فى منحه فى مركز بالمنصوره مجانيه فى كذا مجال

منها

* البرمجه
* ويب ديزين
* الجرافيك
*لغات الكومبيوتر

انا ابيض تماما فى البرمجه
بس قيل لى انه الافضل من حيث فرص العمل

هل اختارها ولا فى تراك افضل من البرمجه من اللى قلتهم فوق ياريت الافاده
وشكرا

مع العلم انى بردوا ابيض فى باقاى التراكات عادا الجرافيك عندى حجات سطحيه عنه
خبرتى فى الكومبيوتر
هى الاى سى دى ال
صيانه السوفت وير بمستوى متوسط


وشكرا
امن يساعدنى فى الاجابه على ونصيحتى بالافضل

السلام عليكم
الاخ ميدو انت خريج ايه لو الكمبيوتر مش مجال ياريت تشتغل فى مجالك الاصلى افضل متزعلش منى انا بنصحك لوجه الله عن تجربة 99% من اللى شغالين فى هذا المجال مش من اهله وده بيقلل فرص العمل لاهل المجال اما لوكنت من اهل المجال انت بتقول عندك معلومات عن الجرافيك ابداء فيها وربنا يوفقك مجالها كويس خد كورسات وقوى نفسك كتير فى النهاية متزعلش منى السلام عليكم

تم تعديل 18 يونيو 200817 سنة بواسطة mhelmy

السلام عليكم
الاخ ميدو انت خريج ايه لو الكمبيوتر مش مجال ياريت تشتغل فى مجالك الاصلى افضل متزعلش منى انا بنصحك لوجه الله عن تجربة 99% من اللى شغالين فى هذا المجال مش من اهله وده بيقلل فرص العمل لاهل المجال اما لوكنت من اهل المجال انت بتقول عندك معلومات عن الجرافيك ابداء فيها وربنا يوفقك مجالها كويس خد كورسات وقوى نفسك كتير فى النهاية متزعلش منى السلام عليكم

ربنا ميجبش زعل

انا لسطه طالب رايح رابعه كلية اداب علم اجتماع
بالنسبه لموضوع يقلل فرص ولاد المجال

اولا المجال محتاج كتيرجدا والسوق مفيهوش خبرات كتير

ثانيا العمل فى نفس مجال الدراسه دا شىء بقى شبه مستحيل و مسالة العمل فى اى مجال اخر تتوقف على الكفاءه ان كانت متوافره ايه المانع انك تشتغل شغلانه قادر تدى فيه

وشكرا على ردك

ياريت حد يفدنى اكتر يا شباب

ومسالة الخلفيه عن الجرافيك ما هى الا شوية حجات صطحيه

اريد معرفة افضل تراك بالنسبه لى ولسوق العمل

وشكرا على اهتمامكم

1st lazem teshoof enta kodratak eh w emkaneiatak eh, mesh bel baraka keda.
ya3ny law programing yeb2a lazem tekon kwaies gedan fel math mn 3`er nekash w deeh awel step.
law graphics yeb2a lazem fy 7es fany w zooo2.........
sooooooooooooooooooo enta el 7at7aded mesh ay 7ad lazem teshoof enta bet7eb eh w 7ateraf tedy fy eh

bas...
Good luck

تم تعديل 18 يونيو 200817 سنة بواسطة NonoSmart

شكرا على مساهمتك يا نونو

وياريت اشوف نصايح واراء اكتر عشان اقدر اخد افضل قرار

ياريت الناس تساهم بارائها للمساعده

عزيزي ميدو
انا اخوك محمود رزق خريج تربيه نوعيه دفعة 2002
بعد التخرج لقيته اني مش هعرف اشتغل شغلانه محترمه بالبكالوريوس
انا كنت اصلا بحب الكومبيرتر و البرمجه و الشبكات و بكره الجرافيك موووووووت مش بفهم فيه اي حاجه
بس اخدت قراري انة اعيد تأهيل نفسي و كان عندي استعداد اني اضيع اربع سنين من عمري زي ما ضيعت بتوع الكليه بش بشرط اتعلم حاجه مفيدة
اخدت منحه في الشبكات و فهمتها كويس و اخدت شهادة دولية و قبل ما الحق ادور على شغل
دخلت منحه برمجه جافا في اي بي ام كانت تسع شهور واتعلمت فيها اساسيات الكومبيرتر كلها تقريبا
لما جيت ادور على شغل لقيت كل الشركات عايزة ناس خبرة او لو بدون خبرة يبقي شرط يكون خريج حاسبات او هندسه
فطبعا ما لقيتش ليا مكان كمبرمج مع اني في المنحه كنت تيم ليدر اخر تلات شهور
بس الحمد لله ربنا وفقني اني اتجه للمبيعات و التسويق قريت فيهم كتير واخدت قرصات و لقيت انى اكتر واحد مؤهل لاني
اولا فاهم تكنولوجي كويس واعرف اتكلم في اكتر من مجال و معايا كل الاساسيات الصح
ثانيا عندي القدرة و الموهبه على الاقناع و التركيز و الفهم للانماط المحتلفة من البشر و الشخصيات
و الحمد لله ربنا اكرمني و وصلت لشغل مرتبي فيه معدي 2000 جنية حاليا و قدامي فرص كمان اعلي بكتير
طبعا كل ده بتوفيق من ربنا اولا و اخيرا
و مع ذلك انا اخدت بالاسباب و عملت خطه و قررت قبل اي شيء انى عندي استعداد اضيع اربع سنين من عمري في دراسه حاجه بحبها

شكرا على مشاركتك الجميله دى وربنا يوفقك فى حياتك

ياريت نصايح اكتر