بسم الله ارحمن الرحيم

اولا انا عاوز اشكر كل الاعضاء المحترمين فى المنتدى الممتاز دة
ثانيا انا فى سنة رابعة حاسبات ومعلومات
وانا ناوى ادخل فى مجال الاوراكل بس مش عارف اخد اية فى ناس بتقولى اخد الديفلوبر فى الاول ودى لها شغلها فى واحد صاحبى شغال فى دبى بيقول انت تاخد اوراكل ابلكاشن وعلى حد علمى ان دة ديفلوبر بردة بس على اى بيزنيس وبيقولى دة شغلة جامد اوى
وبيقولى لو اخدت الديفلوبر العادى اللى sql+pl/sql+forms+reports
يعتبر افضل من dba فى الشغل لأنة بيترقا
وذا انا اخدت الاوراكل دلوقتى وحصل ودخلت الجيش هتبقى مشكلة وممكن انسى اللى انا اخدتة ولا لأ
يعنى الفضل اخد الاوراكل دلوقتى ولا لما اخلص الكلية
انا كانت نظريتى فى ان اخدها دلوقتى انى لما اخلص ابقى جاهز لأنى اشتغل مش لسة اخد دورات ووقت بيضيع ولا اية رايكم
كنت عاوز بقى اهل الخبرة بدلونى على الافضل فى الاوراكل اية هو
وهل لو انا اخدت الاوراكل دلوقتى ممكن يفيدنى فى مشروع التخرج
هو مشروعى عن تصميم قاعد بيانات لمنشأة تجارية
وشكرا لجميع الاخوة الأفاضل

السلام عليكم
شوف انت لو ناوي بجد توكل علي الله و ابداء في الديفلوبر و استغل الوقت لو تقدر عشان توفر علي نفسك لما تخلص الكليه و ممكن بعدها تبقا تاخد الابلكاشن لو عاوز براحتك المهم متضيعش وقت و خد قرارك و ابداء و ربنا يوفقك .