انا اخذت تراكات اوراكل فاينانس في مصر في ايماك GL,AP.AR.CM والحمد لله الواحد فهمهم كويس وبيحاول يركز فيهم كويس قوي لكن انا عندي مشكله ملخبطاني

طبعا الشهادة من اوراكل عباره عن شهادة حضور ومعتمده لكن هل في الخليج الشركات بتشغل الواحد بشهادة اوراكل المعتمده في الفاينانس يعني امتحانات ونجحت فيها وبناء عليا ادوك الشهاده ام ان شهادة حضورك التراك في مركز معتمد من اوراكل زي ايماك والشهادة معتمدة من اوراكل نفسها ده كافي (طبعا بجانب المعلومات اللي عندك ) علي فكره انا مصري (محاسب) وعايش بالكويت ونزلت مصر اخذت التراكات بتاعت الفاينانس ورجعت تاني عشان ادور علي مكان احسن ويكون شغال بالاوراكل فأرجو من الأخوه الاعضاء توضيح الصوره ليا لاني مشتت علي الاخر وداخل علي حاله من الاحباط بسبب اللخبطه ديه و محدش غيركم هينجدني وشكرا

أنا برضه اخدت جزء من التراكات دى فى إيماك . والشهاده عموما سواء من إيماك أو من أوراكل نفسها ما هى اللى وسيلة بتقول انك عارف المواضيع دى انما المعيار الأساسي فى الاختيار للتوظيف هو المعلومات اللى عندك فعلا وخبرتك فى مجال العمل. وممكن تتقدم للأمتحان بتاع أوراكل وتبقى شهادتك معتمده من أوراكل لو انت عايز كده. وربنا يوفقك ان شاء الله

الاخوة الاعزاء
لا تتشتت ولا يحصلك بلبلة
كلامي هذا لا يقلل من شأن شهادات اوراكل المعتمدة والتي تمنح لمجتازين اختبارات تطبيقات اوراكل المحاسبية، فكما قال اخي ايهاب حامد "الشهاده عموما سواء من إيماك أو من أوراكل نفسها ما هى اللى وسيلة بتقول انك عارف المواضيع دى انما المعيار الأساسي فى الاختيار للتوظيف هو المعلومات اللى عندك فعلا وخبرتك فى مجال العمل"

لكن كما هو واضح في سوق العمل أن العمالة التي تعمل في مجال تطبيقات الاوراكل المختلفة قليلة بعض الشيء و تكاد تكون معدودة على اصابع اليد خصوصا في منطقة الشرق الاوسط
وبالتالي المعيار الاساسي هنا هو معرفتك وقدرتك على استعمال تطبيقات اوراكل المحاسبية بكفاءة ، وهي كافية باذن الله تعالى على عثورك على عمل، فحاول المحافظة على تلك المعلومات وقدرتك على استعمال تلك التطبيقات بالممارسة وقراءة المزيد في تلك التطبقات المحاسبية.
ولا تنسى الاستعانة بالله في كل الامور
وفقنا الله واياكم

اخى الكريم . اولا كل شيء بأمر الله .. وثانيا الامر يتوقف على خبرتك العملية اكثر من الشهاده خاصة فى هذا المجال ولكن هذا لايقلل ابدا منالشهاده بل بالعكس تماما هذة الشهاده تضع لك مقياس ومعيار . هذة الشهتده تعبر ان حاملها يمتلك الحد الامثل للعمل عل تطبيقات اوراكل.
على العموم راسلنى على الخاص او ابعتلى السى فى بتاعتك على الايميل [email protected]

سلام عليكم
لو سمحت يا اخ modymax8 كنت عاوز اعرف الكورس اخد منك وقت قد ايه و المبلغ بتاع الكورس كام ضروررري جدا لو سمحت . مستني ردك

اخى الكريم . اولا كل شيء بأمر الله .. وثانيا الامر يتوقف على خبرتك العملية اكثر من الشهاده خاصة فى هذا المجال ولكن هذا لايقلل ابدا منالشهاده بل بالعكس تماما هذة الشهاده تضع لك مقياس ومعيار . هذة الشهتده تعبر ان حاملها يمتلك الحد الامثل للعمل عل تطبيقات اوراكل.
على العموم راسلنى على الخاص او ابعتلى السى فى بتاعتك على الايميل [email protected]

استاذ احمد ابو العلا شرفني جدا ردك علي استفساري بس علي فكره احنا اتكلمنا مع بعض قبل كده وكمان انا متسجل عندك علي الماسينجر وطبعا عندي برضة حتي حضرتك قولتلي مكان عملك فين بالكويت وانا برده قولتلك علي مكان عملي بس اكيد انت عارف كويس عمق سؤالي ايه واد ايه مهم ليا لانك في نفس البلد ونفس مجال العمل بتاع اوراكل وعارف ايه الاصح بالنسبه لظروف العمل فياريت تقولي انا ماشيت صح ولا غلط يوم لما روحت اخد التراك في ايماك مع ملاحظه اني لسه مدورتش علي شغل بالفاينانس لحد ما توصل الشهادات الحضور من ايماك ولا انت شايف ايه؟؟؟؟

