الاخوة الاعزاء سلام الله عليكم ، ارجو منكم المساعدة فى حل هذه المشكلة معى انا اريد ان اجرى عملية جمع لعنصرين ومن ثم طرحهم من عنصر ثالث فى التقرير مثلا انا لدى مجموع الانواع الصادرة اريد طرحه من الانواع الواردة ومن ثم احصل على الرصيد المتبقى كيف يمكن عمل ذلك فى التقرير انا حاولت وفشلت ارجو الشرح يااخوان وياحبذا لو امكن اضافة مثال وشكرا

السلام عليكم و رحمة الله و بركاتة
سيدى الفاضل راح تستخدم placeholder
مع العلم انك راح تستخدم : و ذلك علشان تعمل refere للـ item
بمعنى item3: + :item2 := :item1

اخى العزيز شكرا على الاهتمام وارجو منك التوضيح اكثر لانى لم اقوم من قبل باجراء اى عمليات حسابية على التقرير واسف للازعاج والاطالة وجزاك الله خيرا

السلام عليكم و رحمة الله و بركاتة
يا سيد توتى انا ححاول اشرح على قد ما اقدر ان شاء الله
بص يا سيدى اولا عشان تعمل عملية حسابية
لازم تفتح التقرير و تروح للـ Data Model
و بعدين تشوف انت حاطط Query ولا اية
نفترض انك حاطط Query و فيها رقمين مثلا sal1 و sal2
و عايز تجمعهم . اولا تختار من على الشمال حاجة اسمها Formula Column و تحطها فى الـQuery اللى عايز تجمع فيها الرقمين دول.
و اول ما تحط الـ Formula Column حاياخد اسم 1_CF
المهم دا حايكون المسؤل عن عملية الجمع ( أو اى عملية انت عايز تعملها)
المهم اختارة و روح للخصائص بتاعتة و أختار الـPL/SQL Formula
و اول ما تختار الأختيار دا حايفتحلك شاشة تكتب فيها الكود اللى انت عايزة
و اكتب التالى return(:Sal1+:sal2); مع العلم انك لازم تحط نقطتين فوق بعض للحقل اللى موجود عندك فى الريبورت
يعنى sal1 & sal2 حقلين موجودين فى التقرير يبقى علشان تناديهم او تنادى القيم اللى فيهم لازم تناديهم كدا sal1: & sal2:
زى الفورم بالظبط.
و بعدين تروح على الـLayout Model و تختار Field من على الشمال و تحطة جنب الـ sal2 & sal1
و بعد ما تحط الـfield دا اختار الخصائص بتاعتة و روح للخاصية Source
و اختار من اسم الـ Formula Column اللى حايكون 1_CF
و اعمل save و بعدين Run
و ان شاء الله تشتغل
و لو ما اشتغلتش قولى علشان نحاول نوصل انك تبقى محترف فى التقارير يا رب
ملاحظة لو عايز حاجة ضرورى ابعتلى على ايميلى

الاخ اشرف شكرا جزيلا لاهتمامك بالرد وانا عملت بالضبط نفس الكلام اللى انت قلت عليه بس لما احاول انفذ تجينى رسالة خطأ وهى
rep-1517 column 'cf_1' reffrence column 'sal' which is incompatible frequen
وحاولت اجد لها حل ولم استطيع ارجو منك توضيح الخطأ وكيفية الحل وجزاك الله كل خير

السلام عليكم و رحمة الله و بركاتة
يا سيد تيتو اظن ان مشكلتك انك حطيط الـ CF_1
مش فى نفس الجروب اللى فية الـSal1 & Sal2عموما انا عملت لك التقرير البسيط دا عسى ان شاء الله تفهم الفكرة
اولا لازم تعمل جدول فية عمودين بس من نوع Number انا سميتهم sal1 & sal2
و ان شاء الله تفهمة و لو فى اى حاجة بمعنى اى حاجة احتجتها ابعتلى على طول

ملاحظة هامد جدا
الملف اللى انا ارفقتة من نوع doc
هوا مش doc هوا اصلا rdf بس لما جيت اعمل لية upload ما رضيش
فا انت بكل بساطة بعد ما تعمل لية download اعمل لية rename
لـ tito.rdf بدل من tito.doc

for_tito.doc

الاخ اشرف شكرا جزيلا لك وجزاك الله كل خير على المساعدة والمرفقات التى ارسلتها لى كانت فيها فائدة كبيرة فقد عرفت الخطأ الذى كنت اقع فيه واستطعت بفضل الله وفضلك من الحصول على النتيجة التى اريدها شكرا مرة اخرى يااخى العزيز والشكر لكل اعضاء هذا المنتدى العظيم بس معليش لو احتجت لاى حاجة تانية ممكن ازعجك اوكى

الملف فتح بالورد كتابة غير مفهومة اخرف غربية