بسم الله الرحمن الرحيم

ارجو من اخوانى فى الله ان يفيدوننى بهذا الموضوع الخطير

لقد درست الأوراكل ديفلوبر /جى10

ولكن للأسف كل الشركات تطلب مبتديئيين خبرة سنة او اثنيين على الأقل

فكيف ارسل السيرة الذاتية وانا ليس لدى الخبرات المطلوبة وكيف استطيع
الوصول الى هذه الشركات وماذا افعل لأنى اذاكر وادرس كل يوم على امل
ان تأتى الفرصه ولكن السيرة الذاتية لاينظر اليها لأن الخبرة العملية غير متوفرة فى الوقت الحاضر

ارجو من اساتذتى والخبراء بهذا المجال ان يفيدونى فى اسرع وقت رجاء

ومن يعلم شيئا عن الشركات التى تعمل بانظمة اوراكل فى مصر يرسلها إلى
على هذا البريد الألكترونى

[email protected]

والله الموفق والمعين.....

انا كمان اخدت اوراكل بقالى 7 شهور ومفيش حاجة لا واية رحت امتحنت كمان وكل شوية اسمع اشاعات لحد مبقاش لية نفس لاذاكر ولا اشوف الاوراكل اساسا حاجة تقرف انا عارف مين اللى قالى خد اوراكل ...

مالة بس مندوب المبيعات فلة. بس انا اللى طمعت

لا للاحبااااااااااااااااااااااااااااااااط

يا جماعه متيئسوش طول ما ربنا موجود وحاولوا تجتهدوا شويه
زي ما في ناس مش ناجحين في اوركال ففي الاف ناجحين فيه وبتفوق باااااااااهر

الموضوع دا قصة حظ مش اكتر ... او على الاقل اللي حصل معايا شخصيا
و اللي نصيبه في حاجة حيشوفها

يا جماعه اللي هيدور هيلاقي


انتو دورو علي عناوين و ايميلات شركات الاـ IT و ابعتو السي في

و كمان ف شركات بتطلب مبتدئين

متقلقوش

يا جماعة انا ليا تعليق بسيط
انا شايف ان الناس الى درست اوركال عشان بتحب الموضوع فعلا اشتغلت و بقت تمام
و بصراحة شايف ناس كتير درست عشان مجرد يلاقوا شغل مش اكتر و هما من الاول ماكنوش يعرفوا حاجة
عن الداتا بيز اصلا لسة زى ما هما انا نصيحتى عن تجربة شخصية ادرس الشىء الى انت بتحبة و لو مش لاقى
حاجة بتحبها حاول تكمل فى مجال دراستك الشخصية انا مثلا من اسكندرية و صعب جدا تلاقى شغل بالاوركال فى اسكندرية
بس الحمد لله خلصت الديفلوبر و الادمن و كان حلمى اشتغل ادمن بس جالى شغل ديفولبير بعد ما امتحنت على طول بس دلوقتى قبلت
و دلوقتى انا ديفولبير و ادمن لشركة بترول كبيرة فى اسكندرية و بدرس تانى عشان اكون سيستم ادمنستريشن و نيت ورك ادمنستريشين كمان
بس لانى بحب مجال الاى تى اعتقد انة ادانى زى ما اديت فية كتير بعكس ناس تانية كانت ابتدت قبلى بكتير و لسة لحد دلوقتى زى مهما لانة دخل الكورس لمجرد انة يوفر لة فرصة عمل صدقنى فى الانتر فيوا فى الشركة بيبان اذا كنت بتحب المجال دة فعلا و تقدر تدى فية و لا دخلتة عشان فلوسة كتيرة و خلاص كل واحد و ربنا خلقة بموهبة معينة حاول تستغلها و نقطة تانية حياة الشغل الواقعية مش صعبة زى ما ناس كتير بتتخيل بالعكس بالنسبة ليا كانت اسهل من الدراسة بكتير لانك يوم بعد يوم فى الشغل بتكتشف حاجات جديدة و الموضوع مع الوقت سهل كأنك بتتكلم عربى بالضبط

المسألة مسألة رزق
وقسمة ونصيب
ويا ريت ندرس عشان العلم
والباقى إن شاء الله سيأتى
الشكر للجميع