السلام عليكم انا مش عارف المكان الصح لكتابة موضوعي هذا بس لقيت الجزء ده من المنتدي فيه خبرات قلت يمكن يساعوني
انا محتار بين الاوراكل والsql
مع اني ناوي جافا بصراحة كورسات الاوراكل غاليه وحتي الاماكن الحلوه للسكوال برده غاليه
لوحد من حضراتكو يقولي هل ممكن اذاكر الاوراكل او السكوال لوحدي من النت وهل فيه كتب (انا عندي بس مش عارف احسنهم)
واذا لازم كورس ايه اماكن حلوه وباسعار مناسبه
معلش اكيد انتو عرفين الرد باذن الله بس ممكن لو حد يحيلني للمكان المناسب لو الجواب هنا صعب
مستني الرد ومتابع ربنا يكرمكم

معذرة ولكن سؤالك ينم عن حاجتك للتعرف اكثر على بعض المفاهيم الاساسية
هل تدرى ما هى الاوراكل و علاقتها بال sql ؟ وليه انت ناوى جافا
قبل التفكير فى كورسات اعتقد انك لازم تاخد فكرة عامة , اتبع اللينك الموجود فى المنتدى
http://www.araboug.org/ib/index.php?showtopic=27637
وهو معد من قبل ادارة الموقع واعتقد انه اكثر من رائع وسوف يفيدك
طارق

السلام عليكم بجد يبشمهندس ربنا يكرمك ويجازيك الفردوس ويسعدك ف الدنيا والاخره مش عارف اقولك ايه
ولاداعي للمعذره انا فعلا لااعرف شئ في اي شئ اما بالنسبه للجافا فاخترتها عشان مشروع التخرج وحبيتها للشغل
والله ربنا يكرمكم بس من كلام الاداره
بس هل تعرف مكان حد جربه للكورسات دي وطلع حلو عشان لو قررت اخد كورس
والله استبشرت اما لقيت حد رد علي اكيد في امل
واوعدكم لو بقيت كويس هعمل زيكم وافيد الناس
اسعدكم الله كلكم والمسلمين

مراكز الاوراكل المعتمدة اسعارها مرتفعة - اسمع ان مركز نظم معلومات القوات المسلحة كويس وعموما قبل ما تتلتحق بأى كورس اسال عن المحاضر الذى يقوم بالتدريس حيث انه اهم عنصر فى الكورس

السلام عليكم

الاخ الفاضل ..... أنا أعرف مهندس بيعمل معيد فى حاسبات ومعلومات الزقازيق ... أنا أخذت كورس الديفولبر عنده .. وباخد دلوقتى الأدمن معاه .... لو إدارة المنتدى تسمح ممكن أوصلك بيه ... بيدى باسعار مخفضة نسبيا ... بس له مشكلتين .. الأولى انه فى الزقازيق .... والثانية ان دماغة مايله للناحية الأكاديمية أكثر بطبيعة عمله .... بس كمبتدأ هو كويس ليك خصوصا ان الكورس ممكن يمون فى حدود 500 جنيه حسب المجموعة...........
لو ملاقيتش تعليق من أحد الأخوة المشرفين لحد بكره هأعطيك الميل بتاعى.


...............................بالتوفيق

السلام عليكم والله اخجلتوني بكل الاهتمام ده ربنا يسعدكم
بس معلش حضرتك متبعتش الاميل بتاع الزقازيق لانو مينفعش معاي
وربنا يكرمكم انا كت بسأل عن اماكن مجربة
طب ممكن تحيلوني لكتب ازاكر منها ولو الواحد بصراحة خايف يدخل نفسه في حاجة لايطيقها وخصوصا وانو لسه بيدرس
انا بعت للادارة هنا بس لسه مردوش علي
بس استفسار هو انا متلا اذاكر الحاجات البسيطة اللي بالعربي واسطب الاوراكل وبعدين ف كتب اوراكل نفسها ولا ايه
معلش غلبتكم معاي بس اول مره حد يرد علي وبحاول استفيد ارجو افادتي وهل حد جرب يذاكر الاوراكل لوحده ونفع؟
جزاكم الله خيرا

الكتب كتيرة بس انت ذاكر و طبعا ممكن تذاكر لوحدك بس يكون فى حد ترجع له وليكن الزملاء فى هذا المنتدى

بإذن الله هاذاكر بس ابدا ف كتب اوراكل علطول ولا عربي الاول ؟
والحمد لله دلوقتي ف حاجات ف المنتدي هنا واتعلم وبنزلها وربنا المعين

منين اسطب برنامج اوراكل 10
وفين كتب اوراكل نفسها ياجماعة

اذهب الى موقع oracle
www.oracle .com وابحث عن روابط التحميل
وعموما ده رابط ال 10 g
http://www.oracle.com/technology/software/...201winsoft.html
وده رابط ال documentation
http://www.oracle.com/technology/documentation/index.html
طارق