بشكرك يا بشمهندس امجد على ردك على رسالتي واهتمامك بموضوعي اللهم اجعله في ميزان حسناتك

انا بعمل برنامج صغير جدا عشان يحفظ التغيرات اللي حصلت بعد انتهاء الجلسة الخاصة بالاوراق المالية
وعندي مثلا 5 عملاء بيشتروا وبيبيعو اسهم
وكنت بس عايز لما اعمل سيرش على عميل معين يجيبلي كوده الموحد واسمه طبعا والاسهم اللي يمتلكها (اسماء جميع الاسهم وعدد كل سهم اد ايه وكان مشتريه على انه سعر ) والنقدية التي يمتكلها في حسابه (سواء جنيه ودولار ويورو .. الخ)

وعايز طبعا اعمل شاشة ادخال لكل من الاسهم - عميل جديد - العملات .

وكنت عايز اعمل جدول اسمه Transactoins وهو خاص بتنفيذ العمليات على الاسهم (بيع - شراء ) وطبعا لو العملية "شراء" يبقى لازم عدد اسهم هذا العميل تزيد بمقدار هذه العملية وايضا النقدية التي يمتلكها سوف تنقص بمقدار هذه العملية .... ولو العملية " بيع " يبقى لازم عدد الاسهم اللي من هذا النوع تنقص بمقدار هذه العملية وايضا النقدية التي يمتلكها سوف تزيد بمقدار هذه العملية ... وهكذا ... يعني كل حاجة بتسمع في كل حاجة .

وانا كنت طالب من حضرتك تحليل الموضوع بشكل سليم والبدء في عمل الErd

وانا كنت افضل ان حضرتك تقترح عليا الجداول اللي المفروض تتعمل هتبقى ايه بالظبط (كام جدول - اسماء الجداول - محتويات الجدول)
وشوف حضرتك كدة لو عايز تسألني عن حاجة معينة انا موجود طوال اليوم على المنتدى وربنا يوفقنا جميعا والله المستعان
منتظر رد حضرتك يا باشمهندس

السلام عليكم ورحمة الله

حفظ التغيرات اللي حصلت بعد انتهاء الجلسة الخاصة بالاوراق المالية

الجداول المقترحة

- جدول البيانات الاساسية للعملاء ( رقم العميل pk - اسمه - الوظيفة - الهاتف - العنوان - رقم البطاقة - تاريخ البطاقة - .... )
- جدول رموز العملات ( رمز العملة - الاسم )
- جدول اسعار العملات ( رمز العملة 0 التاريخ والوقت - سعر العملة - ) وسيكون مفتاح الجدول مركب من ( رمز العملة + التاربح والوقت) معا ...مع اعتبار اته يمكن ان يكون هناك تغير للسعر اكثر من مرة فى نفس اليوم .
- حسابات العملاء ( رقم الحساب بالعملة PK - رقم العميل - المبلغ الاساسى - اجمالى المشتريات - اجمالى المبيعات ) يكون مفتاح الجدول هو رقم الحساب بالعملة باعتبار ان كل عميل يمكن ان يكون له حساب واحد أو اكثر من حساب حسب نوع العملة.
- جدول رموز اسماء الشركات المدرجة بالبورصة ( رمز الشركة pk - اسم الشركة - نشاط الشركة - ... )
- جدول الحركة ( بيع - شراء )
يتكون من ( رقم حساب العميل - تاريخ ووقت العملية - نوع العملية ( شراء - بيع ) - الكمية المنفذه - سعر السهم (بيع-شراء) - سعر تحوبل العملة .. . )
مفتاح الجدول مركب من ( رقم حساب العمبل + تاريخ ووقت تنفيذ العملية )

السلام عليكم
بشكرك اخي الكريم بامشهندس امجد على هذا المجهود الرائع

بالنسبة للجداول هي فعلا تقريبا الجداول اللي انا هحتاجها ان شاء الله وطبعا فيه بعض البنود لقيت انها مش هتفرق كتير لما احطها او اشيلها وفضلت اني اشيلها
ورسمت الجداول زي ما حضرتك اتفضلت وشرحتها وانا الان في مرحلة انشاء العلاقات بين هذه الجداول وفيه ملف مرفق موجود فيه ال ER بامتداد (.dez) اتفضل حضرتك شوفها كدة تمام ولا فيه تعديل حضرتك عايز تضيفه وطبعا محتاجين حضرتك تعمل العلاقات بين الجداول لان هيه ديه مربط الفرس اللي انا على طول بعملها غلط بحيث توفي ظهور البرنامج بالشكل والاداء المطلوب منه
انا منتظر رد حضرتك بعد ما تطلع على الديزاين المرفق وجزاكم الله خيرا والله المستعان

http://www.4shared.com/file/258196909/1436...ect_stocks.html