السلام عليكم

انا فى كلية تجارة و عايز ادرس الدى بى ايه و انا فاهم انه بعيد عن مجالى و عارف كل الكلام ده

عايز اعرف هتبقى فى مشكلة لما اتقدم لشغل و لا لأ بمعنى ان الشركات ممكن تشترط خريجيين كومبيتر سينس ؟

يا ريت يا جماعه حد يهتم شويه و يجاوبلى على سؤالى

اخى العزيز يوجد قسم كامل للمبتدئين فى اوراكل فيه اجابه لسؤالك فى اكتر من مشاركه من اخوه ليك ..حاول تدخل وتقرا فيه وهتستفاد اكتر
هنا قسم للحلول التقنيه بشكل اكبر وعموما خللينى اجاوبك على سؤالك

لو انت مدير شركه ...جالك واحد كمبيوتر ساينس ..وواحد تجاره ...الاتنين نفس الشهادات فى اوراكل ...الاتنين اجتازوا الاختبارات التكنيكال ..الاتنين اجتازوا الانترفيو ..الاتنين مظهرهم لائق والاتنين قابلين بنفس المرتب

حدد انت هتختار مين فيهم ؟ طبعا على حسب البيزنس بتاعك هتختار

ولعلمك دى ارزاق مقسمها الخالق عز وجل ولك ان تتاكد ان معظم المبدعين فى اوراكل ...خريجين تجاره لانهم بيبقوا فاهمين بيزنس كويس جدا وعلاوه على كده معاهم تكنيكال خلاف خريج كمبيوتر ساينس اللى لسه محتاج يتعلم بيزنس عشان يفهم الشغل كويس وان كان الاناليست بيسهل الموضوع ده شويه

اتمنى اكون افدتك