السلام عليكم يا احلى منتدى في الدنيا
انا الحمدلله بفضل المنتدى الجميل ده ابتديت افك الخط في الاوراكل وابتديت افكر بطريقة منظمة وممنهجة
انا الحمدلله استفدت من المنتدى ده
ودلوقتي ابتديت في مشروع ليا صغير وبسيط وححاول احط فيه افكار وخططت ليه الحمدلله
وطبعا انا ححكيلكم المشروع فكرته ايه وحديكم كل حاجه عنه عشان لو حد تاني عايز يشترك معايا ممكن اخد بأيدو بس ما تخدعوش فيا انا لسا بادي المشي في اوراكل من ايام قليلة انا كنت لسا براجع على الكورس لأني خدتو من زمان
المهم يلا نبدأ
الفكرة :عمل برنامج لمحل قماش
مهام البرنامج:
المحل بيجيلو بضاعة من دول مختلفة زي سوريا ايران الخ
المهم
انا مثلا جتلي لفة قماش ايراني طولها 100 متر انا عايز اسجلها في السستم واعمل سعر للمتر بحيث ان الزبون لما يشتري مثلا خمسة متر
يقوم البرنامج منقص 5 متر ويبان ان عندي في المخزن 95 متر
وكمان مثلا سعر المتر بجنيه فيقوم السستم مدخل عندي ان السعر 5 جنيه ويطلعهالي اوتوماتيك
وكمان انا عايز لما يوصل الكمية العندي لمثلا 10 متر يقوم يطلعلي ريمايندر يقول اشتري كمية
وكمان عايز يبقا عندي شاشة اقوم فيها بتسجيل بيانات البيشتري مني
وطبعا شاشة للبياعين العندي عشان اقدر بعد كده لما اصمم التقارير اقوم عامل ماتريكس ريبورت يقوم مطلعلي مين اشترا مين من ايه وباع بكام وكل الحاجات دي
المهم انا طبعا للعايز يشترك معايا انا حديلو الجداول بتاعتي والاي ار دي بتاعي وححطه في المرفقات
بس انا دلوقتي سوالي للخبراء
يا ريت بعد ما تشوف المرفقات وتشوف الداتابيز بتاعتي عاملة ازاي تقولي ابتدى اعمل شاشاتي منين وازاي لأني حاسس بتوهان فياريت بس تدلوني على الطريق الصحيح لعمل شاشات المحلات لان انا عندي افكار كتيره في راسي ومحتاجلها تنظيم وشكرا جزيلا

ARABOUG.rar

معقولة ولا رد
مافيش حد عايز يشتغل ولا ايه
انا على العموم عملت شاشات وضبطت حالي مين عايز يشتغل معايا ؟

اخي الكريم انا مستعد للعمل معك وعلى بركة الله

معاك إن شاء الله

طيب انا حبعتلكم الشاشات دلوقتي اهو
بس انا عايز مهام معينة من الشاشات خلوني ابعتلكم انا عايز ايه بالضبط وانتوا اقروه وفكروا معايا على العموم انا حبعتلكم الشاشات
طبعا الشاشات بسيطة ما عدلتش فيها حاجه
وكمان حبعتلكم ملف فيه الجداول عشان تكريتوا الداتابيز وغالبا حتكريتوها عن طريق التود وكمان حيكون في ملف وورد في شرح لفكرة البرنامج

وانا راح اضيف فكرة زيادة وهي اضافة سعر للخياطة مثلا ان يكون في سعر لخياطة قميص او جلبيه الخ
على العموم بصوا على الانا مديهولكم ولو عايزين حاجه كمان وتفاصيل اكتر قولولي الله يخليكم ووافوني بكل جديد

ولما تتفرجوا على الشاشات حتلاقوا ن في شاشة الماستر ديتيل حاجات ناقصة طبعا
على العموم انا مش حتكلم اكتر غير لما تتفرجوا عشان توصلوا لمرحلة التفكير الانا فيها
وشكرا جزيلا

