السلام عليكم ورحمة الله وبركاتة
ياريت حد يفولي هل هذا المعهد كويس (معهد نظم المعلومات التابع للقوات المسلحة) لدراسة الأوريكل انا روحت ودفعت 605 جنية لدراسة الكورس الأول وقالولي هتدرس ال
oracle 10g sql
oracle 10g pl/sql
oracle 10g forms
oracle 10g reports
oracle 10g workshop 1
oracle 10g workshop 2
واجمالي المصاريف 4030 جنية ومدة الدورات 6 شهور والسعر غير شامل الكتب الأصلية وان الكتب الصلية الكتاب الواحد ب1250 جنية وانا لسة معنديش اي فكرة عن الأوركل وانا عايز ادخل المجال دة عشان اشتغل فية وانا خريج هندسة صوتيات والكترونيات من جامعة فرنسية ومشتغلتش يبخصصي للأسف اشتغلت في المبيعات ودلوقتي سني كبر انا 38 سنة وارغب الدخول في هذا المجال لان مجال المبيعات مش مناسب دلوقتي لسني هل هذة الخطوة كويسة ام لا وهل هذا المعهد كويس للدراسة ام لا برجاء الرد في اسرع وقت لأني كنت شغال فس الخليج واما نزلت مصر نهائي بقالي سنتين قاعد في البيت مش لاقي شغل خالص
امل الرد السريع وربنا يجعل ردودكم في ميزتن حسناتكم وجزاكم الله خير الجزاء

انا اعاني من نفس مشكلتك تقريباً
ولكن بعد الدوره انت بحاجه للخبره
وهي ممكن اكتسابها عن طريق المنتديات الخاصه بالاوراكل
وبما ان تخصصك هندسة صوتيات والكترونيات فانصحك بالاتجاه نحو
الhardware في مجال الكمبيوتر مثل الصيانه او الnetwork

اشكرك ياخي على اهتمامك بس تفتكر الهاردووير مطلوب في السوق زي الأوركل انا سمعت ان الأوركل مطلوب جدا
في مصر والخليج وانا مش عايز اضيع وقت في دراسة تاني بدون نتيجة وربنا يوفقنا جميعا يارب

بسم الله الرحمن الرحيم
أولاً أقول لك عيزيزي أن هذا المبلغ جيد جدًا
فأنا بعد أن قمت بالبحث المميت وجدت أن أسعار الكورسات المعتمدة مرتفعة جدًا جدًا مش معموله للناس العادية
فوجت بشركة أوركل أيجيبت الكورس عبارة عن مستويين كل مستوى بـ 14000
ويات وجد الكورس مستويين أيضًا كل مستوى بـ 7000
يعني عيزنا نيبع بيوتنا
أما بالنسبة للقوات المسلحة فالسعر حوالي 4030 كما قلت غير الكتب يعني نقول هيخش في حوالي 6000
كل الكورس بالكامل
هذا جيد جدًا
أما بالنسبة للإستفادة فأنا أقول لك بكل قلبي أن الإستفادة معتمدة عليك أولاً
فأنا والحمد لله أتممت دراسة sql و أنهيت تقريبًا نصف pl/sql ولكني وجد أنني لابد من الدراسة في مركز معتمد حتى أستطيع دخول الإمتحان
فالموضوع موضوع عزيمة وأنا أجد تلك العزيمة بك
أنا أملك معظم كتب أوراكل تقريبًا كلها وبرامج أوراكل كمان لو عايز أنا تحت أمرك
[email protected]
راسلني وأنا تحت أمرك
وأنا كمان قررت أخد في القوات المسلحة عشان مش ناوي أبيع بيتي عشان أخد كورس

السلام عليكم
نصيحة اخوية قم بأخذ الكورس فى اى مكان فى الدنيا ولا تأخذه فى القوات المسلحة
وشكرا
ميجا

أخي الكريم أنا أعلم جيدًا أن مركز القوات المسلحة ليس كمثل باقي المراكز المشهورة ولكني أقول يمكننا أخذ الكورس به ما دمت لا تملك المال لتنظم لأحد هذه المراكز وأيضًا بشرط أن تكون من الذين يستطيعون أن يتعلموا بمفردهم وبمجهودهم الشخصي وتريد فقط مركز معتمد حتى يساعدك على التقدم وتسطيع أن تدخل الإمتحان هذا ما أقصدة
وأعتقد أنه حل كويس أوي بالنسبة للناس العادية

أخى العزيز معهد القوات المسلحه له سمعه طيبه جدا و خصوصا فى اللغات و لكن بالنسبه لمجال اوراكل فمن خبرتى اعلم انا هناك بعض المحاضرين القادرين على توصيل المعلومه بشكل جيد جدا و لكن انصحك بأخد كورس فى شركة معتمده من اوراكل لأنها سوف تفيدك بالمعرفه و الخبره ان شاء الله و ربنا يوفقك

