السلام عليكم ورحمه الله وبركاته
بعد اذنكم يا جماعه انا اخدت كورس oracle financial r 11وخلصته الحمد لله كويس جدا وفاهمه كويس جدا جدا الحمد لله رب العالمين بس المشكلة اللي بواجهها ان سوق العمل في الدول الخليج يحتاجوا لمن لديه خبرة اكتر من سنتين على الاقل وانا لسه مخلص الكورس ومعنديش خبره نهائيا لسه فيه ياترى ازاي انمي خبرتي فيه او لو حد عنده شركه في الخليج وبيحتاج ناس لسه مخلصه الكورس ومش عندها خبره يقول يا جماعه بجد انا محتار جدا ومش عارف اعمل اية بجد المساله دي تعبتني نفسيا جدا لاني صرفت كتير اوي اوي اوي فوق واشتريت لاب مخصوص عشان اخد الكورس دا وبعد لما اخدته اكتشفت الموضوع دا يارب يارب يارب يجازيكم خيرا على مجهوداتكم اللي بنشوفها كل شوية وبالله عليكم بالله عليكم بالله عليكم حد يرد عليا بسرعه جدا

الاخ ميدو
السلام عليكم ورحمة الله بركاته
ان شاء الله سوف يرزقك الله بعمل جيد جدا
ولا تستلم واشحن نفسك بالعلم و المعرفة و العمل
وقدم اوراقك فى كل مكان واعلم ان الله لا يضيع اجر المجتهد
كلنا فى الاول صرفنا كتير واجتهدنا
معكم ولكم ونتواصل
احمد

السلام عليكم ورحمة الله وبركاته
اهدا يا عم ميدو , متقلقش , الكورس ده مطلوب جدا في دول الخليج
وباذن الله هتلاقي شغل , بس مش بتبعت السي في بتاعك انهرده , يقوم الشغل يجيلك بكره
ده شئ عادي , بتقعد فترة لحد ما شركة تبعتلك , وبعدين ابعت لاي شركة بتشتغل erp ايا كان طلبها
بخصوص الخبرة , حتي لو عاوز عشر سنين خبرة , عشان لما هتحتاج ناس fresh زيك هتبص في السيفيهات اللي
عندها تقوم تبعتلك , متقلقش يعني , المهم انك تمارس عشان ما تنساش وساعة المقابلة قريب ان شاء الله , تعرف
تاخد وتدي مع الناس , بس انا مش عارف ليه انت واخد 11i , وفي اصدار تاني بعدها r12
وانت بتقول انك لسة واخد الكورس قريب , فكان المفروض انك تاخد بالاصدار الاخير

المهم
اقرا الماتريال بتاعت الـ r12 عشان تعرف ايه الفرق , مع انك غالبا مش هتلاقي فرق ولا حاجة
لان كلها حاجات بسيطة بين الاصدارات , كلام فاضي يعني

النصيحة التانية : ما تصرفش فلوس كتيير اوي اوي اوي كده زى ما بتقول الا اما تعرف كل جوانب الموضوع اللي
انت داخل فيه . يمكن ربنا هيسترها معاك المرة دي , بس المرة الجاية الله اعلم .

النصيحة الثالثة : انت شكلك مش بتحسبها كويس خالص , وبتدخل فعلا في الحاجة وخلاص , من غير ما تعرف الدنيا شكلها ايه , ومش بتحاول تمسك نفسك لحد ما تعرف , حاول تعمل عكس كده بقي .

وفقك الله لما يحب ويرضى

وكلام من ناس خبرة برده , الشركة بتبقي طالبة واحد خبرة سنتين مثلا , بس بتبقي حطة رنج للمرتب اللي هيخده
فلما يجيلها واحد فاهم بس لسة فريش , تقلك لا , انا اعين الفريش واديله مرتب اقل من اللي هيخده اللي عنده خبرة سنتين

المهم تبقي فاااااهم , ومعلم من الآخر

الف الف الف شكر للرجالة اللي ردت على الموضوع بتاعي بجد تعبتكم معايا جدا جدا والف الف الف شكر يا استاذ اسلام ويا استاذ احمد بس بجد انا قلقان جدا لاني لما اخدت الكورس بجد الكورس سهل اوي لدرجة اني خايف انه مش يكون مطلوب بالصورة اللي سمعت عنها

السلام عليكم ورحمته وبركاته
اخى ميدو
اولا - اعلم ان الرزق فى يد الله سبحانه وتعالى واعلم انه لو كان هناك مليون شخص معك فى انترفيو وربك كتب لك نصيب النجاح فاعلم انها لك
وفى السماء رزقكم وما توعدون واعلم ان الله اقسم ان الرزق حق وما علينا الا التعب والاجتهاد وان الله لا يضيع اجر من احسن عملا

ثانيا - مشكلتك ليست بكبيرة ولا نادره لك انت وحدك اخى الفاضل هل تعلم انه بعد ثورة 25-1 المباركه تم تسريح اكتر من 150 استشارى اوراكل كانوا يعملون فى عده شركات
كانوا فى مشروع وزارة الماليه فى مصر وتم رفدهم جميعا ومنهم من درس الكورس من فترة قليله ومنهم من كان مازال يدرس ومنهم من دفع مبالغ اكتر مما دفعت

هل تعلم ان الشركات اغلبها الان لا يطلب مبتدئين خوفا من الخسارة بعد الثوره وهناك شركات فى مصر اغلقت فعلا وهناك من على وشك ولكن فى الخليج يمكنك ايجاد فرصه عمل ان كنت هناك فى احد دولهم اما ان كنت فى مصر فالموضوع صعب لانه سيكلفهم اقامتك ومصاريف اخراج ورقك وتاشيرتك فالارخص لهم ان كنت هناك

انا لا احاول ان احبطك ولكن التخصص مطلوب جدا وبكثره والحمد لله ومرتباته كم سمعت فعلا وكلما زدت خبره زادت مرتبك وخبرتك وكان عليك الطلب اكثر ودائما اصعب خطوة هى الاولى وان تاخرت ....ولكن الظروف التى وضعنا فيها هى من اخرت الموضوع ليس اكثر
فاصبر فاصبر فاصبر ان الله مع الصابرين وربك بيعوض وحاول ان تذاكر حتى لا تضيع منك المعلومات

اخوكم فى الله
محمد صلاح

استاذ محمد متشكر جدا على كلامك دا وبجد جزاك الله خير بس انا عايز اعرف لو الواحد لقى فرصة هناك في السعودية وهو مبتدأ ياترى بياخد كام والمرتبات بتكون في البداية كام ولما تكبر وتاخد خبره بتاخد كام عشان اعرف بس ممكن لو حد يعرف يقولي؟