Textile.rar

textile tables.rar

butt E-mail.rar

السلام عليكم ورحمة الله وبركاته
الاخ العزيز مصطفى بارك الله فيك ...احب اولا اشكرك على نشاطك وحرصك على منفعة الناس...كم قال المصطفى صلى الله عليه وسلم : خير الناس انفعهم للناس....صدق رسول الله صلى الله عليه وسلم
ثانيا احب انوه بس على حاجه بسيطه ...كان يجب في البدايه تقول بفضل الله اولا ثم بفضل هذا المنتدى لانه ما يصح انه ننسب الفضل لاحد الا لله اولا ثم الاخرين..
ثالثا انا فعلا احب اني اشتغل معاك وده يشرفني وربنا يجزيك خير ...وعايزين اي حد عنده معلومه يقدر يفيد بيها الناس ما يبخلش بيها ...لان والله فعلا ربنا بيكرمه بالعمل ده
ورابعا احب احيي فيك اسلوبك البسيط السهل للناس وده شيء جميل جدا ...انت فعلا مصري بجد
وجزاكم الله خيرا
والسلام عليكم ورحمة الله وبركاته

تم تعديل 10 يوليو 201114 سنة بواسطة omar al farouk

اشكر الله وحده ثم اشكر المنتدى في اني اكون اتعلمت علم نافع انفع فيه نفسي وغيري
واشكرك على التعليق الجميل الخلاني ابتسم بجد
وانا سعيد جدا بيك
ويا رب تكون فاتحة خير لنا جميعا
انا فاتح باب المناقشة لنا جميعا وعايزكم تتفرجوا
وافتكروا ان المحل محل خياطة
وانا دلوقتي فكرت في اضافة حقل جديد وهوا حقل تكلفة الخياطة لثوب
tail_cost
وده حنجمعوا مع
cost
اللي في شاشة الديتيلس وحنخليه يطلع في حقل
total

وكمان فكرت في اضافة حقل تاني اسمه العربون وده بيخصم من المجموع لانو انتو عارفين ان بعض الاحيان
لما بتروح محل الخياطة بتدفع عربون وبعد الاستلام بتاخد الباقي
وده مثلا حنسميه
deposit
وحنخليه ينقص من
total
وحنخلي الناتج يطلع في حقل اسمه
left_debit

على فكرة انا الافكار دي باخدها من الناس الحولايا عشان بأذن الله ممكن البرنامج ده يكون انطلاقة لبعضنا انه يسوق برامج
ده في حالة انه لو عايز يشتغل شغل اوراكل حر
في الحالة دي احنا لازم نعرف متطلبات الاختصاص الحنشتغل في ايه الهوا مثلا محل الخياطة وبعدين نكمل فيه ونعمل اقتراحات وكده
انا مستني افكار ومستنى انكم تبعتولي ERD معدل او تقولولي نزود حقول ايه او نحذف حقول ايه عشان انا عايز نعمل كل حاجة مع بعض
وانا لغايت دلوقتي ما عدلتش حاجة في الانا بعتهولكم

وعلى فكرة في موضوع تاني الهوا في الرابط ده وياريت لو حد تاني يعرف يعملنا شاشة دخول للبياعين مخصوص عشانا يشاركنا

http://www.araboug.org/ib/index.php?showtopic=47531
ده عشان انا فكرت ان كل بياع يكون ليه اسم ورقم سري وده كمان مهم عشان لما نعمل التقرير للمبيعات نعرف مين البيبيع ومين النايم
يلا يا جماعة مستنيكم
سلام عليكم

تم تعديل 10 يوليو 201114 سنة بواسطة mostafa_1987

في اي حد محتاج مساعدة بخصوص الريليشنس ؟؟
ممكن اكتبهالو

أي مساعده تريدونها إن شاء الله أكون في الخدمة

طيب بما اني استنيت يوم وماحدش رد عليا
خليني انا ابتدي


انا بس كنت عايز ازود حقلين الاول
حقل حكتب فيه قيمة الخياطة
وحقل حكتب فيه قيمة العربون ويتخصم من التوتال اللي حيكون في sales_details وحجمعوا مع الحقل الاسمو length_cost س
تفتكروا لازم نكتبه فين في جدول sales_details ونحطوا في حقل وخلاص واكتبوا كل مره اعمل الفاتورة ولا
نعمل جدول تاني ونسميه مثلا
tailing_type
ونعمل فيه انواع واسعار معينة لتفصيل كل نوع من الملابس
مثلا لتفصيل ثوب يكلفه كذا
ولتفصيل قميص يكلفه كذا
ونعمل LOV ونختار نوع الخياطة وكده
مش عارف ايه الاحسن

