السلام عليكم ورحمة الله وبركاته

اولا احب اعبر عن ساعدتى انى معكم هنا فى منتدى اوراكل ويشرفنى التعامل مع الأعضاء الكرام
اسمى عبدالرحمن أشرف طالب بكلية تجارة جامعة عين شمس الفرقة الرابعة شعبة محاسبة
اريد مساعدة من الأعضاء الكرام فى موضوع كورسات الأوراكل

لدى فرصة عمل متاحة فى احد الدول العربية بعد التخرج ان شاء الله ,,, واننى معى الكورسات التى تأهل لأى عمل محاسبى يعنى اساسيات " لغة انجليزية و كمبيوتر ICDL و Excel advanced وادربت فى بنك و شركة بترول ومكتب محاسبة " اساسيات يعنى

ولكنى قرأت عن الاوراكل بأن من يحصل عليه يكون متميزا فى عمله يعنى بيكون حاجة فى شغله فقرأت عنه وعن تقسيماته وسألت ايه المناسب ليا كطالب تجارة و انى معرفش اى حاجة عن الأوراكل فتقالى افضل حاجة ابدأ بـoracle finance فقولت عادى ابدأ بيه وانا ابيض فالاوراكل مش لازم آخد Developer او DBA قبل مابدا فتقالى مش شرط لأنك اما تبدأ الـ oracle finance هتدرس كل حاجة فيه من البداية الى الأحتراف

واتعرض عليا كورس اوراكل اسمه R12.x ORACLE e-business suite Financial App -
وده مقسمينه جزئين
الأول
Accounting Concepts For ERP System Using In Corporates
وده الجزء التانى

R12i ORACLE E-Business Suite " Financial Track
1. E-Business Suite Essentials For Implementers .
2. R12i ORACLE General Ledger Management Fundamentals .
3 . R12i ORACLE Sub_Ledger Management Fundamentals .
4 . R12i ORACLE Payables Fundamentals .
5 . R12i ORACLE Receivables Fundamentals .
6 . R12i ORACLE Asset Management Fundamentals .
7 . R12i ORACLE Implement and Use Cash Management .
8 . R12i ORACLE Taxes .

بتكلفة 4500 جنيه لمدة 4 اشهر

تنصحونى بأيه ياجماعة آخده ولا لأ ؟؟ وهل فى مكان كويس معتمد آخد فيه الكورس مع العم ان المكان ده اسمه Next فى مدينة نصر ودخلت على موقع Oracle لاقيت المركز ده من ضمن الـ Partner ؟؟وهل فى كورسات اوراكل تانية تفيدنى فى التوظيف فى مجال الشركات او البنوك غير الـ
oracle finance
وهل فى دول الخليج و الأخص دولة الكويت طلب على الى متعلمين اوراكل وايه المطلوب اكتر
دوشتكوا :D وشكرا جزيلا

السلام عليكم
اولا شغل الاوراكل فى جميع الدول مطلوب بصورة كبيرة بس المشكلة انهم اكتر الاوقات بيطلبوا ان الشخص يكون خبرة
وطبعا هو مطلوب اكتر فى دول الخليج
ثانيا بصفة انك خريج تجارة فافضل مجال لك هو اللى انت كاتبه لانه يجمع بين شغل المحاسبة وشغل البرمجيات ويجعل لك الافضلية فى العمل فى افضل الاماكن
ثالثا المركز اللى حضرتك ذكرته بعض الزملاء مدح فيه و البعض الاخر كان له راى سئ عنه لان العبرة بالمحاضر وليس بالمكان
نصيحتى لك من واقع الخبرة و الحياه الاتى
1-اذا كنت ناوى على السفر فحاول ان تحصل على شهادات اوراكل المعتمدة فى المجال الذى سوف تتخص فيه
2-الحصول على دورة sql عشان دى من اساسيات العمل فى البرمجة بالاوراكل حتى لو مفكرتش تدرس dba or developer

لو محتاج حاجة تانية انا موجود دائما
معكم ولكم نتواصل

انا بشكر حضرتك جدا جدا جدا بس لو حضرتك تعرف مكان بيدّرس وبيدى الشهادة المعتمدة يبقى كتر الف خيرك

السلام عليكم
هناك اكثر من مكان مثل
نيوهوريزون وفروعه عباس العقاد - الدقى - الجيزة
ايماك - المهندسين
يات - الدقى
بس الاسعار هتلاقيها عالية خلى بالك
معكم ولكم نتواصل

اشكرك جدا يا استاذ احمد
يعنى انا ابدأ بالأوراكل sql الأول لأنها اساسيات البرمجة بعد كده ابدأ فى الـ Oracle finance طب المكان الى انا سالت فيه قالى ان فى شهادة حضور باخدها من اوراكل
هل بعد كده بقدم للأمتحان ؟؟ ولا بعد ماخد الشهادة كده خلاص ؟؟؟

