السلام عليكم ورحمة الله وبركاته ,
علي قدر علمي البسيط بأن استشاريي الـ financial هما الأكثر طلبا في سوق اوراكل , ولكن ما اتعجب له
هو لماذا كان دائما هناك منتدي مخصص لاستشاريي hrms ولم يكن هناك منتدي مخصص للـ financial
الا منذ وقتا قريب ؟
ام انا فكرتي خاطئة عن السوق من البداية ؟
ام لانه لم يكن هناك مشرفين لمنتدي الـ financial مثلا ؟
جزاكم الله خير
ارجو الاهتمام لو سمحتم حتي استطيع فهم سوق العمل بشكل صحيح
السلام عليكم ورحمة الله وبركاته

بسم الله الرحمن الرحيم

تعقيبا على كلامك يا اسلام
اولا انا لست مشرف فى المنتدى ولكن
انا ليا سؤال ايه وجه الربط بين انك بتسال على وجود منتدى او مشرفين فى التخصص - بسوق العمل والاكتر انتشار

ثانيا منتدى الفايننشال من اول المنتديات اللتى بنيت هنا فى المنتدى بعد انتشار الاى بيزنس وبما انك جديد فى المنتدى فانت اعتقدت انه
حديث الانشاء
اما منتدى الاتش ار فهو اتبنى فى خلال سنه تقريبا وانا كنت من المقترحين انشائه وموجود الاقتراح فى منتدى الاقتراحات


هل لو كان المنتدى الفايننشال ليه مشرفين ومهتمين بيه ده معناه ان سوق العمل زى الفل ولو ملهوش يبقى السوق وحش
معتقدش السؤال يكون كدا



مستنى ردك

السلام عليكم ورحمة الله وبركاته
ازيك يا محمد , انت عامل ايه , يا رب تكون بخير
اولا: من الطبيعي انه الأولوية لانشاء منتدي بخصوص مجال معين , بتبقي للمجال اللي شغال ومطلوب وفي ناس
كتير شغالة بيه وناس عاوزة تتحاور وناس عاوزة تسأل , و.....
فمن الطبيعي ان لو الفايننشيل موجود في السوق كتير , هيكون ليه منتدي قبل الحاجات اللي مش شغالة أد كده أو اللي مش معروفة ...

لكن اللي حصل في المنتدي هنا العكس , منتدي الفايننشيل انا فاكر انه دايما كانوا بيعلنوا عنه من كام شهر
(قريبا منتدي الفايننشيل) , (قريبا منتدي الفايننشيل) , (قريبا منتدي الفايننشيل)
وكان منتدي الـ hrms موجود من قبله بالفعل
مع ان تقريبا قليل جدا اللي يعرفوا تخصص الـ hrms من الناس اللي برة مجال اوراكل اصلا والباقي من جوه المجال
لكن الفايننشيل مثلا , كل واحد خريج تجارة عارف انه لو هياخد اوراكل يبقي هيروح للفايننشيل علي طول , ويمكن ميعرفش
حاجة عن اوراكل غيره

, عشان كده سألت , (ليه) ؟
- ولو تفتكر حتي كان في موضوع عامله البشمهندس محمد صلاح (ابو عبد الملك المصري) , بيتكلم فيه بيقول
(دعونا نتكلم بصراحة للارتقاء بمجال او بمنتدي الـ hrms ) وانت بنفسك كنت شاركت في الموضوع ده

وكان في واحد من المشاركات , مش عارف مشاركتك انت ولا مشاركة حد تاني , كانت بتقول ( شوف عدد الناس اللي معاهم hrms بالمقارنة
بالناس اللي معاهم ديفيلوبر مثلا ) , يعني عدد الناس قليل , عشان كده مفيش تفاعل في المنتدي , وده اللي خلاني استغرب
ليه المشرفين ادوا الأولوية للـ hrms وعملولوا منتدي , وكان لسة الفايننشيل ملوش منتدي ؟

جاوب بقي يا عم , وماتعملش نفسك مش سامعني
السلام عليكم ورحمة الله وبركاته

السلام عليكم ورحمته وبركاته

الحمد لله بخير انت اخبارك ايه يا اسلام

اولا احب اقولك بس ان منتدى الفايننشال اتعمل قبل اى منتدى هنا ولو تحب تتاكد اسال الاداريين وكان ماسك قسم الاى بيزنس وقتها
الاخ مودى وكان رافع دروس للفايننشال تاريخها فوق 4 سنوات

اما لو انت عضو قديم فى المنتدى كنت عرفت ان الفايننشال كورساته ودروسه وضعت هنا الاول قبل الاتش ار اللى لسه معمول بقاله سنه ونص تقريبا او فى الحدود دى

اما ردى على المهندس محمد صلاح - كان بخصوص ان منتدى الاتش ار مش شغال وان الناس بتاخد الماتريل والدروس ومحدش بيعبر حد بعدها
وانا لما رفعت فيديوهات باسم حد تانى الادارة زعلت ومشرفين اتكلموا وناس هاجمتنى ولما المهندس محمد صلاح رفعها وفيها نفس الفديوهات الناس عادى وانا من بعدها بطلت ادخل المنتدى ورحت منتدى اوراكل نفسها لان هناك ناس محترمه بجد

-- حاجه كمان مش معنى ان فى مجال مطلوب وعليه طلب اعمله منتدى لا انا بعمل منتدى لكل التخصصات سواء عليه طلب او لا

----وبعدين يا اسلام يعنى سايب الدنيا كلها وبتتكلم ليه االمنتدى ده اتبنى قبل ده هتفرق معاك يعنى ولا انت حاسس ان المنتدى هنا ضحك على الناس وخلاهم يدرسوا تخصص المنتدى الشغال مثلا كبر دماغك يا اسلام واسال فى حاجه تفيدك وتفيد الناس
النقاش ده فى حاجه لا هتفيد ولا هتضر والمجادله والكلام فيه مضيعه للو قت يا مان
لو عندك سؤال اساله حد رد عليك ماشى مردوش روح مكان تانى واسال وبعدين انت شايف الفيس كله بقى يعرف بعضه والدينا بقيت متواصله بطريقه رهيبه واللى فى المجال عارفين بعض كويس اوى

.