من فضلكم _
فيه معايا مشكلة في ال List Item

لما بعمل list item جديد
من النوع POPList
دة النوع المفضل عندى
انما بلاقى ان فيه خانة زيادة بتطهر معايا عن ال عناصر اللى انا مدخلها في الخواص
وكمان ممكن المستخدم يضغط ع الخانة دى بالماوس ويختارها _
وومكن تسبب مشاكل في الكود لكن الحمد لله عرفت أتخطى مشكلة الكود _ لكن المظهر سيئ
وبضطر انى اتخلى عن ال list item واستخدم ال radio Buttons

المشكلة دى مش بتظهر معايا في ال combobox وممكن تكون بتظهر في ال Tlist لكن مش بالشكل دة

_____ أسئلة أخرى :-
1 ) ممكن اخلى الCombo box المستخدم ماينفعش يغيره زى ال TList وال PopList ؟؟؟؟

2) ازاى أدخل قيم في ال List Item في run time اى اثناء تشغيل البرنامج ؟؟

3 ) ممكن ال list item اعمل له كونكت بالداتا بيز واحط فيه بيانات عمود في جدول ؟؟

4) ممكن ال LOV أغير في النافذة بتاعتها مثلاً ألغى زرار او أضيف زرار يودينى لوندوز تانى ؟؟ يعنى أتحكم في كل حاجة في ال LOV
مش البيانات وبس



ودة تفسير المشكلة الاولى بالصور

السلام عليكم
أخي الكريم
هو فعلا POPList دي مشكلتها بسي ممكن تحل مشكلة ال null بجملة if عادي خالص دون الاستغناء تماما عن الليست حيث لو القيمة = null تجبر المستخدم أن يختار قيمة مثلا وهكذا
وطبعا POPList تتميز عن النوعين الاخرين في السهولة وعدم إدخال البيانات بشكل يدوي وكل نوع له خصائصه

والنسبة للربط الليست بعمود يمكن من خلال ال dynamic list من خلال هذا الرابط
http://www.araboug.org/ib/index.php?showtopic=15030 باسم dynamic list أو من خلال ال cursor

ال lov بها 3 أزرار وعلى حد علمي لايتغيروا

بالتوفيق

تسلم يا مشرفنا _ اجابات وافية
جزاك الله كل خير
وجارى تفحص ال dynamic List

السلام عليكم ورحمة الله
أخى الحبيب عندى حل لمشكلتك وهو تغير اثنين من خواص الليست
1- خاصية initial value تختار فيها أحد القيم مثلا حرف A
2- خاصية Required تغيرها الى الإحتيار Yes
لا تنسنا من صالح دعائك

اخي الكريم
موضوع الريكود الزائد في الليست ده مش خطأ ، بالعكس من وجهة نظري المتواضعة انه صح اوي كمان ، ولو اوراكل مكنتش عملت كده يبقى في غلط

ليه بأه .... أقولك انا
تخيل حضرتك انا البيانات اللي في الليست ده مش شرط انها تخش في الداتا بيز تحت يعني ممكن تكون NULL ممكن ما تكونش برضه NULL عني عادي على حسب الحالة.

تخيل بأه انك دخلت بيانات اول حالة كاملة واخترت قيمة فعلاً من الليست ده وعملت حفظ وكله تمام .... لحد كده مفيش أي مشكلة .
افرض بأه الحالة اللي بعدها ملوش قيمة يعني عايز حضرتك تدخل القيمة ده NULL تعمل ايه ، هتضطر تخرج من الشاشة وتخش تاني عشان يجبلك قيمة NULL ، ده لو حتى عمل CLEAR للشاشة ، برضه هتفضل قيمة الليست زي ما هي ، يبقى وجود NULL ي الليست ضروري عشان ما يكونش الكولم المتصل بيه في الداتا بيز REQUIRED غصب عن الديفلوبر حتى .

بالنسبة للLOV ما ينفعش تتحكم غير في اسماء الكولم في وقت الرن تايم ، لكن ممكن تتحايل على الموضوع ده
انك تعمل تريجر على الايتم اللي انت مباصي له الLOV
وتكتب في حدث KEY-LISTVAL
LIST_VALUES ;
وبعد كده تكتب اي اجراء انت عايزه
كده هيعمل ايه ، هيفتح الLOV ، واول لما المستخدم يختار قيمة من الLOV يروح ينفذ باقي تريجر KEY-LISTVAL ، والتالي كأنك بتنفذ حدث معين بناء على نتائج من اللLOV تروح بأه تنادي فورمة تانية تعمل اي حدث تاني زي ما تحب
يارب الفكرة تكون وصلت

بالنسبه لرد الاخ hesham hafez ده حل جميل وانا بستعمله دائما مع POPList