السلام عليكم يا اخوانى ارجوا منكم مساعدتى فى الموضوع التالى حيث انى dba جديد جدا والمشكلة انى لم اعمل على اوراكل قبل كدة لانى مجال عملى فى الشبكات لاكن ظروف الشغل هى اللى عملت كده انا اسف طولت عليكم
يا اخوانى انا عندى 2 سيرفر واحد منهم عليه 2003 سيرفر بقاعدة بيانات اوراكل واريد ان انقل القاعدة بكل محتواياتها على السيرفر الثانى بحيث يكون صوره طبق الاصل من السيرفر الاصلى وكمان انا عاوز اوصلهم بالشبكه ويعملوا باك اب اتوماتيكى وتتنقل البيانات من السيرفر الاصلى الى السيرفر الاخر بحيث لو حدث دروب فى واحد اقدر اشغل الثانى ولكم جزيل الشكر

السلام عليكم ورحمة الله وبركاته
ياعزيزي انته لازم تستخدم خاصيه اسمها Data Guard وهو موضوع كبير شوية بحيث لايسمح الوقت لشرحها وانته لازم تقرأ عن هذه الخاصيه جيدا. وعلى العموم هذه الخاصيه القلة من يستخدمها من مديرين قواعد البيانات لانها تعتبر متقدمه ولا تدرس في تراك OCP DBAولكن تدرس في تراكOCM DBA.على اية حال لو كنت من سكان مدينة الرياض سوف اساعدك في الموضوع ونعمل ورقة او ورشة عمل متكاملة ونعرضها في المنتدى باذن الله .

يا ريت تزودونا بمعلومات اكثر عن
هذا الموضوع

السلام عليكم ورحمة الله وبركاته
اخي العزيز
اولا ما هي نسخة اوراكل داتابيز ؟
ثانيا ما هو تحديدا نظام التشغيل ( ويندوز سيرفر 32 او 64)؟
ما هو NSLANG بالتفصيل لقاعدة بياناتك؟

موضوع ال DATAGUARD لا هو كبير ولا ضخم ولا بطيخ هو احنا العرب كده نحب نعمل من الحبة قبة جهلا منا فقط لا غير

الحل :
فيه اكتر من طريقة بس انته بتقول عايز الاتنين يعملوا باكب لبعض؟؟!!!!!!
لو قصدك تعمل standby server يعني ال main server يبعت ال redolog enteries لل secondry server فده موضوع مش صعب ولا حاجة والمطلوب هو توصيل السيرفرين ببعضهم ثم انشاء قاعدة بيانات من template القاعدة الرئيسية (على السيرفر الثاني) وذلك باستخدام Database Configuration Assistant ودي سهلة ولو مش عارفها وعايز شرح ليها ارجعلي وانا ارد عليك
ثم قراءة الماتريال الخاصة بالموضوع (بس دي مرتبطة بنسخة الداتابيز)
انا هقولك حل ظريف جدا تسهل على نفسك الموضوع
فكر ايه هي النتيجة اللي انته عايز توصلها؟ وان شاء الله هتوصلها
وياريت تخلي كلامك محدد مش عايم يعني تحدد كل شيء
وبعدين بصراحة الموقع ده معظمه مفتيين فياريت يا اخي الفاضل تتفضل تسجل وبسرعة في المنتدى ده:
http://forums.oracle.com/forums/forum.jspa?forumID=61
او تستخدم الميتالينك بتاعتك وتعمل service request ولو انته بتشتغل في اي دولة عربية اكيد بتوع دبي هيتصلو بيك او هيتصلوا بيك من امريكا ويساعدوك في حل المشكلة؟
اخي الفاضل افهم مشكلتك بشكل دقيق ثم اسأل وارجو ان تبتعد عن الاسئلة الفنية الكبيرة بهذا المنتدى لأن غالبا اللي هيرد عليك اما عيل لسه بيتعلم وبيفتي او مفتي ومش فاهم حاجة وسارق سكريبت جاي يشحت بيه دعاء لابوه ولعياله ولخالته
احسن شيء زي ما اقترحت عليك وربنا ييسرلك الامور ولو احتجت اي مساعدة ان شاء الله تحت امرك
اخوك في الله
Mohamed Tawfik
Oracle8i, 9i and 10G DBA OCP
APPS. DBA
RHEL 4 Admin
[email protected]

اشكرك يا اخ محمد وان شاء الله نكون على تواصل بس ايه يا عم محمد انت زعلان من الناس اللى فى المنتدى ده ليه كده