أخي مركز القوات المسلحة معتمد بالفعل من شركة أوراكل بالإضافة إلى أنه لا يجبرك على شراء الكتب التي تصل إلى 1300 جنيه أي ستقوم بشراء كتب بحوالي 5000 جنيه ولكن يجب إن تقوم بشراء الكتاب الخاص بالــ forms حتى تستطيع دخول الإمتحان وذلك لأن شركة أوراكل قامت بوضع هذا الشرط فقط
وأخيرًا أنا أتمنى التوفيق لي وللجميع
والشيء الذي يجعلني متدايق إلى حد ما أنني قرأت في أحد المنتديات أن جميع الوظائف المطلوبة بالأوراكل يجب أن تكون لديك خبره لا تقل عن 4 أو 5 سنوات وبالفعل بحثت على النت وبالجرائد ووجدت فعلاً هذا الموضوع فأنا أرجوا من الله أن نجد فرصه لأخذ هذه الخبره بعد إنهاء الدراسة بإذن الله والله الموفق
والسلام عليكم ورحمة الله وبركاته

طيب ممكن اعرف تكلفة الامتحان النهائي لاوراكل كاااام في مصر.. انا ماكنتش اعرف ان فيه امتحان نهائي وكنت بحسب الكورس وخلاص....... ياريت تطمنوني

السلام عليكم ورحمة الله وبركاته

أرجو تصحيح المعلومة التي فهمتها من هذا الموضوع

انا لا استطيع ان آخذ اي كورسات , فهل لا بد من اخذ الكورس وشراء الكتب لكي استطيع دخول الامتحان
ام انه يمكن مذاكرته self study وبعدها ادخل المتحان

وجزاكم الله خيرا

طيب ممكن اعرف تكلفة الامتحان النهائي لاوراكل كاااام في مصر.. انا ماكنتش اعرف ان فيه امتحان نهائي وكنت بحسب الكورس وخلاص....... ياريت تطمنوني

بالنسبه لتكلفه الامتحانات 125 دولار لكل امتحان
oca امتحانين
الاول sql
الثانى pl/sql

ocp
امتحان واحد forms


وفي مراكز كتير ممكن تمتحن فيها زي yat / new horizon

بس اتدرب علي الامتحانات كويس قبل ما تدخلها

وربنا معاك............................

ولو عاوز معلومات تانى ايميلي هو

[email protected]
[email protected]

بصراحه يا ميدو انا بشكرك وبشكر كل المشرفين على مجهودهم الرائع ده وعلى المتابعة المذهلة للردود بتاعتنا ماشاء الله في اقل من 24 ساعة بتكونوا ردين علينا.... جزاااكم الله الف خير..... طب لو ممكن استفسار اخر لو امكن؟؟؟ هو انا ماينفعش ااجل الامتحانات الرسميه دي شوية لغاية مايكون معايا فلوس يعني ممكن في الاول اشتغل بالكورس بس دلوقت لغاية ما اكتسب خبره وبعدين ادخل الامتحانات دي خصووووصا اني سمعت ان هي صعبه والاسئله غير مباشرة.... ومتاسف جدا على الاطالة وشكرا لاحلى مشرفين لاحلى منتديات

Dear
Sorry for English, but i has no arabic characters on my Keyboard, i will try to be simple enough to help you understand me.
I would like to advise you to deduct the corse cost as much as you can, and i hear that the ARMY Institute is not bad, but study is not only by cource, even if you got the couse you will need to study (reading reading reading...) and make a set of projects even as test to understand and ensure that you gain the required information. i advice you to take the course at this place and consider that you have to use the instructor as much as you can whereever the course place. about the tests, you are not requested to be certified to join a job (except some multinational companies), but you have to know well, what do you can do? and how do you develop your self, and then you can take the course, join a sutable job and then think about certifications.
path and expense you can find it on www.Oracle.Com
BR
Mohamed

أنا أخدت كورسات في معهد النظم ده وبالذات في أوراكل وكانت كويسة بس لمدير قاعدة البيانات DBA
واخدتها بالتدريج
Oracle SQL
Oracle PL/SQL
Oracle forms and reports
Oracle DBA workshop1
Oracle DBA workshop2
ويمكن الاسعار زادت لكن معتدة واحسن من غيرها
اتكل على الله يا اخ وليد وان شاء الله ربنا يوفقك
على فكرة انا بدات المشوار برضه من سنة ولسه في البداية لكن باجتهد في الشغل
عندي 30 سنة ولسه متجوزتش يعني بحاول ابدا حياتي المستقبلية
والله المعين

وكمان بقى عندهم حاليا مركز معتمد للامتحانات مع شراء كتاب ال forms زي ما قال الاخ العزيز
وانا ان شاء الله لما اجهز حادخل الامتحان ان شاء الله بتاع ال dba
وهمه امتحانين للعلم