بعد الانتهاء من الحصول على الكورس وشهادة الحضور
يتم التقدم للحصول على شهادات الاوراكل ودخول الامتحان
معكم ولكم نتواصل

الأخ عبد الرحمن

بالتوفيق يارب
وبجد فرحان إنك لسه فى سنه رابعة ومجهز نفسك لسوق العمل
ما شاء الله
ربنا يكرمك إن شاء الله
بص يا سيدي
أنا خريج تجارة برده ولكن لما إتخرجت مكنتش أعرف عن اوركل أى حاجه
وكمان مكنتش اعرف إن فيه حاجه إسمها أروكل من الأساس

ولكن الفرصه جاتلى لما سافرت السعودية وكان حظي إن الشركة بتتطيق البرنامج Oracle Financial
والحمد لله ودي كانت البدايه
المهم أنا من رأيي الـ SQL مش شرط تبتدي بيه
ومع إني مدخلتش فيه لسه ولكن ناوي إن شاء الله ولسه معرفش تفاصيل عنه

ركز الأول فى كورس Oracle Financial
R12 General Ledger.
R12 Accounts Payable.
R12 Accounts Receivable.
R12 Cash Management.
R12 Fixed Assets
لأن ده اللى هيفيدك كمحاسب وإن شاء تلاقي فرص حلوه ليك اول ما تخلص الكلية
يارب بالتوفيق دايما" وأنا مستعد فى أى وقت لأى مساعده
وكمان يوجد موقع إسمه
http://www.solutionbeacon.com/
تقدر تتدرب عليه
وعلى فكره انا اخد كورس أون لاين من مركز موجود فى مصر
وده رقم صاحب المركز لو حبيت إتصل بيهم وإعرف الأسعار مناسبه ولا لأ
01222512071
المهندس خالد

تم تعديل 19 مارس 201312 سنة بواسطة علاء عبد العزيز

اشكرك جدا يا استاذ علاء على المعلومات القيمة بجد انتوا ساعدتونى كتير انا كنت تايه ومعرفش اى حاجة عن الأوراكل بس هحتاجلكوا كتييييييييييييير ان شاء الله

السلام عليكم ورحمة الله
جميل اوي الموضوع عجبني بجد
لاني بحب المحاسبة اوي وحابة اشتغل في المجال دا ومش عارفة ابدا ازاي ارجو تساعدوني
معايه معهد فني تجاري وكليه تجارة ودبلوم مراجعة جامعه عين شمس بتقدير جيد وحاليا بحضر ماجستير سياسه عامه ومعايا دورات كمبيوتر ولغة وبيتش تري وبرنامج اعداد قوايم محاسبيه
ارجو مساعدتي حاسه اني بتخبط ومش عارفة ابدأ منين ومفيش حد يوجهني صح وانا عندي طموح وحابه اتعلم واشتغل بشكل صحيح
ارجو المساعده

السلام عليكم ورحمة الله

جميل اوي الموضوع عجبني بجد

لاني بحب المحاسبة اوي وحابة اشتغل في المجال دا ومش عارفة ابدا ازاي ارجو تساعدوني

معايه معهد فني تجاري وكليه تجارة ودبلوم مراجعة جامعه عين شمس بتقدير جيد وحاليا بحضر ماجستير سياسه عامه ومعايا دورات كمبيوتر ولغة وبيتش تري وبرنامج اعداد قوايم محاسبيه

ارجو مساعدتي حاسه اني بتخبط ومش عارفة ابدأ منين ومفيش حد يوجهني صح وانا عندي طموح وحابه اتعلم واشتغل بشكل صحيح

ارجو المساعده

افتحى موضوع جديد يا اختى واشرحى وضعك بالظبط.

الموضوع ده من 2013.

احصل على دورة      Oracle finance

السلام عليكم ورحمة الله

جميل اوي الموضوع عجبني بجد

لاني بحب المحاسبة اوي وحابة اشتغل في المجال دا ومش عارفة ابدا ازاي ارجو تساعدوني

معايه معهد فني تجاري وكليه تجارة ودبلوم مراجعة جامعه عين شمس بتقدير جيد وحاليا بحضر ماجستير سياسه عامه ومعايا دورات كمبيوتر ولغة وبيتش تري وبرنامج اعداد قوايم محاسبيه

ارجو مساعدتي حاسه اني بتخبط ومش عارفة ابدأ منين ومفيش حد يوجهني صح وانا عندي طموح وحابه اتعلم واشتغل بشكل صحيح

ارجو المساعده

 

هذه منهجية عامة مقترحة

http://www.araboug.org/ib/index.php?showtopic=68002&p=297811

 

وفقك الله