Pay It Forward

السلام عليكم أخوانى
حملة ليها جروب عالفيس بووك
أساس الفكرة أولا :
الكاتبة "كاثرين ريان هايد" كتبت رواية بعنوان الحملة و نشرته سنة ألفين و أنتج بعد كده في فيلم سينمائي بطولة هيلي جول اوسمنت و كيفن سبيسي و لاقى نجاح كبير جدا. و الحقيقة إن الحملة تجاوزت محدوديتها كرواية أدبية و تحولت لفكرة شديدة الأنسانية و الرقي. و تأسس لها جمعية إنسانية من كثر قوتها الفكرة ببساطة لمن لم يقرأ الرواية أو يشاهد الفيلم هى "أن تقوم بإختيار ثلاثة أشخاص تعرفهم أو لا تعرفهم و تقوم بعمل خدمة كبيرة لكل واحد فيهم....خدمة واحدة لكن لا بد ان تكون خدمة كبيرة لا يستطيعون أدائها لأنفسهم... و لا تطلب منهم أي مقابل على الخدمة سوى أن يقوم كل واحد منهم بأداء ثلاث خدمات لثلاثة آخرين و يطلب منهم نفس الشيء" الخدمة لازم تكون كبيرة زي إنك تساعد حد على الحصول على عمل أو مقابلة شريك عمره أو حل مشكلة كبيرة له و مش لازم تكون مادية أو فلوس...المهم إنه تكون حاجة تأثر في حياته بشكل إيجابي.
طيب اللى فات ده كله منقول انا بقى عاوز أقول لأخونا هنا حاجة.
1-تخيل واحد كان متخرج ومعاه بكالوريوس ..... ومر على تخرجه سنووووووات وقاعد فبيتهم بيتلطم من شغلانة للتانية نفسه يعينى يتجوز يشتغل يركب عربية يعمل حاجة لبيته لأمه بس مفيش فأيده حاجة وجيت أنت حلتله كل مشاكله ايه ثوابك ..يترى حصل معاك كده
2-تخيل واحد شغال فغير مجاله ونفسه يتعلم مثلا أوراكل أو اى شىء ومتبهدل فشغل مش حبه ولا عاوزه بس ماباليد حيله وجيت أنته حليتله مشكلته ايه ثوابك ..يترى حصل معك كده
3- تخيل أنك واحد بتحب وعاوز تخطب اللى بتحبها بس الدنيا ملطمة معاك ماديا هتبقى عايش ازاى ..أكيد حصلت معاك ..وجه واحد حل لك مشكلتك وساعدك تتجوز اللى بتحبها يترى هيبقى ايه ثوابه وهيبقى نفسك تعمل معاه ايه .
يااااااااااااااااااااااه كل ده فأيديك بس أقرا بقيت الموضوع ومتملش
ممكن تبقى كل ده بمجرد رفع برنامج أو رفع شرح أو كتابة موضوع أو قصة حصلت فحياتك استهلك من وقتك 10دقايق لله وفيد الناس بحاجة معاك
والنبى صلى الله عليه وسلم قال ( حب لأخيك ما تحب لنفسك)
الأجانب بيقولوا Share What You Can To benefit The Others
فلنبدأ سويا كل واحد عنده حاجة يقدمها اللى عنده برنامج يرفعه على اى موقع ويكتب اللينك فموضوع حلو بسيط
اللى عنده تورنت يرفعه والتورنت شجرة خير غايبة عنا
اللى عنده شرح يرفعه ويطوره
حتى لو كوود كان واقف معاك وحليته أرفع
لو فى فرصة عمل سمعت عنها متنسبكش أكتب كل تفاصيلها تفيد غيرك
لو مشروع عملته فتخرجك أو فدراستك أرفعه
لو قصه شايفها هايفة ومش هتنفع حد ارفعها
وأنا معاكم ونبدأ سوا أنا بدأت وعملت رد الجميل للموقع ده اللى خلانى أتعلمت أوراكل والناس اللى كانت سايبه إيملاتها وساعدتنى بنصايحها وجاوبت على أسئلتى وحطتنى عالطريق وكانوا سبب فأنى أسافر هنا السعودية فالحمد لله عملت حساب عالفور شير ورفعت كل البرامج اللى عندى عليه عشان تفيد الناس
والموقع ده بالذات
فيلا نبدأ سوا ومحدش يكسل
****** طب تعرف أنك لما تنزل برنامج بطول عمره سواء تورنت او على مواقع الشير
تعرف ان للى بيرفع البرنامج نقط لو قلت بيقفلوا الحساب ويضيع تعبه وكذلك التورنت لو محدش نزله مش هيشتغل وهيعطل زى مبنشوف