السلام عليكم ورحمة الله وبركاته
عندي مشروع لمعمل تحاليل , وفي جدول اسمه patients بيتم فيه ادخال بيانات كل مريض بييجي المعمل .
(patient_id , patient_name , test) دي الاعمدة اللي في جدول patients
كل مريض بييجي ممكن يحلل اكتر من تحليل واحد , وليكن مثلا cbc and hemoglobin , فالمفروض
اني اضيف القيمتين دول في عمود test وينسبوا لشخص واحد .


ايه الطريقة , وهل فيه غلط مثلا في الجداول اللي عاملها , وممكن تتعمل بشكل تاني يسهل العملية دي ؟ او في طريقة لحل المشكلة دي
بالجداول دي ,
ملحوظة مش هيفرق معايا لو في جداول تانية ممكن تسهلي العملية .


وعندي جدول تاني اسمه tests طبعا , وفيه تكتب اسماء التحاليل المتاحة test_id , test_name ودي الاعمدة اللي فيه

ارجو الاهتمام

من فضلك أرسل ERD الخاص بتحليل النظام

من فضلك أرسل ERD الخاص بتحليل النظام

انت بتحرجني ولا ايه يا بمشهندس , مفيش erd ولا حاجة , دي الحكاية كلها جدولين
واحد لادخال بيانات المرضي وواحد لتسجيل اسماء التحاليل

السلام عليكم
عندك جدول المرضي (رقم المريض pk ,اسم المريض ,......) وجدول لاسماء التحاليل ( رقم التحليل pk , أسم التحليل ,..........)
العلاقة بين جدول المرضي والتحليل علاقة many to many لان المريض ممكن يعمل اكتر من تحليل ,والتحليل ممكن يتعمل لاكتر من مريض وبالتالي هنحتاج لجدول تالت junction table لكسر العلاقة هيتكون من (رقم المريض , رقم التحليل , ........)ويكونوا هما الاتنين مع بعض pk هناك مشكلة ممكن نفس المريض بعد فترة يجي يعمل نفس التحاليل اللي عملها قبل كده وبالتالي هيكون في تكرار ولحل المشكلة دي ممكن نضيف عمود تالث نزود فيه التاريخ لعدم تكرار البيانات ويكون الجدول النهائي (رقم المريض,رقم التحليل ,تاريخ التحليل ) ويكونوا هما التلاته مع بعض pk ...........................يارب اكون افدتك