يا استاذى العزيز انا كنت بسأل عن طبيعة عمل كلا منهما والتدرج الوظيفى علشان اعرف ايه اللى يناسبنى اكتر لانى مبعرفش اشتغل حاجة انا مبحبهاش علشان كده حبيت افهم طبيعة شغلهم بالتفصيل وكمان التدرج الوظيفى لكلا منهم
معلش يا استاذ انا اسئلتى كتير لكن انا ما بحبش ادخل مجال لمجرد ان فى طلب كبير عليه
وعموما هما الاتنين مطلوبين جدا
ياريت كل التفاصيل
مع جزيل الشكر لاستاذى الفاضل

بالنسبة لموضوع الشغل مفيش اى مشاكل بأذن الله لان المعهد بيشغل الدفعة كلها بعد التخرج فى شركات كبيرة داخل مصر وخارجها

السلام عليكم

موضوع التدرج الوظيفي يخضع للكثير من العوامل حيث انه يتوقف عي مهارتك و رزقك و لكن من وجهة نظري ممكن ان يكون كما يلي :

مدير قواعد البيانات
اذا عمل في شركة تجاريه يتدرج من Junior الي Senior الي Team Leader الي Asisstant IT Manager الي IT Manager
اذا عمل في شركة برامج نفس السكة و لكن من بعد Team Leader من الممكن ان يكون مساعد لمدير ادارة الخدمات الاحترافيه مثلا ثم مدير لها

المبرمج
يتدرج من مبرمج الي محلل نظم الي مصمم نظم الي مدير برمجه و هكذا

الموضوع متغير جدا جدا و غير ثابت و يخضع لحاجة السوق و المجهود المبذول و لكن للوصول لكادر الادارة بصفه عامة يلزمك حاجتين مهمين جدا , الاولي هي العلم بالتكنولوجيا اي ان علمك لا يتوقف عند اوراكل فقط و لكن يمتد الي انظمة التشغيل , برامج البريد الالكتروني , امن المعلومات , السيرفرز , مراكز البيانات , علمك بقواعد البيانات المنافسه ( انا شخصيا عملت علي MS SQL Server و IBM )
كما انه يحتاج الي خبرة التعامل مع الناس و التي يمكن تعريفها بالمصطلحات الحديثه ب communications skills , negotiations skills ..

الموضوع متغير جدا و يخضع للمهارة , عادي جدا من الممكن ان تلاقي سينيور عدد سنين خبرتة اقل من الجونيور و لكن من حيث الخبرة الفعليه هو افضل , الامر يتوقف علي مدي قيامك بحشر نفسك في الشغل و انجاز كل شئ بيدك و عدم الاتكال علي الدورات و ان حد يعلمك , علم نفسك و اقرأ علي اد ما تقدر خصوصا في البنيه الاساسيه و شبكات الكمبيوتر و انواع خطوط الربط مثلا , مش لازم تبقي خبير فيها و لكن المهم انك تعرف الاطار العام علشان ده هيخدمك كثير في اوراكل

الموضوع رزق بحت و كل شركة فيها الهيكل التنظيمي بتاعها اللي بيختلف بشده و لكن المعيار العام هو خطة حياتك مثلا انا قررت اني سأعمل لمده 6 سنوات technical و بعدها هبدأ اتجة للإدارة , من اول يوم في ال 6 سنوات بدأت اقرأ كتب في ادارة ال IT و مفيش معرض كمبيوتر اواتصالات الا لما رحته و كونت شبكة علاقات عمل مع الناس علي طول الزمن و هكذا الموضوع مبيجيش في يوم و ليله

المهم المهم المهم هو اتقان العمل الي اقصي درجة و الاهتمام حتي النخاع بالتفاصيل الصغيره لأن هي دة اللي بتفرق واحد عن التاني

بالتوفيق