اولاً : السلام عليكم ورحمة الله وبركاته
ثانياً : انا بعمل برنامج مخازن ومشتريات ، وعندي مشكلة كده في شاشة التسجيل
1- عايز لما الفورم يتحمل الكومبو يتملئ مباشرة من جدول معين (items) .
2- عندي مشكلة تانية انا عامل بلوكين في شاشة ، واحد يتم التسجيل فيه والتاني للعرض ، يعني أول ما أضيف صنف جديد في الجدول في البلوك الاول ، بعدها مباشرة يتم تحميل كل عناصر الجدول في البلوك التاني
مرفق الصورة للايضاح
أرجو المساعدة

للاسف مش عارف الصورة مش عايزة تترفع ليه

اخي الفاضل ..
السلام عليكم ورحمة الله وبركاته ..
حل المشكلة الأولى ، اتبع الخطوات التالية:
1- أضف Record Group تحتوى على جملة select من الجدول الذي تريده ، مثال
لتعبئة الكومبو باسماء الدول ، مثلا ، اكتب التالي
select country_name , to_char(country_cd) from countries
لاحظ انه تم تحويل الحقل الرقمي الثاني وهو كود الدولة إلى حرفي باستخدام to_char
اعطيها اسم country_rgp مثلا
2- اضف when-new-form-instance trigger الى الفورم .. واضف فيها الكود التالي قياسا على نفس المثال:
Declare
v_country number;
begin
v_country := populate_group (country_rgp);
populate_list ('block_name.item_name','country_rgp');
end;

اما بالنسبة للمشكلة الثانية ارجو مزيدا من الايضاح عن المشكلة

أخي الكريم : عماد
جزاك الله خيراً على التفاعل والرد على سؤالي
انا نفذت الموضوع الاول ( الخاص بملئ الكومبو ) ، لكن عند التنفيذ بيطلع رسالة خطأ
الرسالة : مجموعة سجلات غير مقبولة لتعبئة قائمة
رقم رسالة الخطأ : 41334
أرجو الإفادة
اما بالنسبة للمشكلة التانية ، فأنا مش عارف اشرحها عشان لازم أرفع صورة للشاشة ، وانا عندي مشكلة في رفع الصور
بس هاحاول أشرح
بص ياسيدي
انا عندي شاشة تسجيل أصناف ، الشاشة ده فيها بلوكين
البلوك الاول : يحتوي على رقم الصنف ، ونوع الصنف ، واسم الصنف ، والحد الادنى للمخزون ، وده عبارة عن فورم مش تابيلور ، وكمان فيه زرارين ، واحد إضافة والتاني حذف .
البلوك التاني : يحتوي على نفس العناصر بتاع البلوك الاول بس هو نوعه تابيلور مش فورم
أيه الفكرة بأه ؟؟
اني لما العميل يسجل بيانات صنف جديد في البلوك الاول ( الفورم) ،ويدوس على زر إضافة يتم إضافة الصنف الجديد في الجدول ، ويتم ظهوره تلقائياً في البلوك التاني ( التبيلور) ، وطبعاً لو كان الجدول فيه عناصر قبل كده ، يتم ظهور جميع الاصناف ومضاف إليها الصنف الجديد
مش عارف كده وصلت الفكرة ولا لأ ؟؟

معذرة على عدم ردي الفترة اللي فاتت ، كنت مشغول شوية
جزاك الله خيراً أخي الكريم ، الموضوع الاول خلص والحمد لله - شغال - الخاص بالكومبو
اما الموضوع التاني بأه ، انا زي ماقلت مش هأعرف أشرحه إلا برفع الصورة ، وانا الصور عندي فيها مشكلة
المهم انا رفعتها على رابط خارجي أهوه http://www.4shared.com/file/8935679/7d66f8bb/stares.html? مع شرح المشكلة السابق ، ووجود الصورة ، ياريت حد يقولي أعملها أزاي
انا عايز لما أدوس على زرار الاضافة ينزل الصنف الجديد وباقي الاصناف االجديدة داخل التابيلور
وكمان أول ما يحمل الفورم يجيب كل الاصناف المسجلة ويحطها في التابيلور .
وجزاكم الله خيراً

تم تعديل 16 يناير 200719 سنة بواسطة abdu1_far

الاخ العزيز .....
السلام عليكم ورحمة الله وبركاته ..

انا تقريبا فهمت اللي ا نت عايزه .. بس انا عندي استفسارين:
1- هل البلوكين على نفس الجدول في قاعدة البيانات.
2- إذا كان الجواب لا .. فهل البلوك الأول non database block
انا عندي حل يمكن يساعدك
خلي البلوك الأول non database block
وكل العناصر اللي فيه نفس الشئ non database item
لكن البلوك التاني هو المبني على جدول ويتم ادخال القيم من البلوك الأول في الثاني وبعدها
execute_query على الثاني بعد عملية الادخال طبعا ومسح عناصر البلوك الأول
ده اذا كنت انا فهمت الموضوع صح ...

نعم عليك مثلما قال الأخ Emad
عليك وضع البلوك الول non database
عند الضغط على زر الإضافة نفذ التالي

go_block('block2 name');
execute_query;

جزاكم الله خيراً
الحمد لله الشاشة أشتغلت من غير مشاكل

تم تعديل 16 يناير 200719 سنة بواسطة abdu1_far

توكل على الله وربنا يوفقك .. وانا تحت أمرك في أي استشارة
نسأل الله أن يفتح علينا من علمه ولا يحرمنا اجر نشره وان ينصر به عباده المسلمين