انا خريج كلية تجارة

فكرت اخش في عالم الاوراكل

عرفت ان اوراكل فايننشال برنامج محاسبي سالت عالكورس  لاقيته ب 6 الاف

 

ولاقيت الاوراكل ديفلوبر ارخص 4500

 

ومن الي قريته عرفت ان اوراكل ديفلوبر برمجة

وطالما برمجة ده معناه ان ممكن اعمل برنامج محاسبي عن طريقه

 

حبيت استفسر هل دراستي للاوراكل ديفلوبر

حتخليني عارف الاوراكل فايننشال لاني حكون درست كمبرمج مش مجرد يوزر على برنامج

 

ولو الي انا فاهمه صح

طب ليه سعر الاوراكل ديفلوبر ارخص مع اني شايف انه اشمل من الفايننشال وشكرا

مبدئيا كده , اوعي تدفع فلوس في اي حاجة دلوقتي , لان انت كده معلوماتك عن الموضوع (ابيض خالص)

ثانيا : الاسعار دي علي حسب المكان , ممكن تلاقي الكورس بـ 2000 جنيه في حتت تانية , وفي حتت كويسة وفي حتت لا

ثالثا : الموضوع مش موضوع يوزر خالص زي ما انت فاهم , في الفايننشيل بيبقي اسمك consultant

رابعا : انصحك ابعد عن الاتنين , لان شغلهم تقدر تقول مش مطلوب اوي , وانصحك برده مش شرط اوراكل

دور الاول شوف ايه المطلوب في السوق , سواء من اوراكل ولا من غيرها , وخده لو هتاخد عشان تشتغل يعني

خامسا : ابحث في المتدي عن كل تخصص ومعناه وشغله , وابحث في جوجل كمان , عشان انت كده تايه خالص

واسال عن اماكن الكورسات واسعارها , وارجع انصحك بلاش الاتنين دول

شكرا لردك طب ايه هي التخصصات المطلوبة  لاني فعلا تايه تنصحني بايه

انا هقلك اللي اعرفه بس ماتسألنيش انا لوحدي , اسأل ناس كتير , واسألهم في اللي انا بقوله ,

علي حد علمي الدوت نت هو الاكتر طلبا في السوق والموبايل ابلكيشنز ,

وعندك في اوراكل الحاجات البعيدة شوية بس تيجي بعد الي فوق دول طبعا الـ oracle hrms وده مش برمجة , بتبقي consultant برده زي الفايننشيل

انت عندك بقى يا ريس مواضيع كتير بتتكلم عن التخصصات دي , اقراها الاول , ولما تقراها هتلاقي فيديوهات كتير بتتكلم فيها , تقوم تتفرج عليها

وتشوف انت شايف نفسك في ايه , عشان حاجة زي البرمجة مثلا ممكن تلاقي نفسك مش ماشي فيها , عشان فيها حل مشاكل وكده , ويستحسن تكون حابب

عشان تعرف تدوس , واظبط حالك انت بقى , وفي صفحة اسمها المبرمجون المصريون علي الفيس , ممكن تسأل فيها عن اللي انت عايزه , التجمع هناك كبير , وفيها اعلانات وظايف كتير

نصيحتي لك

Oracle HRMS

دورة وتطبق

وبعدها دول الخليج المجال فيها أكثر