السلام عليكم
انا عندى ثلاثة اسئلة ومش لاقيلهم حل
1- حذف فاتورة من ال Transaction فى موديول ال AR مع العلم ان زرار ال Complete and Incomplete غير نشط وكمان Delete Icon غير نشطة
2- ازاى اقدر اغير تاريخ لسند استلام
3- عايز اغير اللوجو بتاع اوراكل اللى موجود فى الفواتير الى اللوجو بتاع الشركة

وجزاكم الله خير

يا اخوانى انا محتاج رد ضرورى للاسئلة
معلش هى يمكن تكون اسئلة من واحد مبتدء

علشان تحذ الفاتورة من ال AR لازم الزرار بتاع Complete يكون نشط فى الأول وتعمل الفاتورة Incomplete فى الاول وبعدها حتلاقى الأيكون بتاع الحذف بقى شغال معاك وممكن تحذف الفاتورة، أما بقى ليه الزرار بتاع Complete مش نشط فده ليه حاجه من اتنين إما انك عملت سند قبض وعملت له Apply على الفاتورة دى، أو انك رحلت الفاتورة دى لل GL وفى كلتا الحالتين الزرار ده مش حيرجع يبقى نشط تانى وبالتالى مش حتعرف تمسح الفاتورة دى .

وبرضه اتأكد من انك تدخل على ال AR-> Setup->System->Sytem Options حتفتح معاك شاشه فيها Tab اسمها Trans and Customers فيها أختيار اسمه Allow Transaction Deletion أتأكد انه معمول عليه صح وشوف كده الحذ حيشتغل ولا ايه

بالنسبه لتغيير تاريخ سند الاستلام ، انت تقصد سند قبض نقدية أو شيكات يعنى مش كده ولا ايه؟
لو هو سند قبض فده التاريخ بتاعه مش بيتغير ممكن تحذف السند وتدخله تانى بالتاريخ الجديد

شكرا جدا على اهتمامك.
انا هجرب اللى انت قلتة وهرد عليك
بس لسة فى سؤال وهو ازاى اغير اللوجو بتاع اوراكل اللى موجود فى الفواتير باللوجو بتاع الشركة