السلام عليكم ورحمة الله وبركاته
لفت انتباهي يا اخ محمد شيء هام وهو ان معظم الناس مع الأسف بتفهم اوراكل بمنطق ميكروسوفت يعني موضوع انك تنشأ داتابيز جديدة على السيرفر التاني وتربطها مع السيرفر الاساسي بمنطق ميكروسوفت غلط 100%
اوراكل بتعطيك مجموعة لانهائية من الحلول (البسيطة) مش المكلكعة زي اللي حافظ كلمتين وبيتمنظر بيهم وهو مش فاهم حاجة:
1- ممكن تعمل Replication بين قاعدتين البيانات وده حل بسيط جدا ومش مكلف على الاطلاق.
2- تقدر تستخدم Oracle Data Guard وده حل مكلف وبينفع بس مع Oracle9i and Oracle10G
3- تستخدم طريقة قديمة اسمها Standby server
انا مش عايز اكلكع الموضوع بس زي ما قلتلك اديني معلومات كفاية وان شاء الله تحت امرك ولو انته بالكويت ابعتلي ايميل وان شاء الله امشي معاك خطوة بخطوة
بس غريبة قوي امر شركتكم ده ازاي واحد معندوش خبرة في ال DBA يسلموه ال Production Server ويقولوا عيش حياتك ( مع احترامي لشخصك الكريم) دي مصيبة
اعوذ بالله من كلمة انا
العبد لله DBA من 1998 وكنت بشتغل على Oracle 6 ولحد دلوقتي لو فيه سكريبت او اي شغل بجربه اول على Testing Server او Training Server وبعدين لما اتاكد انه نجح مليون في المية بنقله على ال Production Server
ما علينا هو في دولنا العربية كل حاجة ماشية غلط
قول يا باسط

السيد محمد Mohamed2006:-
وعار عليك اسم محمد اصلا
ويبدو انك لا تعلم شيأ عن الدعاء او لديك مشكله نفسيه
من تواضع لله رفعه
وانت غير متواضع فلا تستحق الرفع
ولقد كان ردك عباره عن مقال من جزئيين ولم تفد ولو بكلمه واحده
انت إلي كلامك معوّم مش احنا.........خليك مؤدب
........................عيـــــــــــــــــــــــــــــــــــــــــــــــــب.......................

وعلى فكره.....................
شوف منطق ......وقارنه بمنطق مايكروسوفت
يمكن تقدر تشوف التشابه...........

يا جماعة انا كنت داخل اسأل عن معلومات تقدروا تفيدونى بيها ليه انقلب الموضوع الى معركة كلاميه ارجوكم اهدوا واللى عاوز يفيد الناس بيعملش كده ولا تنسوا قول رسول الله صلى الله عليه وسلم (اقربكم منى يوم القيامه احاسنكم اخلاقا) و (خيركم من تعلم العلم وعلمه) او كما قال صلى الله عليه وسلم

محمود درويش
انا اسف .... اعتذر

(درس اخلاق لمحمد 2006)
هههههههههه للاسف بعض الناس يحبون ان يفضحون مستوى اخلاقهم على الملأ .اولا يامحمد2006 هذا المنتدى عمل على اساس نقل العلم بين الناس حتى لو غلط اي شخص في معلومه يصححون له الاشخاص الاخرين (جل من لايغلط ) مع ان المعلومةData Guard مش غلط .
الشي الثاني اذا كانت عندك فكره اخرى لاتحتقر افكار الاخرين.
الشي الثالث اذا احتقرت فكرةغيرك هات فكره واقتراح غير كل الناس وبينه من ابهام والاستعانه بمواقع انترنت اخرى
الشي الرابع هو عيب انك تستحقر دعاء من شخص وانا فعلا بشحت الدعوه من اي شخص وهذا لايعيبني.
الشي الخامس شكر للاخ JLL_JORDAN واقولك لاتوطي نفسك لمثل هؤلاء الناس انته معروف ماشاء الله في هذا المنتدى باسلوبك الراقي ياسيدي.

الاخالعزيز/JLL_JORDAN اعتذارك مقبول يا خى نحن جميعا اخوة فى الله والاسلام يعلم بعضنا بعضا جعلنا الله جميعا على هذا الطريق ليتحقق فينا قول حبيبنا صلى الله عليه وسلم (خير الناس انفعهم للناس) من هذا المنطلقق ادعوا جميع الاخوة الى التصالح والاخ العزيز / محمد 2006 ايضا
لكن مازال طلبى قائم وهو حل مشكلتى بأبسط الطرق وان كنت ارى ان فكرة الاخ محمد2006 هى ابسط واقرب الطرق لذلك ارجوا الاخ العزيز محمد 2006 او الاخ العزيزJLL_JORDAN شرحها وبالتفصيل وانا جاهز لتذويدكم بأى بيانات عن السيرفر او قاعدة البيانات بس براحة عليا لانى جديد فى الشغله جزاكم الله جميعا خيرا

ايه يا اخوانى انتم نسيتوني ولا ايه انا محتاج الموضوع ده ضروري

Slamu Alikum,

Look Mahmoud the solution you're talking about can be handled by Dataguard and i've attached the Dataguard Document i've done it manytimes it's quite simple.

DataGuard may be : Physical or Logical

Protection Mode:

Maximum protection
Maximum Availability
Maximum Performance


Read the Document to understand this concepts and if you've any questions isA i'll answer it


Regards,

شكرا أخ جلال على ردك