السلام عليكم ورحمة الله وبركاتة
هنا يمكنكم وضع المشاكل الخاصة بموديول (inventory- purchasing - order management ) وان شاء الله ستجدون حلا لها

ما هى مواصفات الجهاز الذى يمكن من خلاله إجراء تدريب على الكورسات المختلفه المتعلّقه بال supply chain management حيث أخطط حاليا لشراء لابتوب للتدريب عليه .. أرجو إفادتى بالمواصفات المناسبه للتعامل المريح مع البرنامج مع وافر الشكر مقدّما ..

مفيش اسئلة خالص ؟؟؟

ولا تزعل نفسك يا باشا....

أنا بجد عندي سؤال في الـ Inventory

بالنسبة للـ New Item coding أو بمعنى آخر في السيتب بتاع الـ Item Keyflex

كان عندي في الأول مشكلة فيه...

هل لازم الـ Item Code يكون ذو معنى واللا أخليه سيريال وخلاص

أنا أقتعت إدارة المخازن بحل وسط.....بأن الكود الجديد يكون 8 أرقام أول إثنين منهم يخصو الـ Major Category والباقي سيريال عادي

ولو احتجت أخلي الكود ذو معنى أحسن أخلي فيه segmentation واللا أخليه One segment as defaulted

وهيفرق في ايه


معلش أنا جديد في الموضوع وشكلك خبرة...ويا بخت من تعلم العلم وعلمه

وجزاك الله خير مقدما على نيتك الطيبة في مساعدة الناس

الصديق العزيز
هقولك على طريقة حلوة قوى اعتقد انها هتعجبك خاصة بتكويد الاصناف انا عملها عندى فى المخازن وهى الكود عبارة عن segmant ازاى بص كل segmant بيشرح حاجة معينة هديك مثال
08.01.02.00.000026
08 دة المخزن
01 دة كاتيجورى
02 دة اللوكيتور
00 دة فرعى
000026 دة سيريال
بكدة تقدر تقول ان كل اصنافك المخزنية هتبقى مرتبة ومنظمة هترتب الكاتيجورى مثلا (خامات نحاس 01- خامات صاج 02 وهكذا ) واللوكيتور مثلا (راك 01- راك 02 - راك 03 وهكذا
جرب الطريقة دى وقولى رايك ولو محتاج مساعدة فى التطبيق راسلنى على هذا الميل
[email protected]
رفيق

محدش عايز يسال يا جماعة او حد عندة مشكلة عايز مساعدة فى حلها

رفيق باشا....أولا شكرا على ذوقك باهتمامك بالرد السريع.....

بس أنا عندي سؤال بالنسبة للـ solution بتاعك....أولا طول الكود ده وتقسيمه في أكثر من سيجمينت اعتقد انه هيعمل بطء ادخال بالنسبة لليوزر بعد كده

كمان الـ segmentation هتصعب شغل الريبورتس بالنسبة للديفولبرز قدام....

أنا كنت فكرت أنه لو احتجت أعمله طويل شبه اللي حضرتك فكرت فيه...كنت هعمل internal segmentation يعني هخلي الـ Item Keyflex متكون من One segment

لاكن الرقم فيه نفس التقسيم مثلا 01020302123456 بدلا من 01.02.03.02.123456

ايه رأيك....

أفيدونا أفادكم الله...........

بص يا ريس لازم كود الصنف عندك يكون بيحمل دلاله بمعنى اعمل مفتاح تكويد من خلال المفتاح دة الناس هتعرف انت مكود ازاى وهتفهم الكود بسرعة ومع التكرار هيتعودوا على الكود خلى Item Keyflex من One segment وحط انت segment فى الكود لما تيجى عشان تعرفة على الاوراكل وممكن تقلل شوية فى segment بتاعه الكود برضة دة راييى ولو عملت زى ما انت بتقول برضة مش غلط بس حاول تخلى كودك ليه معنى عشان الناس تعرف تفهمك وتقدر مجهودك وبالتوفيق انشاء الله
رفيق

اين الاسئلة والاستفسارات يا جماعة ؟؟؟

السلام عليكم :

أرجو أخى الكريم ( زادك الله علماً وحلماً ) أن تفيدنا فى موضوع العهد الشخصية للموظفين

وإن شاء الله سوف تتوالى الأسئلة تباعاً

وجزاك الله خيراً

أخوك / هانى

اخى الكريم لو ليك فى التكنيكال والتقارير ممكن نسئل ؟!

