السلام عليكم
انا كنت عايز مساعده في عمل مشروع لصيدليه
بس تحليل الdataBaseفيه مشكله معايا
ممكن حد يدنى فكره لل erd علشان بصراحه مش عارف اربط الجدول مع بعض
اسف على الاطاله ....

السلام عليكم ورحمة الله وبركاته

اخى الحبيب هو حضرتك عامل الجداول فعلا ولا عاوز اقتراح لو عامل فعلا فأعرض علينا ما قمت به لنعمل عليه اما اذا اردت اقتراح فسأعرض عليك بعد إذنك اسماء الجداول فقط كما افعل كصورة مبدئية لعلك لا تريد ذلك وتريد التعديل على ما معك فقط واذا اردت اى تفاصيل انا فى الخدمة ان شاء الله والجداول هى كما يلى :
- اسماء اوبيانات الادوية
- جدول فرعى للوحدات الخاصة بالجدول السابق ( فى حالة تعدد الوحدات بمعنى ان يتم صرف الصنف بوحدات متعددة فمثلا الاقراص قد تكون بالقرص او بالشريط او بالعلبة فبيتم تحديد وحدة اساسية للتعامل المخزنى ووحدات فرعية لإختلاف الصرف وقد يستغنى عن هذا الجدول فى حالة توحيد الوحدة فى كل التعاملات )
- جدول فواتير البيع
- جدول الاضافة
- جدول الموردين
- جدول العمليات والتى يتم تسجيل جميع العمليات بها ومرتبطيين بجدول فواتير البيع وجدول الاضافة صحيح ممكن عمل جدول للمنصرف او المباع و اخر للوارد ولكن ده بيصعب عملية الاستعلام وخاصة على المبتدئين وبيكون فى مجال للخطاء لكن جدول واحد اضمن واسهل بكتيير (عن تجربة عملية)

دى ابسط صورة للصيدلية طبعا فى حاجات تانى ممكن يتم الاحتياج ليها مثل اذن الصرف (مثل البيع ولكن يتم الاحتياج اليه فى حالات معينة) وايضا لو كانت الصيدلية بمستشفى وتصرف لمرضى داخل وخارج المستشفى المهم ان هناك احنمالات وظروف مختلفة تختلف من مكان لأخر وحسب الظروف ولكن هذه ابسط صورة ان شاء الله وهذه الصورة طبعا تصلح ايضا لمشاريع المخازن والمحلات التجارية وما شابههم فى اسلوب العمل

ووفقكم الله والجميع لما يحبه ويرضاه
والسلام عليكم ورحمة الله وبركاته

السلام عليكم ورحمة الله وبركاته
اخى فى الله وجدت موقع اعتقد انه يفيدك وهو فيه مكتبة لمخطاطات مختلفة
http://www.databaseanswers.org/data_models/index.htm
وده مثال لمخطط صيدلية
http://www.databaseanswers.org/data_models/pharmacies_and_generics/index.htm
ووفقكم الله والجميع لما يحبه ويرضاه
والسلام عليكم ورحمة الله وبركاته