بسم الله الرحمن الرحيم
دي يا جماعة اول مشاركة ليه وانا يادوب لسه باخد اول الخطوات في الاوراكل فمعالش ويارب ماكنش تقيل والاسئلة بتاعتي تبقي عبيطة
انا بعمل برنامج صغير كده وعملت التابلز بتاعتي في sqlDeveloper وظبطت الـRelations بتاعتها , لو جيت بقي اشتغل في الفورمز بلدر وحبيت استخدم الجداول دي .. لازم اضيف الجداول دي كداتا بلوكس واعمل relation ما بينها تاني في الفورمز بلدر
ولا هيه بقت كده خلاص جاهزة ومش محتاجه ربط تاني
ارجو الرد ( ده لو حد قدر يفهم السؤال بتاعي يعني ............)

لأ ياباشا كده هي خلاص انت بتجيب البلوكات(الجداول)
وهيا بينها ال relationخلاص
واشتغل عادي
وبالهنا والشفا......
م.أحمد سعد.

مشكور يا باشا........... وانا هجرب تاني

الأخ الفاضل بالطبع سوف لا تقوم بعمل العلاقات مره أخرى ولكنك سوف تحتاج لعمل join اذا قمت بعمل بلوكاتلها علاقه ببعض ... بمعنى اذا كان لديك جدول الأقسام و سوف تقوم بعمل بلوم عليه ثم سوف تقوم بعمل بلوك على جدول الموظفين و انت اصلا من قبل كنت انسأت علاقه بين الأقسام و الموظفين من هنا يتحتم عليك عمل join بين البلوكين ..... اذا لم تصل المعلومه فلا تجخل ان تسأل و انا ارسل لك مثال على بلوكين بينهما علاقه.

مشكور يا اخ سامح علي الرد
انا يشرفني انك رديت
المهم.. شكرا دي وصلت بس فيه كام حاجة كمان
* الاستفسار الاول
----------
هوه انا لازم اعمل join للبلوكات اللي بينها relation في الداتا بيز حتي لو انا ماكنتش عايز اعملهم ماستر وديتل
يعني مثلا لو انت عندك جدول الاقسام والموظفين ..في حالة ما انا هعمله ماستر وديتيل انا عارف اني هنا لازم اعمل join
اما مثلا لو انا ضفت البلوكين دول وماكنتش عايز اعملهم ماستر وديتيل ... هل لازم اعمل join ما بينهم عشان الrelation اللي انا عملتها في الجداول تبقي شغالة ..ولا ايه
يعني لو انا ماعمتلش join وضفت البلوكين ودخلت رقم قسم مش موجود لموظف الدنيا هتفضل شغالة عادي ذي ما هيه في الداتا بيز (يعني المفروض يطلع رسالة خطأ لان الماستر بتاع الريكورد ده مش موجود)


* الحاجة الثانية
--------
انا لو عندي ماستروديتيل بلوكس .. طبعا لما اشغل الماستر هيجيب لي كل الديتيل بتاعته ( يعني لو دخلت القسم هيجيب لي كل الموظفين اللي فيه )
انا بقي عايز ال focus يروح علي اخر ريكورد في الديتيل بلوك عشان اخلي الuser يدخل ريكورد جديد ( لانه دلوقتي الcursor بيبقي واقف علي اول ريكورد ولازم ال user يفضل يدوس enter
لحد ما يوصل للريكورد الفاضي ويبتدي يكتب )

*الشئ الاخير
-----
انا بعمل برنامج صغير يعني ( بسجل فيه الوارد والمنصرف وحاجة كمان اسمها تسوية ) المهم يعني.......
انا عامل الوارد والمنصرف والتسوية دي في "راديو جروب" طبعا اللي بيجي يسجل بيختار الاول radio button اللي يتناسب مع الحاجة الي هيسجلها يعني لو هيسجل وارد ياخد radio button
بتاع الوارد وهكذا... فهوه ممكن يسجل وارد ويسجل منصرف ويرجع تاني يسجل وارد وهكذا..
انا عايز اعمل رقم اوتوماتيك يمثل مسلسل الصرف يعني
يعني لو هوه جه يسجل اول مرة واختار وارد يطلع له الرقم 1 ولو جه يسجل ثاني وارد يبقي الرقم 2 ولو راح يسجل منصرف يرجع الرقم 1 لانه اول مرة يسجل منصرف
ولو رجع يسجل وارد يجيب الرقم 3 وهكذا ( انا حاسس اني مش قادر اوصل لك المشكلة )وياريت تقولي احطها في انهي trigger مع ملاحظة اني بعمل commit مع كل فورم


ارجو الرد ............وشكرا