بسم اللة الرحمن الرحيم
انا يا جماعة خريج طازة السنة دي من كلية التجارة جامعة القاهرة وكنت بفكر في كورسات ال oracle finance وبعد بحث وجدت مكانين مناسبين لامكاناتى المادية ( القوات المسلحة ) و ( منحة جمعية جيل المستقبل)
وكنت اتساءل هل ال oracle مناسب لية كمحاسب ام لا؟ ولو مان مناسب اي المكانين احسن ؟
ولو مش مناسب اي كورسات مفيدة بالنسبة لية كخريج جديد؟

أخي العزيز
إن كنت تبحث عن كتب أوراكل و إختبارات عليك بهذه الواصله

http://www.4shared.com/network/search.jsp

ثم إكتب إسم الكتاب او الإختبارات التي تريدها و بالتوفيق

أخي مركز القوات المسلحة معتمد بالفعل من شركة أوراكل بالإضافة إلى أنه لا يجبرك على شراء الكتب التي تصل إلى 1300 جنيه أي ستقوم بشراء كتب بحوالي 5000 جنيه ولكن يجب إن تقوم بشراء الكتاب الخاص بالــ forms حتى تستطيع دخول الإمتحان وذلك لأن شركة أوراكل قامت بوضع هذا الشرط فقط
وأخيرًا أنا أتمنى التوفيق لي وللجميع
والشيء الذي يجعلني متدايق إلى حد ما أنني قرأت في أحد المنتديات أن جميع الوظائف المطلوبة بالأوراكل يجب أن تكون لديك خبره لا تقل عن 4 أو 5 سنوات وبالفعل بحثت على النت وبالجرائد ووجدت فعلاً هذا الموضوع فأنا أرجوا من الله أن نجد فرصه لأخذ هذه الخبره بعد إنهاء الدراسة بإذن الله والله الموفق
والسلام عليكم ورحمة الله وبركاته

ياجماعه مين الا قال لازم (يجب إن تقوم بشراء الكتاب الخاص بالــ forms حتى تستطيع دخول الإمتحان وذلك لأن شركة أوراكل قامت بوضع هذا الشرط فقط)
حرام عليكم اتاكد من المعلومة قبل ماتكتب ؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!! :rolleyes: :D

http://education.oracle.com/pls/web_prod-p...age?page_id=155

السلام عليكم ورحمة الله وبركاته
على تعليقات الاخوه الاعزاء وعن ضرورة الدراسة باحد الأماكن المتخصصة (لاوراكل )و التكاليف و الوقت .... لى رأى فى هذا الموضوع و هو بيعتمد اعتماد كلى على امكانيات الدارس المادية و وقته وخبراته السابقة و ملاحظاتى هى :
1- العزيمة
2- القدرة على الاستيعاب من الكتب .
3- الخبرات السابقة فى مجال الكمبيوتر
4- الامكانيات المادية

اذا عزمت فتوكل ........ إذا كان تعليمك لنفسك ( الكتاب و البرنامج ) و هى افضل الطرق واكثرها اكتسابا للخبرات ولكن يتحكم فيها عامل الوقت ،،، فهى الانسب لمن يعمل و يدرس الاوراكل كامكانية لتغيير المسار الوظيفى او الترقى الوظيفى. واعتقد انها لن تاخذ منك الكثير من الوقت. وسوف توفر عليك الكثير من المال.
بالاضافة الى انه ايا كانت خبرة المدرسين فى المعاهد المتخصصة او الموثوق بها لن تكون هناك الفرصة لاكتساب الخبرة ... وقت الكورس محدد بعدد ساعات معينة وبالتأكيد انها غير كافية لاكتساب اى خبرات و لكنها بتكون كافيه لمنحك مفاتيح التعامل او التفكير مع اوراكل وهذه من الممكن اكتسابها من الكتب.
اخوانى الاعزاء ارجو الا تعولوا كثيرا على نوعية او تصنيف جهة التعليم ..... وعليكم ان تكونوا اكثر ثقة بأنفسكم ( معظمكم خريجى جامعات والبعض تخصصات تتصل بمجال الكمبيوتر ) ام ان فكرة الدروس الخصوصية اصبحت مرضا حتى فى الكبار .........

اما اذا كنت خريج حديث و تريد اختصار الوقت لايجاد فرصة عمل و تتوفر لديك الامكانيات المادية فلا مانع من الدراسة بتلك الاماكن المتخصصة .
واعجبنى كثير راى الاخ mohammedeng عليك بالتعليم و الاجادة و اثناء التعليم حاول ان تجد اى فرصة للعمل و بعدها ابدء فى التقدم للاختبارات ( توفيرا لامكانياتك المادية ) اما اذا كانت متوفرة فاعتقد ان الافضل الحصول على شهادة الاوراكل. لانها سوف تكون فى سيرتك الذاتية افضل مما لو كتبت بها خريج اى كلية او جامعة.

تمنياتى بالتوفيق للجميع