عاوز حد يشرح لي وافهم انسب تصميم لجداول العملاء او المخازن

السلام عليكم ورحمه الله وبركاته
من فتره كبيرة وواقف قدامى ازاى اصمم انسب جداول لحفظ بيانات العملاء بحيث يبقى التصميم يخدمنى دلوقت وبعد كده ان احتجت الى بيانات بطرق مختلفه او بشكل تانى ينفع معايا من غير ما اعدل فى تصميم الجدول
اللى طلع الفكره دى فى دماغى انى شغال على برنامج محاسبى مصري اسمه دبل كليك وكل شوية لما يبقى فى تحديث للبرنامج الشركه بتعمله بواسطه اكواد بتنفذها على الداتا بتاعتنا و فى الاخر بيبقى البرنامج حصل له تحديث التحديث ده بيشمل تسريع عمل البرنامج و كذلك اضافه تقارير او ما شابه
اللى طلعه فى دماغى هل فيه تصميم متكامل بحيث انه يبقى تصميم ثابت يغنى عن وضع التصميم ثم اعاده النظر له مره اخري والتعديل فيه وعليه كل الشغل يبقى فى طريقة استخراج البيانات

وكذلك استوقفنى حاجه عند عمل فاتورة مبيعات للعميل ان عنداختيار العميل بيظهر رقم رصيد العميل الحالي ( حسب تاريخ استخراج الفاتورة وغير مرتبط بتاريخ اليوم سواء تاريخ سابق او لاحق) بسرعه فهل الرقم ده بيبقى محفوظ ولا بيتم استخراجه بواسطه استعلامات متعدده سريعه

يا رب ابقى قدرت اوصل ليكم سؤالي