السلام عليكم ورحمة الله وبركاته
سؤال يا جماعة لو سمحتو
ليه دايما لما الواحد بيعمل مشروع الجدول فيه مثلا بيحتوى على اسماء موظفين او مرضى بيبقى لازم يعمل عمود تانى
يحتوى على ارقام لكل اسم ويكون (primary key )جنب عمود الاسماء
يعنى انا مثلا بعمل مشروع لمعمل تحاليل
1- فى عمود لاسماء المرضى
2 - فى عمود يحمل رقم لكل اسم مريض زى ما شفت فى برنامج جاهز والعمود ده (primary key )
ليه بقى ؟ هتفرق ايه يعنى لما اعمل اول عمود للاسماء بس من غير ما يبقى فى عمود ارقام اصلا ؟

الأسماء المدخلة ممكن تتشابه

مثلا دخلت مريض باسم محمد أحمد
ممكن بعد فترة يجيك مريض آخر بنفس الاسم

لذلك نضع لكل اسم رقم خاص فيه لا يتكرر يسهل علينا البحث وهو primary key

وعليكم السلام ورحمة الله

الأخ / اسلام

عند انشاء اي جدول لابد ان يكون له primary key
وقد يكون مفتاح الجدول مكون من عمود واحد أو أكثر

من صفات مفتاح الجدول ... ان يكون له خاصية عدم التكرار وايضا يفضل ان يكون نوع البيانات به بيانات رقمية لسهولة وسرعة الوصول للسجل المطلوب
كمثال
جدول بيانات الحسابات البنكبة للعملاء فى البنوك ... سيكون رقم الحساب البنكي هو مفتاح الجدول ... مع وجود بيانات اخرى مثل تاريخ فتح الحساب واسم العمبل
جدول البيانات الاساسية للموظفين في شركة ... سيكون رقم الموظف هو مفتاح الجدول وغالبا سيكون رقم تسلسلي .... مع وجود بيانات اخرى للموظف مثل اسم الموظف - اسمه - تاريخ الميلاد ....
جدول بيانات المرض فى مستشفى ... سيكون مفتاح الجدول هو رقم ملف المريض ... مع وجود بيانات اخرى للمريض
ايضا الرقم القومي او رقم بطاقة الأحوال هو رقم لا يتكرر داخل الدولة يستخدم كمميز وحيد للبيانات الاساسية للمواطنين

اي نظام يتكون من مجموعة جداول ... وسيكون هناك ربط بين هذه الجداول حسب نوع العلاقة بين الجدولين
وبالتالي سيتم استخدام عمود مفتاح الجدول الأساسى ... كعمود مفتاح اجنبي foreign في جدول اخر
مثال على ذلك
ربط جدول بيانات رموز الجنسيات مع البيانات الاساسية للموظفين
عمود رمز او كود الجنسية ... هو مفتاح لجدول بيانات رموز الجنسيات
سيتم اضافة عمود رمز الجنسية في جدول البيانات الأساسية للموظفين وسيعتير مفتاح اجنبي