السلام عليكم ورحمة الله وبركاته

أولا أنا سعيد جدا بالانضمام إلى منتدى اوراكل
وأنا مبتدئ فيه

ولكن عندى سؤال : -
أحبائى انا لسه فى بداية الأوراكل
لكن فى شئ لا افهمه وهو anonymous block

ما معنى أن أقول
select ename , sal into e , s ;

بارك الله فيكم أرجو التوضيح

السلام عليكم
select xxxxxxxxxxxxx into yyyyyyyyy from table where
xx عباره عن حفل او مجموعه حقول
yy عباره عن متغيرات او متغير من نفس انواع الحقول (xxxx)
يحب ان تضع شرط مناسب بحيث لايجوز ارجاع اكتر من بيان واحد ...فى حاله رحوع اكتر من بيان او عدم رحوع اى بيان سوف يحدث خطاء .
بالتوفيق .

بص انا هحاول اشرحلك بالبلدى كده
مثلا انت بتكتب كود .. تمام كده
وهتستخدم فيه حاجه اسمها متغير .. طبعا هتقول يعنى ايه متغير بما انك لسه جديد
المتغير دا باختصار حاجه وانت بتديها قيمه وبعدين بتستخدمها فى الكود ....
مثلا ... ممكن تقول للبرنامج فيه حاجه اسمها X ( وطبعا بتعرف البرنامج اكس دى نوعها ايه .. ارقام ولا حروف ولا ايه ) .. جميل كده !!
طيب المفروض تدى X دا قيمه بقى علشان تعرف تستخدمه فى الكود فعندك طريقتين
يا تكتب انت القيمه وتقول اكس = كذا او تجيب القيمه دى من جدول عندك عن طريق Select كانك بتقول للبرنامج هات القيمه الفلانيه وحطها فى اكس الى انا اخترعته دا
مثال صغنون كده ... عايز تحسب راتب موظف فى السنه .. هتكتب كود تقول للبرنامج فيه حاجه اسمها اكس ونوعها رقم والقيمه بتاعتها وليكن 12
واكس دى اضربها فى الرقم الى هيتحط ( طبعا الكود مش بيتكتب كده دا انا بفهمك بس ههههههههههه )
بس يا عم .. اى حد هيحط الراتب الشهرى بتاعه هيقوم البرنامج ضاربه فى اكس .. هيدور على قيمه اكس يلاقيها 12 يقوم يضرب الراتب فى 12 يطلع الراتب السنوى

انا حاسس انى كتبت كتير .. بس حاولت انى ابسطهالك على اد ما اقدر .. ويا رب اكون بعرف اشرح وتكون فهمت منى
واى استفسار قولى ...

يعم الموضوع ابسط من كدة
انا هقلك المتغير دة عامل زى مكتب عقارات
لما تكون عاوز تسال على حاجة بتروح تسالة
وعلشان تلاقى اللى انت عوزة لازم واحد يكون مديلو المعلومات عن الحاجة اللى انت هتسال عليها قبل كدة
ولما نرجع للكود
انت بتعمل استعلام عن احمد وعاوز تعرف اسم الادارة اللى هو فيها
اولا بتعمل استعلام يجيب رقم الادارة من جدول الموضفين بشرط ان يكون الموضف احمد مثلا يعطيك الرقم 1000
طب ماانت عرفت ان رقم الادارة 1000
هتروح تعمل استعلام تانى فى جدول الادرات وتقول اسم الادارة اللى رقمها 1000
بكدة تعرف اسم الادارة اللى انت عوز تعرفة من الاول
بس انت بكدة عملت الكود مرتين طب لو عاوز تعملة مرة وحدة
هتعمل اية
هتعمل الاستعلام مرة وحدة بس انت مش هتعرف الاستعلام الاول جاب رقم كام هو هيعطيك اسم الادارة على طول
بس شوف انت المرة اللى فاتت انت عرفت ان رقم الادارة 1000 انت كدة اشتغلت مكان المتغير
فى الحالة دة هنقول ان فى متغير من نوع رقمى علشان نحط فية رقم الادارة اللى هيجى من الاستعلام الاول
وبعدين تكتب الاستعلام الاول وقول هات رقم الادارة وحطو فى المتغير
وبعدين تقولو فى الاستعلام التانى ان رقم الادرة هاتو من المتغير
بكدة تكتب الكود مرة وحدة
هتقول طب ما اعملة بالطريق الاول وخلاص
طب افرض ان عندك اكتر من متغير هتعمل اية
اما بالنسبة للكود اللى انت كتبة
select انت اكيد عرفها
ename و sel دة اسم عمود فى جدول
اما into دة امر ضع الناتج فى
اما e و s دول متغيرات انت عرفتهم فى مكان التعريف declare

يارب اكون قدرت اوصلك المعلومة
بس اهم حاجة تعرف ان لازم شرط يخلى الاستعلام الاول يخرج قيمة وحدة بس مش اكتر من قيمة
بالتوفيق