حاجة غريبه فعلا انا ملاحظها فى المنتديات العربية ومنها المنتدى ده
مثلا واحد عايز يشرح موضوع معين يقول ايه
باذن الله ساعلن سلسلة دروس اس كيو ال ....وان شاء وبحمد الله -هو عنده النية الكويسة- والاعضاء ينزلو تشجيع وكلمات شكر وبعدين يدى اول درس وبعدين يموووووووت وفين السلسه مفيش وفين الدروس متلاقيش
او مثلا واحد بيعرض موضوع معين ويرفق ملف يوضح فيه الموضوح او حل مشكله تلاقى عدد مرات التنزيل 10000 وعدد الردود 1 انا مش قصدى ردود شكر انا قصدى مناقشة وتبادل معلومات او بست براكتس
او تلاقى 1 عضو فى كل منتدى فرعى هو اللى شايل المنتدى بس ويجاوب على كل الناس مع ان ناس كتيييير عارفه الاجابه بس تكسل تكتب او تطنش مع ان معظم اعضاء المنتدى شغالين وعندهم خبرات حلوه
او اغرب حاجه فعلا ان عدد الردود بيختلف اذا كان صاحب الموضوع ولد او بنت هههههههههههه يبقى فعلا العملية بيدخل فيها اعتبارات كتيييير
طيب تصدقو والله العظيم انا فيه معلومات كتيييير بانساها خالص وبرجع للمشاركات اللى انا عملتها عشان اشوف انا عملتها ازاى يعنى مشاركتى كانت فايده ليا انا الاول قبل ما تكون فايده لغيرى
يا اخوانى الدنيا فعلا ببتغير واحنا انحصرنا مواضيع قديمه ومكرره عايزين جدية فى المشاركات او الموضوعات ونقاشات بحيث اى موضوع او مشكله منسيبهات غير لما يقول صاحب المشكله الحمد لله اتحلت .

تم تعديل 22 مارس 201214 سنة بواسطة apoopyda

السلام عليكم
موضوعك محل للنقاش الايجابى
لك الحق اكيد فى بعض النقاط التى اثرتها فعلا
ولكن اظن ان هناك بعض الاعتبارات الاخرى ممكن تكون غائبة عنك مثال مثلا ان اى موضوع ممكن يكون مكرر او سهل
لكننا نحسن الظن بالاعضاء والمشرفين الكرام
مع انى اشتكى مما انت تشتكى منه لان بعض مواضعى اطلب فيها النقاش واجد عدد من القراءات كثيرة بدون اى رد ايجابى او سلبى حتا
لذا وجب النصح دون اى سوء نيه لاننا لا نعرف نية كل عضو
معكم ولكم نتواصل