السلام عليكم ورحمة الله وبركاته
في حد مرة قالي انه عنده ابلكيشن لادارة محل عنده , وهو بيشتري الشركة قالتله احنا عندنا 3 مستويات

اول مستوي بيطلع 10 تقارير وده بـ 1000 جنيه
والمستوي التاني بيطلع 20 تقرير وده بـ 2000 جنيه

انا مش فاهم بقي , الراجل انضحك عليه ولا الكلام ده حقيقي

لاني مش فاهم ايه المشكلة لما الابلكيشن يطلع 500 تقرير حتي , هي ايه المعضلة في كده , ما هي ورقة بتنطبع وخلاص ؟

ولا انا فاهم غلط ؟

السلام عليكم
اخ اسلام اخبارك ايه
على فكرة الكلام دا عادى فى تسعير البرامج
لان كل شركة بتحدد طريقة تسعير البرامج الخاصة بها
يعنى مثلا هناك شركات بتكون عاملة البرنامج باكثر من قاعدة بيانات
فيقولوا لو اخذت النسخة اللى قاعدتها اكسيس يبقى بسعر
واللى قاعدتها سيكول بسعر اعلى شوية
واللى قاعدتها اوراكل بسعر اعلى اكتر
وشركات تانية بتحدد السعر حسب عدد التقارير مثل الحالة اللى عندك
وشركات تالتة بتحدد السعر حسب عدد اليوزر
وربنا يرزقك وتعمل شركة ونشوف انت هتسعر البرامج ازاى ههههههه
معكم ولكم نتواصل

امر طبيعى يااسلام وان كنت شايف ان حتى الف جنيه فى برنامج ب 10 تقارير ده يعتبر قليل بالنسبه للوقت والجهد المبذول فيه .

امر طبيعى يااسلام وان كنت شايف ان حتى الف جنيه فى برنامج ب 10 تقارير ده يعتبر قليل بالنسبه للوقت والجهد المبذول فيه .

كلام حضراتكم متعارف , الشبمهندس ahmeddbقال ان الموضوع حكاية سعر بس , يعني هما اللي عاملين قيد ع الموضوع بمزاجهم (محجمنها يعني) , والبشمهندس احمد حمدي قال الجهد المبذول , انا مش عارف الجهد المبذول في ايه ,

يعني انا خليته يطلع تقرير ببيانات معينة , وخليته ميطلعش اكتر من عشر ورقات في اليوم , ايه المجهود في كده ؟! , انا معملتش جديد غير ان انا قيدت عدد التقارير اللي تطلع .

ارجو التوضيح اكثر

ايوه طبعا مجهود يااسلام ...انت متخيل لو تقرير واحد هياخد من الديفيلوبر وقت اد ايه عشان يعمله لو فرضنا انه تقرير معقد مثلا بياخد من كذا جدول
وعشان يظبط layout الخاصه بالتقرير ودى بتحتاج مجهود
وحتى لو كان كات جمله select بسيطه فى التقرير ...
انا عارف ان فيه برامج بتتباع ب 500 جنيه بس شوف كميه الشكاوى منها اد ايه !!! فلازال مبلغ 1000 جنيه ده يعتبر فعلا رخيص نسبيا لبرنامج كويس لاداره محل يحتوى على اداره كامله للاصناف ببرنامج محاسبه كويس واداره مخازن كويس ومش بيهيس كل شويه stable يعنى ويعملك مشاكل .