السلام عليكم ورحمة الله وبركاتة ,
انا خريج اي تي واثناء دراستي اخذت كورس
Oracle E-Business Suite essentials for implementer

وناوي اكمل في مجال EBS فانا مش عارف ابتدي بانهي كورس او اتجه ناحية انهي مجال ؟؟؟

فياريت حد من اهل الخبرة يتفضل مشكور بتوضيح الموضوع ( ايه المجالات اللي ممكن الواحد يتخصص فيها ,, وايه الكورسات المناسبة لكل مجال وكذ....)

ومشكورريييين على المنتدى الاكثر من رائع

الله اعلم وعلى حسب علمي انك لازم تبدا وعشان تكون محترف من database administrator

السلام عليكم اخ / ميدو ...الموضوع شرحه يطول وعشان نكتب عن الكورسات ومجال شغلها ونتكلم عن كل كورس عايزين نكتب كتاب ...ده ميل بتاعي [email protected]
لو حابب نتواصل ونتكلم .

الكورس اللى انت اخدته ده اول كورس و بداية مجال الERP EBS او Oracle Apps و انت بكدة تقدر تكمل فى اى ميديول انت عايزه فى المجال ده لانهم كلهم بيبدأوا بنفس الكورس ده .. تقدر تختار اى ميديول زى مثلا Financial, HRMS, Supply Chain .. فلو مثلا عندك خلفية جيدة فى المحاسبة و الامور المالية تقدر تختار ال Financial و لو حابب تدخل مجال المخازن و نظم المصانع الكبيرة و التصنيع تقدر تختار ال Supply Chain Management و لو حابب تدخل مجال الموارد البشرية تقدر تختار ال HRMS و التلاتة هما التلات مجالات الاساسية فى الERP EBS و فيه اكتر من مديول تانى بس دول هما الاساسيين اما موضوع الDatabase Administrator فده موضوع مختلف تماما و ساعتها الكورس اللى انت اخدته ده مش هكون ليه تاثير لانك هتبدى من اول SQL و هو مجال يفضل لخريجيين الحاسبات و المعلومات .. لو حابب تستفسر عن اى حاجة تانى او اى حد تانى حابب يعرف اكتر عن الموضوع ده انا تحت امركم