بصراحة التقارير دى تخص الديفولبر وانا معرفشى اعملها
اعتذر اخى الكريم

الى الاخ السائل عن موضوع العهد الشخصية للموظفين هل حضرتك تقصد العهد المخزنية اى صنف مخزنى عهدة ام المبالغ الماليه التى يقوم باخذها الموظف لحين اعادتها مرة اخرى للمنشأه؟؟؟

مفيش اسئلة يا جماعة خاصة باللوجيستيك وفقنى الله لخدمة الجميع

السلام عليكم

أقصد العهد الشخصية للأصناف المخزنية

وجزاكم الله خيراً

رفيق باشا....بما انك خبير اللوجيستكس هنا فعندي سؤالين :

1- لو عندي Item عليه حركة ينفع أغير Item code بتاعه ولو قبل هيحتفظ بالحركة اللي كانت عليه....طيب هل فيه محاذير من العملية دي

2- عندي Item على سبيل المثال طقم كنب مكون من ثلاثة أجزاء لو تم ارجاع جزء منه اعمله آيتم جديد أو وأنا بأنشأ أصلا آيتم من النوع ده في طريقة لإدخاله كـ set وتحتيها الـ Item's المكونة له

أفيدونا أفادكم الله

بص يا سيدى الفاضل دى حلها انك بتصرف Miscellaneous Transaction الصنف المخزنى على حساب العهد الشخصية ومركز التكلفة بيكون القسم اللى صارف الشىء وبتعمل sub account وتعرف فية اسم الموظف ولما تيجى تعمل حركة الصرف بتربطة فى على flexfield بتاع chart

م/رفيق

برجاء عدم نسيان الإجابة على سؤالي وشكرا

الصديق فرج
بعد التحية
للرد على اسئلتك
1- ينفع طبعا اغير كود الصنف واعمل له كود جديد تانى خالص غبر اللى كان عليه ولن تتاثر الحركات التاريخية السابقة على هذا الصنف بل سيتم احلال الكود الجديد تلقائى مجرد ان ادوس زر الحفظ وذلك عن طريق بروفيل اوبشن اسمه INV_UPDATABLE ITEM NAME اخليه YES ثم اروح اعدل الكود وان كان يفضل تعديل الكود مرة او مرتين ع الاكثر وليس الا
2- الصنف المكون من مجموعة اجزاء دة يا باشا بتعرفة صنف واحد ووحدة قياسة طقم وبتعمل كونفيرشن لوحدة قياس الطقم الى العدد يعنى تقول مثلا الطقم =3 عدد وكدا تقدر تصرف من الصنف سواء بالطقم او العدد
ارجو ان اكون قد افدتك ولو فى استفسار انا موجود
رفيق

رفيق باشا...

ألف ألف شكر....بجد انته راجل زوق ومحترم و بتقول كلام جامد......

أتمنى ليك التوفيق وأن يرزقك الله ما تتمنى إن كان في خير ليك وشكراً

تلميذك فرج

اؤؤمرنى يا فرج بيه انا فى خدمتك انت وكل الاصدقاء الغاليين فى المنتدى وفقنا الله واياكم لفعل الخير

الخ الفاضل :
1- لو ممكن توضحلى الفرق بين ال Internal Requisition and Purchase Req.
2- هل ممكن استخدم احداهما لميكنة عملية طلبيات الادارت من المخازن مثلا لو إدارة الانتاج تحتاج طلبية معينة موجوده فى المخازن لاتمام عملية التصنيع .فى الحالة دى ممكن اعمل اية

السلام عليكم ورحمة الله وبركاتة
للرد على سؤالك يرجى العلم ان هناك فرق بين Internal Requisitions و Purchase Requisition
Internal Requisitions طلب شراء داخلى بين مجموعتين مخزنيتين يراد تحويل اصناف مخزنية من المجموعة الاولى الى المجموعة الثانية ولذلك يستخدم Internal Requisitions لانة سوف تتم عملية بيع وشراء ينتج عنة وصول امر بيع فى order management
Purchase Requisition طلب شراء عادى يتم تحريرة من اى قسم داخل الشركة يراد به شراء مواد من عميل معين
بالنسبة لسؤالك الثانى
فانه يستخدم move order كطلب صرف مواد من المخازن لصرفها الى الانتاج .
هذا وبالله التوفيق
رفيق

السلام عليكم ورحمة الله وبركاتة
شكرا يااخى على تجاوبك
بس لية استفسار اخر , كيف تقوم الادارات الاخرى بطلب توريد اصناف من المخازن الى الادارات الاخرى مثل طلبية توريد اصناف مكتبية او قطع غيار. فى حين ان الادارات ليس لديها صلاحية المخازن.

الاخ العزيز
دة مجرد طلب صرف بيقوم القسم المختص بتحريرة على الاوراكل وبموافقة المدير المسئول يكون بذلك موجود على السيستم وجاهز للتنفيذ اى للصرف من المخزن المختص وهو بذلك له علاقة كبيرة بادارة تخطيط الاحتياجات ويكون فيها شخص مسئول عن تحرير طلبات الصرف من هذا النوع ارجو ان اكون قد اوضحت لك الامر والسلام عليكم ورحمة الله وبركاتة
رفيق
Logestic Support