السلام عليكم ورحمة الله وبركاتة ...

اخواني انا اخوكم محمد مباشر عضو جديد معاكم وايضا عضو جديد في عالم الأوركل

بصراحة انا بعد تفحيص وتمحيص وتدقيق استقريت علي الدخول في عالم الأوركل لاني اساسا بكالوريوس نظم معلومات سنة 2003 وشفت من الأحسن اني اعمل في مجال تخرجي بعد صولات وجولات مابين الشبكات والبرمجة وتصميم المواقع والجرافيك ...الخ

لكني بصراحة حصلي ارتباك فظيع في الموضوع دا ؟؟؟

اولا هل عشان ادخل في عالم الاوركل وأكون متمكن منو لازم ادرس نظم معلومات ؟؟ اعتقد دا لازم عشان اقدر احلل النظام الي هاعملو قاعدة بيانات ... طيب

بعد كدة هل لازم ادرس اية هي قواعد البيانات وادخل فيها بتعمق ولا افهم بس المبادئ بصفة عامة ؟؟؟

ثالثا انا شفت اني عشان اكون كويس في الاوركل لازم اذاكر الاول sql وبعديها pl/sql ... طيب اية الفرق بين ال sql وال mySql وال sql server 2005 لاني مرتبك قوي بالنسبة للموضوع دا .. يعني اية الي لازم اذاكرة عشان اقدر ابرمج اوركل مع العلم اني عايز ابقا ديفيلوبر ...


وأخيرا وليس آخراٌ اية الفرق لو ذاكرت oracle 9i ولا ال 10g لاني قريت ان في برنامج خاص بالبرمجة وواحد بقواعد البيانات تقريبا ..

ياريت يا جماعة بارك الله فيكم الي عارف يشرحلي وياريت بتفصيل شوية ويفهمني النظام عشان اعرف ابدأ صح ...

ملخص الموضوع ...

1- لازم ادرس الاول نظم معلومات
2- بعدين قواعد البيانات بصفة عامة
3- sql
4- pl/sql

واية مدي التعمق في اول بندين ... وهل اساسا الكلام دا صحيح ولا لا ... انا عايز ابقا متمكن قوي في المجال دا ...

وشكرا جزيلا وبارك الله فيكم وفي الي هيرد عليا ويساعدني

السلام عليكم
بص ياباشا
انت علشان تبقى developer ;كويس
1-Introduction to Database Relationship
2- تدرس sql
3-ترس pl/sql
وطبعا تدرس froms and report

بسم الله الرحمن الرحيم
السلام عليكم ورحمه الله و بركاته

شوف يامان الموضوع مش معقد للدرجه دى اولا المفروض انك تكون عندك خلفيه يعنى ايه قاعده بيانات و فوائده يعنى مجرد كلام نظرى و بعض المفاهيم الخاصه بيها يعنى تبقى عارف يعنى ايه جدول و يعنى حقل و يعنى ايه علاقه و هكذا تمام
بعد كده تيجى للغه اساسيه لقاعده البيانات و دى اللى لازما تعرفها كويس جدا و هى SQL و على فكره دى سهله جدا و فى دروس وافيه فى المنتدى و كتب كمان و كذلك الموضع بالنسبه للـــ PL/SQL و بصراحه من واقع شغلى للأن لم احتج من الــ PL/SQL غير حاجات بسيطه جدا مثل الــ Triggers و الــ Procedure و الـــ Cursor فقط يعنى يعتبروا اهم ثلاث اشياء حتحتاجهم كتير

بعد كده بتدخل على حاجه اسمها Oracle Forms Builder و ده اللى من خلاله بتقدر انك تصمم الواجهه الرسوميه اللى من خلالها حيقدر المستخدم من التعامل مع قاعده البيانات
و فى النهايه بتعرف ممكن و لو نبذه عن استخدام الــ Reports التقارير لانه مفيش برنامج من غير تقارير و دى سهله مش صعبه يعنى لو فكرت فى الموضوع حتلاقيه مسأله وقت مش اكتر و لا اقل و ده حيعتمد على مدى و سرعه استيعابك للأمور

و الله أعلى و أعلم

ربنا يبارك فيك يا فاروق ويا فبلد علي المعلومات القيمة وانا استفدت منها فعلا بس ياريت اعرف اية الفرق بين sql و mysql و sql server 2005 ؟؟؟؟؟

وشكرا ليكم جدا

أخى الغالى أعتقد ان هذه المشاركه ترد على استفسارك

رساله الى كل مبتدأ