تم تعديل 7 أكتوبر 200817 سنة بواسطة modymax8

سلام عليكم
لو سمحت يا اخ modymax8 كنت عاوز اعرف الكورس اخد منك وقت قد ايه و المبلغ بتاع الكورس كام ضروررري جدا لو سمحت . مستني ردك

اولا شكرا لكل من تجاوب مع سؤالي ورفع من حالة التشتت اللي كنت رايح فيها شكرااااااا شكراااااااا

بالنسبه لسؤال سيمو سمسم انا التراك اخد مني شهر واسبوع واربع مديولات كلفوني في حدود 10000 جنيه بس انا اخذت اجازه مخصوص من شغلي ونزلت اخد الكورس ده يعني تفرغت ليه واي خدمه

شكرا ليك جدا علي الرد و بالتوفيق ان شاء الله .

لو سمحت يا اخ modymax8 انا محاسب زيك وعاوز اخذ بردة شهادات في الاوراكل -عاوز اتعلم حاجة تخليني بردة ذي حضرتك- فا ابة الشهادات اللي تنصحني بيها وتفيدني كمحاسب

وياريت يا اخ / مودي ماكس لو تفهمني اكتر طبيعة التراكات دي اية يعني بتدرس ايه
ودي بتيح لك انك تشتغل فين
وانا حاليا في السعودية ياريت لو عندك خلفية عن الاماكن اللي بتدرس الحاجت دي في السعودية تفيدني
وجزاك الله خيرا

اخى الكريم :
والله انا اعرف ناس ما اخدتش الكورس ده ومعرفتها فيه قشور وحتى فى الاكسيل مش قوى ومحاسبين . واشتغلة بمرتبات حلوه يعنى 400 دينار ده غير البونس والحوافز.
انما انت يابطل معاك كورس واكتسبت الخبرة الاكاديمية وهى اساس قوى فاضلك الخبرة العملية وان شاء الله متقلقش كل شيء بميعاد.
بس قلى انت اللى بعتلى السى فى بتاعتك ولا لاء

السلام عليكم

اخى الحبيب هناك مدرستان من شوق العمل خصوصا فى الكويت
مدرسة تهتم جدا بالشهادات ، ومدرسه اخرى اهم شى تعرف تعمل ولا لا فهمت

يعنى شهادة الكورس من وجهه نظرى تكفى، ولكن اهتم كتير بالعملى لسبب ،
الشركه تحتاج واحد فقط اوركل فاينايشال او اثنين على الاكثر فلابد فيهم على الاقل يحتوا كم الشغل,

لذلك انصحك بالعملى ( مـــــــــــد يدك فى الشغل ) هذا هو الاهم , وهذا عن تجربة وعن تجريه اخرين فى مقابلات العمل وخضوضا فى الكويت او الخليج

والسلام عليكم ورحمه الله

اخى الكريم :
والله انا اعرف ناس ما اخدتش الكورس ده ومعرفتها فيه قشور وحتى فى الاكسيل مش قوى ومحاسبين . واشتغلة بمرتبات حلوه يعنى 400 دينار ده غير البونس والحوافز.
انما انت يابطل معاك كورس واكتسبت الخبرة الاكاديمية وهى اساس قوى فاضلك الخبرة العملية وان شاء الله متقلقش كل شيء بميعاد.
بس قلى انت اللى بعتلى السى فى بتاعتك ولا لاء

شكرا علي كلامك المشجع جدا وانا عارف انت تقصد ايه
انا لسه مبعتش السي في بتاعي ليك علي العموم انا هبعتهوا لك علي ايميلك وانا معايا رقم موبايلك اول ما ارسل السي في هكلمك ندردش انا موجود الان بالكويت

السلام عليكم

اخى الحبيب هناك مدرستان من شوق العمل خصوصا فى الكويت
مدرسة تهتم جدا بالشهادات ، ومدرسه اخرى اهم شى تعرف تعمل ولا لا فهمت

يعنى شهادة الكورس من وجهه نظرى تكفى، ولكن اهتم كتير بالعملى لسبب ،
الشركه تحتاج واحد فقط اوركل فاينايشال او اثنين على الاكثر فلابد فيهم على الاقل يحتوا كم الشغل,

لذلك انصحك بالعملى ( مـــــــــــد يدك فى الشغل ) هذا هو الاهم , وهذا عن تجربة وعن تجريه اخرين فى مقابلات العمل وخضوضا فى الكويت او الخليج

والسلام عليكم ورحمه الله

شكرا علي ردك ياباشا وعلي فكره كلامك انا شغال فيه من اول ما خلصت الكورس ده كمان بعد الكورس نزلت تدريب في شركه امبلمينتيشن كبيره في الاسكندريه وقعدت تحت التدريب شهرين لكن ظروف اجازتي وشغلي بالكويت خلوني ارجع الكويت بعد فترة التدريب ديه لكن انا مسكتش وكملت العملي مع نفسي وربك كريم بس لو تقدر تديني اسماء الشركات اللي شغاله بالاوراكل في الكويت بليز انا عاوز اسماء محدده ده اذا كان ممكن وشكرا