة بتكون بشكل نظرى

لانى عندى مشكلة انى مبعرفش احفظ كود هل من الممكن انى استعين بحاجة ف المقابلة زى مرجع ليا او شىء من هذا

ارجو الافادة

شكرا لكم

السلام عليكم ورحمة الله وبركاته

الحمد لله والصلاة والسلم على رسول الله صلى الله عليه وسلم

هذ السؤال لا يمكن الاجابة عليه بشكل مباشر,لان كل سؤال سألته حضرتك ليه اكثر من اجابه.

لكن يمكن ان افيدك بشئ بعد الاستعانة بالله ,من واقع خبرتي بالمقابلات في الشركات 

اولا النقاط الي بيركز عليها :

ممكن يجيلك امتحان شامل كله pl/pl-sql/forms/reports

وفي كل المواضيع تقريبا 

وده بيبقا عاوز يعرف مستوى الشخص الي رايح يعمل انتر فيو وطبعا ده الي بيحد رتبك,ومش بالضروره انك تحل كل حاجه لانه بيبقا عارف ان في اسئله فوق مستوى الجينيور 

وده بيكون نظري

وفي الغالب الي بيعمل امتحان نظري بيكون عامل عملي كمان يعني بيطلب منك شاشة بتحتوي على لست ايتم ولوف وبتنده فورمه تاني وبتشغل تقرير كده يعني.

وفي اماكن بتروح بتجلس مع الشخص المختص يتكلم معاك تيكنيكال ويسئلك شوية اسئلة كده مثلا ايه الفرق بين الفانكشن والبروسيدجر , 

مثلا ينفع تعمل جملة DDL في فانكشن ,

مثلا تعرف ايه عن الويب يوتل ,تعرف شتغلت عليها ولا لا,

ايه الفرق بين الكونيسترانت  البرايماري كي واليونيك 

من هذا القبيل 

وعموما انتا لما بتروح تعمل انتر فيو انتا بتعمل حسابك لاي اي شئ لان الشخص الي انتا رايحله مش هايدلك كذا الف جنيه مثلا الا لما يتاكد انك هاتخليله الشاشة تتكلم وده طبعا عل سبيل المداعبة

والله المستعان وعليه التكلان 

يا اخي الموضوع مختلف من شركه لشركه  ومالوش اي قاعده ممكن تروح شركه تسالك اسئله تكنكال بس وممكن تروح تلاقيها بتسالك عن شغلك السابق وممكن تلاقيهم بيسالو عن حجات بره الموضوع خالص انا مره رحت انتر فيو لاقيت المدير بيسالني احنا شركتنا في الدور الكام قولته التالت قالي عرفت منين قولتله سالت السكيورتي الي موجود  تحت هز راسه وسكت بعد ما اتقبلت قولتله انا عايز اعرف ايه علاقه السوال ده بالانتر فيو قالي اصل كان في لوحه متعلقه مكتوب فيها كل دور فيه شركات ايه وفي سكيورتي واقف فاحنا مش بندي رقم الدور للي بيجي يعمل انتر فيو وبنشوفه لما يجي هيدور في اللوحه ولا هيسال السكيروتي ودي تفرق معانا في فهم طريقه تفكيره انا عن نفسي لما بعمل انترفيو لحد مش بساله في اي حاجه تكنكال مباشرة بقوله لو انا عايز اعمل كذا اعملها ازاي واشوفه هيفكر ازاي وهيعمل ايه وطبعا بلاحظ مستواه الفني من خلال الاجابه وممكن اديله بدايل واقوله مش ممكن نعل كذا او كذا واشوفه هيفضل ايه وليه وهل هو عارف مميزات وعيوب كل طريقه ولالا عموما انت زاكر كويس المواد التكينكال وقدم وادخل الانترفيو من غير رهبه ولازم تكون واثق من نفسك وتحسس الي بيسالك انك قد الشغل وماتجوبش حاجه الا الي انت عارفها ولو هو قالك علي حاجه تانيه غير الي انت عارفها وشغال بيها حاول تتناقش معاه بهدوء وتقنعه برايك وفي الاخر التوفيق من عند ربنا

الف شكر يااخوانى