يلا يا جماعة ما ابتدناش لغايت دلوقتي نبرمج اي حاجة
اشتغلوا معايا بسرعة

1-نحتاج الى جدول نسميه store اي جدول المخزن مع تعديل جدول الاقمشه بحذف حقل الكميه
2-ايضاً اظافة حقل لكلمة السر في جدول البائعين
3-بالنسبه لشاشة الاقمشه سوف نقوم ببناء شاشة لادخال الاصناف وهذه الشاشه لا تستدعى الا في حالة كان القماش جديد ولم
يتم ادخاله الى قاعده البيانات من قبل
4-نقوم ببناء شاشه للمشتريات عند شراء كميه معينه من قماشاً ما يقوم تريجر باظافة الكمية في المخزن تلقائياً
5-اما بالنسبه الى الشاشات قم بتصميم كل شاشه على حده واحفظهن في مجلد معين

1-نحتاج الى جدول نسميه store اي جدول المخزن مع تعديل جدول الاقمشه بحذف حقل الكميه
2-ايضاً اظافة حقل لكلمة السر في جدول البائعين
3-بالنسبه لشاشة الاقمشه سوف نقوم ببناء شاشة لادخال الاصناف وهذه الشاشه لا تستدعى الا في حالة كان القماش جديد ولم
يتم ادخاله الى قاعده البيانات من قبل
4-نقوم ببناء شاشه للمشتريات عند شراء كميه معينه من قماشاً ما يقوم تريجر باظافة الكمية في المخزن تلقائياً
5-اما بالنسبه الى الشاشات قم بتصميم كل شاشه على حده واحفظهن في مجلد معين

سوف ارد عليك نقطة بنقطة
1- كلامك صحيح ولكني اردت شيء اقل تعقيد لذلك عمدت الى عدم اضافة المخازن اما عن الحقل الذي يقوم بأنقصاص الكمية المباعة من الكمية الاصلية فهو موجود في جدول sales_details
تحت مسمى length_sold وانا كتبت في الورق اني عايز الكمية دي تطرح من الكمية الاصلية واقترحت ايضا اضافة تريجر يقوم بتذكيرنا ان الكمية وصلت حد معين لكي نقوم بشراء كمية اخرى

2-كلام جميل يلا كلنا نزود حقل اسمه password من نوع varchar2 وانا زودته وده اول حقل اتفقنا عليه الرجاء من الكل اضافته

3-طيب ماهي هيا دي الشاشة الاسمها textile وده دورها ادخال اسم القماش ووصفه وسعر المتر وطول قطعة القماش بالمتر وده مكتوب في ورقة التفاصيل

4-وانا عملت الشاشة دي وقمت بأرفاقها في مجلد وحطيتها في المنتدى

5-الشاشات موجودة في المرفقات فوق

انا سعيد جدا بتفاعلك بس مش سعيد اني مش لاقي تفاعل كافي بصراحة

انتظروني صباحا انا عملت حبة شغل كده حبقه اقولكم عليه كله بس بجد التفاعل وحش قوي
229 مشاهدة
11 رد
يلا الى اللقاء غدا

#ارى ان يكون هناك جدول للخياطه وارى ان يحتوي على الحقوم التاليه مع اظافة ما تريد
1-رقم الخياطه 2-تاريخ التسليم 3-سعر الخياطه 4-العربون 5-الباقي
حيث انه في جدول البيع بعد ان يقوم الزبون بشراء قماش معين سوف يدفع قيمة هذا القماش ثم ان اراد ان تكون الخياطه في المحل نفسه
يتم الاتجاه الى الخياط ويرى سعر الخياطه وايصال عربون.
#اخي الكريم هناك طلب ارجو منك ارسال اسماء حقول الجداول بالعربي في ملف وورد او تكست
#واتمنى عند انزال اي ملف نصي ان يكون نسخه منه وورد او تكست

