Using Train In ADF

بتاريخ: 25 يوليو 201114 سنة

موضوع بسيط لتجربه اخر نسخ الجى ديف 11.1.2 ليس اكثر وهو استخدام ال Train فى ال ADF

ما هو ال train ؟

ببساطه كده لو عندك registration form كبيره وعاوز توزعها على اكتر من شاشه بحيث ان التسجيل ده يبقى على اكثر من خطوه يعنى مثلا شاشه يقوم فيها الشخص بادخال بياناته الاساسيه (اسمه بالكامل ونوعه وحالته الاجتماعيه) وشاشه تانيه يقوم بادخال بيانات الاتصال به وشاشه ثالثه فيها بيانات وظيفته وما الى ذلك وشاشه رابعه بيشوف بياناته دى read only للتاكيد عليها وطبعا ممكن يرجع تانى فى اى خطوه عشان يعدل فيها الحكايه دى بنعملها فى 11g عن طريق ال Train فى ال bounded Task flow بحيث ان التاسك فلو ده بتضع فيه عدد من ال fragments بحيث بتبقى كل fragment عندك هى شاشه بتقوم فيها بادخال جزء معين من البيانات وبتضغط next او back بعد ذلك

بالنسبه باه للمثال اللى عاملاه فهو بيتكلم عن استماره لتسجيل بيانات الطالب ولان البيانات دى قليله فعندك اتنين fragments فقط واحده بيقوم بادخال بياناته فيها وبعدين بيضغط على الخطوه الثانيه فى ال Train فبيشوف فى الشاشه الثانيه بياناته التى قام بادخالها لو ضغط على تسجيل بيتم تسجيلها ولو ضغط على رجوع بيرجع لصفحة التسجيل عشان يعدل فيها مره اخرى وبعدين يضغط استمرار (الحكايه دى كنا بنعملها فى 10gعن طريق ال global View Object لكن فى ال 11g اصبحت supported باستخدام ال train )

لتشغيل البرنامج

اعمل Create لجدول ال Students فى hr schema واعمله Sequence و Trigger عشان ال ID الخاص بالطالب وحمل ال Script من المرفقات

افتح البرنامج من الجى ديف- النسخه اللى جيشتغل عليها هى 11.1.2 اخر نسخ الجى ديف وظبط ال Connection اللى اسمه HRConn على الاعدادات بتاعتك وتاكد ان النتيجه success

اعمل run لصفحة main.jspx حيظهر لك جدول الطلبه اضغط على بوتون اضافة طالب جديد حتتفتح لك استمارة التسجيل كما فى الصورة

قم بادخال البيانات و خللى بالك من ال validation اثناء ادخالها من ناحية اسم الطالب (حروف فقط) او درجته من 250 الى 410 او ان
الايميل وتاكيده واحد وما الى ذلك لتجنب ظهور رسالة الخطا ثم اضغط على الخطوه الثانيه فى ال train حتظهر لك البيانات التى قمت بادخالها كما فى الصوة

اضغط على تسجيل او ارجع الى الصفحه السابقه لتعديل البيانات مره اخرى

حمل البرنامج من هنا واى سؤال فى اى خطوه فى التنفيذ حرحب بيه واتمنى ان البرنامج يكون مفيد عموما لمبتدئى ال ADF