السلام عليكم ورحمة الله وبركاته

دخلت على قسم ( منتدى إعداد وتنصيب الاوراكل ) وبعد كده دخلت على موضوع ( تنصيب الاوراكل 10g والديفلوبر 6i بالفيديو ) وقرأت الموضوع كله وقمت بتنزيل ملفات الفيديو وبعد أتباع الخطوات كما هو موجود في الفيديو وتركيب الاوراكل فقط من غير الديفلوبر ، بقه عندي أستفسار وقمت بكتابة رد على الموضوع لعلا أحد الاعضاء أو المشرفين يجابوا على أستفساري ولكن دون جدوى

بدايتاً أحب أشكركم على الموضوع الرائع جداً ( تنصيب الاوراكل 10g والديفلوبر 6i بالفيديو ) والمهم في نفس الوقت واللي أستفدت منه كتير وأفادني كذلك كمبتدئ في مجال أوراكل .. بس أنا كمبتدئ بحاول أدخل مجال أوراكل محتاج للتوجيه والدعم ومساعدتكم ومنتظر من أحد المشرفين أو الاعضاء الاجابة على أستفساري وهو كالتالي :

أنا ركبت نسخة أوراكل فقط اللي هي 10g من غير الديفلوبر لأني لسه مبتدئ في مجال أرواكل فقولت أني مش هحتاج الديفلوبر دلوقتي بس لما ركبت نسخة الاوراكل زي ما موجود في الشرح في الفيديو لقيت أن المساحة المحجوزة من الذاكرة عند تشغيل الويندوز بقت 800 ميجا بايت تقريباً وهي كانت قبل تركيب الاوراكل 180 ميجا بايت والسبب في كده بيرجع للسيرفس الكتيرة بتاعت الاوراكل اللي بتشتغل مع بدء تشغيل الويندوز ، واللي نتج عنها أن الجهاز بقه بطيء جداً جداً ... فسؤالي كالتالي :

هل لو أنا وقفت السيرفس دي عن طريق الامر msconfig وقمت بإيقاف السيرفس هل ده هيأثر على عمل الاوراكل لما أجي أستخدمه ولا لأ ؟؟
هو ده كان سؤالي وأتمنى منكم الاجابة عليه ولو عندكم أي نصيحه ليا كمبتدئ في مجال الاوراكل ياريت تقولوا ليا وجزاكم الله كل خير وفي أنتظار ردكم

وياريت حد يرد عليا
تحياتي للجميع ودمتم سالمين ،،

أخي الكريم فيه سيرفيسز بتلاحظ انها بتشتغل اول ماتشغل الكمبيوتر

لاتوقف هاي السيرفيسز لأنها بتكون الرئيسية لعمل الاوراكل وبالتالي اذا بتوقف اي شي منها ممكن يأثر على عمل الاوراكل بشكل اساسي

شكراً أخي الكريم على أهتمامك بالرد عليا

بس هل يا ترى مفيش حل تاني للمشكلة دي أو هل ممكن أوقف السيرفس دي مدام أنا مش بستخدم أواركل دلوقتي وأول لما أجي أستخدمه أشغل السيرفس تاني ؟؟؟؟

سلامو عليكم
اخى فى الله , اود أن أعرف ما نوع ال windows على جهازك؟

اخي انت ممكن توقف السيرفيسز اذا ماكنت تشتغل على الاوراكل

اما اذا بدك تشتغل عليها فلازم انك تشغل هاذي السيرفيسز

بالنسبة لحجم الهارديسك معروف عن قواعد البيانات الخاصة بالاوراكل انو حجمها كبير يعني انت لازم يكون عندك مو اقل من 7 جيجا بالراحة عشان تنزل الاوراكل كاملة ويفضل انك ماتنزلها على نفس البارتيشن االلي فيه الويندوز.
لذلك يففضل انو يكون عندك مساحة كافية قبل تنزيل الويندوز....

أولاً شكراً لكل أخواني اللي تكرموا بالرد على مشكلتي ومساعدتي

وبالنسبة لنوع الويندوز اللي راكب عندي فهو ويندوز XP سيرفس باك 2

أما بالنسبة للبرتيشن اللي تم تركيب الاوراكل عليه فهو أنا عندي 3 برتيشن الاول اللي هو C ومتركب عليه الويندوز والبرتيشن التاني منوع والبرتيشن الثالث هو اللي متركب عليه أوراكل وموجود برضو في نفس البرتيشن ألعاب وأفلام بس البرتيشن فيه مساحة فاضية كبيرة

وعلى العموم أنا وصلت لحل وعايز أشوف رأيكم فيه

أنا دخلت على لوحة التحكم وأخترت Adminstrative tools وأخترت منها services وقمت بتغيير حالة سيرفس الاوراكل كلها إلى Manual ولما أحتاج لتشغيل الاوراكل هبقه أشغل السيرفس بنفسي

يا ترى أيه رأيكم في طريقتي دي ؟؟؟ وهل لو أنا هقوم بتشغيل السيرفس بنفسي هل في ترتيب معين لتشغيل السيرفس ولا أشغل الكل وخلاص بأي ترتيب ؟؟

وبعدين كان عندي سؤال صغنون : هل أنا كمبتدئ في حاجه إلى تركيب الديفلوبر مع نسخة الاوراكل والربط بينهم ولا مش هحتاج الخطوة دي دلوقتي ؟؟؟

تم تعديل 24 أغسطس 200817 سنة بواسطة Mr.DarkAngel