انصحوني : إزاي أبدا ومنين أبدأ ومع مين وفين ؟

بسم الله الرحمن الرحيم

السلام عليكم ورحمة الله وبركاته


أنا جديد في الموضوع ده

لكن حابب أقتحمه وأبرع فيه

طبعا انا مش هاوي ولا دارس ولا أى حاجة ....ومعلوماتي بسيطة جدا جدا

لكن عندى أمل كبير يدعمه شىء واقعي ان أغلب المطورين كانوا قبل ما يتعلموا ميعرفوش يعنى ايه تطوير

فهي مش حاجة اتخلقت جوا الإنسان ونمــّاها بموهبته زى الرسم مثلا

المهم كل طلبي إزاي أبدا ومنين أبدأ ومع مين وفين ؟

انا دراستي تحاليل وكيميا وكائنات دقيقة وعالم وصفه ربنا في كلمة " بعوضة فما فوقها " Supra or Ultra
واستخدامي للكمبيوتر في مجال التصميم وبس

إما تصميم للكيمياء والعلم
او تصميم للأثاث والخشب

أنا عايش أغلب أيامي بسوريا ووالدتي من أهل الشام ووالدي من اهل الكنانة دمياط تحديدا

لكن أنا هنا الوقتي ومتفرغ إلا من الدراسات العليا وهي لا تمثل بالنسبة ليا أى مشكلة إن ظنها البعض معضلة ومضيعة للوقت يعني !!

أنا شغال في أليانز شركة التأمين والإستشارات المالية ...كرهت الشغل فيها مع إنه لايق ليا فانا نشيط ومثابر الحمد لله

أنا مسلم سنى وقرأت مليون فتوى بحرمة المجال ده وإنه داخل تحت مسمى بيع الغرر والغرر هو شىء يخل بشرط عقد البيع في الإسلام إلا وهو معلومية الشىء المباع


أنا مش هسمح لليأس يتخلل إلى جوانب نفسي

نويت وعزمت أدخل المجال ده واستخرت الله ولقيت الفرصة فى منحة مجانية من 1st solution ورحت النهاردة وكان المحاضر شاب طيب وأمير وعلى خلق

لكن مش ده هيكون نهاية المطاف بالنسبة للموضوع ودى مجرد أول درجة في السلم

عشان كدا طلبت النصح منكم

والدال على الخير كفاعله .... شكرا جزيلا

أحمد فوزي