السلام عليكم
انا اتخرجت 2008 من تجاره عين شمس المهم واحد صاحبى نصحنى اخد كورس اوراكل فاينانشال وقالى ده كويس جدا خصوصا ان انا بحب الكمبيوتر جدا وقالى فرص شغله كتييييييييييييير اوى واى ومرتباته مميزه وكل القصص دى وصدقته المهم اخدت الكورس وخلصته بقالى 3 اسابيع ويمكن اكتر وقدمت فى اماكن كتير ومفيش رد مش عارف انا قلقان جدا جدا الوقت بيعدى وفى دفعه اتخرجت عليا الى هى 2009 (اصل انا كنت متوقع اشتغل بدرى بدرى ) مش عارف هل انتظر ولا ادور على واسطه بقى ودى صعبه جدا جدا ولا فى ايه هل فى حاجه غلط والناس ال oracle financial دو بقو كتير والشركات مش محتاجه juniors ولا ايه ارجو المساعده
ولكم جزيل الشكر

لاتستعجل ...وإسأل الله التوفيق

يا اخى الكريم رزقك مش هيروح لغيرك فليطمئن قلبك . ولكن لا تتوقف عن البحث وتطوير نفسك . ومفيهاش حاجة يعنى لو ظبطلك وسطة

اتوكل على الله واعمل سي في كويسة وحالو توزع السي في اكثر من مكان ولو انو جاك عرض تدريب روح ولا ترفض وبالتوفيقز بالاخر توكل على الله ورزقك رح يجيك. تقبل الاحترام

ربنا يوفقك بس حاول تطور من نفسك شوية

ألحمد لله طبعا على كل شيئ وانا علطول بذاكر فعلا ...... بس القلق يا جماعه ده غير ان الواحد كان واخد فكره غير انو يستنى الشغل بعد الكورس

ما شاء الله عليك اخي الكريم مخلص الكورس بقالك ثلاث اسابيع ومجالكش شغل
لا حول ولا قوه الا بالله اخي الكريم بعد الكورس لازم يكون فيه تدريب الكورس بيديك تقريبا 20% من الموضوع والباقي خبره بتتقاس من فرد لاخر حسب خبرته وبياخد مرتب عليه حسب فهمه وتعامله مع المشكلات
انصحك بالتدريب في المنتدي في شركه في اي مكان اعمل كام املبمنتيشن ودرب نفسك كويس اوي
واستعد للفرصه اللي ربك يبعتها لك طبعا بعد اخذك بالاسباب والبحث في كل مكان وفيه عناوين للوظائف في المنتدي فعليك المتابعه والله يوفقك يارب والصبر والصبر والصبر وبشر الصابرين اخي الكريم

3 اسابيع ومستعجل انا بقالى 4 شهور مخلص الكورس وعندى خبرة سابقة وبدور بافترى ولسة ربنا ما اردش
انا مش بحبطك بس خلى عندك صبر وربنا بيبعت الرزق فى لحظة واصبر وذاكر وصمم على اللى انت عايزة ان شاء الله هاتوصل هاتوصل
ربنا معاك ومعانا

ياابنى انا بقى لى شغال 10 سنوات الواسطه هى الاساس

الواسطه مهمه انها تشغلك لكن تستمر في الشغل وانت مش بتشتغل صعب شويه اخي الكريم