السلام عليكم ورحمة الله وبركاته
حاولت كتير جدا الاقي شغل في مجال الاوراكل بس واضح ان الموضوع ده صعب بالنسبة لشخص من غير خبرة و كل خبرتة في الحسابات
لذلك قررت اني اعمل برنامج للشركة اللي بشتغل فيها و هي دار نشر , اولا علشان منساش اللي درستة و ثانيا ان حاجه زي كده ممكن تغني عن الخبرة اللي بتطلبها كل الشركات اللي بقدم فيها .
كل مشكلتي دلوقتي اني مش عارف ابدا ازاي يعني المفروض اني اعمل تحليل للنظام و اني ارسم ال er و هكذا كنت عايز بس حد يقولي البداية بتكون ازاي .
يعني انا طبعا عارف شغلي ماشي ازاي و عارف كل صغيرة و كبيرة فيه بس مش عارف ازاي احول ده لبرنامج و الداتا بيز بتاعته.
مع وافر الشكر و التقدير لهذا المنتدي الرائع و كل المشاركين فية

الأخ / احمد

يمكنك اولا : الاطلاع على المشاركات والمحاضرات والمشاريع السابقه .. بمنتدى تحليل النظم .. لمعرفة مراحل التحليل والتصميم للنظام
ثانيا : مطلوب منك تحديد :
- الاهداف الرئيسيه من تنفيذ المشروع .
- تحديد الاقسام أو الادارات الرئيسيه المرتبطه بتفيذ المشروع ( الهيكل التنظيمى )
- تحديد اعمال ومهام هذه الاقسام .
- تحديد مجال المشروع .. اى تحديد اى الاعمال( الاقسام ) ستبدأ بها فى المشروع كمرحلة اولى .
- تحديد متطلبات المستخدمين .. من النظام وماهى الوظائف والمهام المطلوب تحقيقها من استخدام النظام المقترح .
- ثم بعد ذلك سيتم استخدام الرسومات مثل Data Flow Diagram - Context Diagram
- Entity Relationship ER
-
ثم مرحلة التصميم للشاشات والتقارير .
ثم مرحلة التنفيذ والاختبار.

ابدأ وسنكون معك .. ان شاء الله