السلام عليكم جميعا ياخوانى

كيف يمكن عمل رسالة تظهر حسب تاريخ معين موجود فى العمود تبع الجدول مقارنة مع تاريخ المكنة
بمعنى عندى تاريخ لفواتير صيانة وعايز اخليه يتشك على فاتورة الصيانة اذا كان اخر فاتوره مر عليها شهريين يخرج لى رسالة تذكيرية او معرفة الفواتير التى مر عليها شهريين ويخرج لى رسالة تذكيرية برقم الفاتوره وتاريخها مثلا
ولكم جزيل الشكر والعرفان

هو انا بصراحة مش فاهم اوي حضرتك طالب ايه
بس ده مثال لو عايز تجيب الفاتورة اللي مر عليها شهرين او اكتر

DECLARE 
V_SHOW NUMBER ;
V_EXPI NUMBER ;
BEGIN SELECT 1 
 INTO V_EXPI FROM BILL  B 
WHERE B.BILL_ID =:BILL_ID AND TO_DATE(SYSDATE)-TO_DATE(U.CREATE_DATE) >=60 ;
IF V_EXPI =1 THEN
   V_SHOW :=SHOW_ALERT('MY_ALERT');
END IF ;

END ;

مشكور اخى abdu1_far على هذة المشاركة الطيبة
ولكن المقصود هوا اظهار رسائل تذكير بارقام الفواتير التى مر عليها شهرين اوتوماتيكيا وفى نص الرسالة يظهر لى رقم الفاتور وتاريخها وهكذا دون تدخل اليوسر
ولك جزيل الشكر

اخي ... شكراً للايضاح وأسف لسوء الفهم
سؤال حضرتك عايز الرسائل ده تظهر بمجرد ما اليوسر يدخل على النظام ، مثلا لو كان النهارده مر شهرين على الفواتير ، حضرتك عايز اول لما اليوسر يفتح البرنامج يظهر له رسالة تذكيرية ، ولا طول ماهو قاعد على البرنامج كل فترة يعمل تشك ويشوف الفواتير اللي مر عليها اكتر من شهرين ..؟؟

السلام عليكم.

أكتب الكود بتاعك في تريجر When-New-Record-Instance
علي مستوى البلوك إللي فيه ال Item بتاعك.

اولا اتقدم بالشكر لأخ abdu1_far
وبارك الله فيك وربنا يسرلك امورك
فعلا كلامك صحيح ( اول لما اليوسر يفتح البرنامج يظهر له رسالة تذكيرية بالفواتير علما بان كل فاتوره لها تاريخ فى التيبل )
ومشكور مشرفنا welooo
الفكره ان اليوسر مش هيدخل كل شوية ويكتب رقم الفاتورة ويشوف عدت عليها شهرين ولا لا لانها مثلا فواتير كتير جدا.
وشكرا

مبدأياً .... لازم يكون عند حضرتك فلاج تحت في الجدول ، الفلاج ده المفروض يكون قيمته صفر في حالة ان الفاتورة عدا عليها شهرين او اكتر ولسه ما حصلش اي اجراء ، يعني لم تسدد ، لانه مش معقول بعد لما حضرتك كل يوم تطلعله المسج والراجل اتصدع خلاص واقتنع انه لازم يدفع وراح دفع فعلا الفاتورة برضه الرسالة تفضل تطلع
يبقى الفلاج ده هيفرق بين حاجتين فاتورة عدا عليها شهرين ولسه لم تدفع او تحصل ( على حسب بأه الفاتورة ده في صالحك ولا ضدك ) ، تاني فاتورة عدا عليها شهرين او اكتر وتم تحصيلها فعلا او دفعها ( برضه على حسب في صالحك ولا ضدك ) .

ثانيا نفس الكود اللي انا كتبه فوق ، حضرتك تاخده وتحطه في تريجر WHEN_NEW_FROM_INSTENCE
بس هنعدل فيه شويه

DECLARE 
CURSOR BILL_CUR IS 
                               SELECT B.BILL_ID
                               INTO V_EXPI FROM BILL B 
                              WHERE TO_DATE(SYSDATE)-TO_DATE(B.BILL_DATE) >=60 AND YOUR_FALG =0 ;                            --- IT MEANS THE BILL NOT PAYED
BEGIN FOR I IN BILL_CUR LOOP
MESSAGE('THE DATE EXPIRED OF BILL NUMBER : ' || I.BILL_ID);
MESSAGE('THE DATE EXPIRED OF BILL NUMBER : ' || I.BILL_ID);
CLEAR_MESSAGE ;
END LOOP;
END ;

جرب وقولي

تم تعديل 28 يونيو 200916 سنة بواسطة abdu1_far

ماشاء الله جميل جدا جدا وربنا يزيدك من علمه
اشتغلت تمام والحمد لله وبارك الله فيك على الشرح الجميل والرد
وفعلا انا عاجز عن الشكر
تقبل تحياتى
اخوك م/سامح المصرى

يا اخي لا شكر على واجب .... والله الواحد بيحس ان المنتدى ده زي بيته ، ناس اخلاقها عالية وبتحب تخدم
بارك الله في صاحب فكرة هذا المنتدى والقائمين عليه والمشرفين وجميع الاعضاء

يا اخي لا شكر على واجب .... والله الواحد بيحس ان المنتدى ده زي بيته ، ناس اخلاقها عالية وبتحب تخدم
بارك الله في صاحب فكرة هذا المنتدى والقائمين عليه والمشرفين وجميع الاعضاء

امين يارب وربنا يوفق الجميع لما فيه الخير والصلاح وانا ينفعنا بالعلم جميعا ويجعلنا ممن قال فيهم رسول الله صلى الله علية وسلم ( خيركم من تعلم العلم وعلمة )