هذا هو جدول المخازن المقترح
create table store(
textile_id number(10) references textile(textile_id),
quantity number(5),
price number(5)
)

اهلا بأهل اليمن السعيد
انا ما فهمتش قصدك ايه بأسامي الحقول بالعربي بس فكرة انو يكون في جدول خاص بالخياطة فكرة جميلة وهي قيد التنفيذ الان بس يا ترا اضم قيمة الخياطة للشاشة الرئيسية ولا اخليها في شاشة منفصلة ؟
اما بالنسبة لجدول المخازن فأنا شايف انه مالوش لازمة لأن احنا لو اخدنا الموضوع واقعيا حنشوف ان المحلات بتجيب القماش وبتسجله من الفواتير مباشرة وبيكون المحل هو المخزن ولا انت شايف ايه ؟
رد عليا بخصوص اسامي الحقول اللي بالعربي عشان انا ما فهمتش بالله

ولكن مثلاً يوجد لدينا القماش س ولدينا منه 100 متر
عند شراء نفس القماش بطول 50 متر عند اظافته الى جدول الاقمشه اوtextile سوف يقوم بالتعديل فقط وبالتالي سوف تنخزن ال 50 متر فقط
ولكن لو كان هناك مخزن سوف يكون هناك تريجر قبل الادخال يحدث جدول المخازن
update store
set quantity=quantity+:quantity
where textile_id=:textile_id

وبالتالي اعتقد ان جدول المخزن اسهل

السلام عليكم ورحمه الله وبركاته
أود المشاركه معكم بعد إذنكم أنا عندى فكره فى البدايه تسهل علينا الشغل مع بعض وهى ال dump ودى عباره عن نسخه من الجداول المعموله عندك على الاوراكل بآخر التعديلات وطبعا الجداول مملؤه بالبيانات وبكدا احنا كلنا شغالين على نفس الحاجه كل لما حد يغير حاجه فى الجداول ياخد الdump بتاعت الداتابيز زيرفعها على المنتدى على فكره هى مساحتها صغيره جدا وطريقتها سهله
لو حد ميعرفش يعملها يقولى وانزل لكم الشرح بتاععها شكرا
ولكن مثلاً يوجد لدينا القماش س ولدينا منه 100 متر
عند شراء نفس القماش بطول 50 متر عند اظافته الى جدول الاقمشه اوtextile سوف يقوم بالتعديل فقط وبالتالي سوف تنخزن ال 50 متر فقط
ولكن لو كان هناك مخزن سوف يكون هناك تريجر قبل الادخال يحدث جدول المخازن
update store
set quantity=quantity+:quantity
where textile_id=:textile_id

وبالتالي اعتقد ان جدول المخزن اسهل

يا بشمهندس يحيى يا ريت تنزل الطريقة وانا عملت شغل كتير واضفت جداول كتيرة ممكن ابقا اديك ال .dmp س
والشاشات وانت تنزل عليها الشرح بس مبدئيا خد ال ERD بص عليه وانا عامل حاجة زي جدول المخازن اسمها
adding_merchendise
عشان تزود الكمية العندي
بس شكلي حتبنا فكرتك
ويا ريت لو سمحت تديني ايميلك عشان اقدر اتواصل معاك

araboug.rar

هذه الشاشات التي قمت بتصميمهاعلى الجداول التي بعثتها في البدايه
اما بخصوص اسماء الحقول بالعربي فمثلاً الحقل line_id ماذا يمكن ان اعطيه من اسم في الشاشه

forms.rar

تم تعديل 15 يوليو 201114 سنة بواسطة عزيز القادري

اريد قاموس البيانات لجميع الجداول

تم تعديل 16 يوليو 201114 سنة بواسطة عزيز القادري

line_id حيكون الرقم المسلسل بس انا اعتقد انه مالوش فايدة
ولا انت رأيك ايه؟
انا حشوف الشاشات بتاعتك دلوقتي
انا مش شايف اي شغل معانا في المنتدى
ياريت لو نتواصل على الايميل
ايه رأيك؟

شكراً لتفاعل الجميع في المشروع



ينقل لقسم المشاريع

ل انا رايي ان التواصل بالمنتدى افضل ولكن هذا هو ايميلي
[email protected]