تعالو نروح سوا Soa ( الحلقة الثامنة )

بتاريخ: 20 سبتمبر 200718 سنة

اليوم بنتكلم عن الجزء المنفصل من مجموعة سوا واللي جاي على اليسار لوحده .
اللي هو ال Integrated Services Environment

بما انه جاي لوحده منفصل هذا تلميح انه مش ضروري تستخدمه .
هذا الجزء هو الجزء الخاص ببناء تطبيقات اوراكل المستقبلية
يعني البديل الشرعي لل Oracle Forms وخصوصا للناس اللي عايزين 100% ويب .
يعني لا جافا Initiator ولا غيره .

طبعاً اكثركم سمع عن الJDeveloper وحاول انه يتعلمه لكن ربما لم يعرف الطريق الصحيح
للدخول الى هذا العالم .. وهذا بسبب ندرة او عدم وجود معاهد تدرسه الا معاهد اوراكل نفسها
او بارتنر قوي .

الاوراكل فورمز صممت للعمل على طريقة وحده وهي عمل Web Based Application يعتمد على لغة PL/SQL
لكن الجي دفلوبر صمم ليعمل الكثير بالكثير .. لاحظ حتى عند تشغيله تظهر لك رسالة Productivity with choice
يعني الانتاج مع الخيارات .. يعني امامك اكثر من 20 تقنية يمكنك صنع برامجك بها .
و مش هسرد لك حاجة منهم .. لانهم باختصار لا يهمون المبرمج في شيء فقط ركز على حاجة وحده .
انت مادام رحت على اوراكل يبقى لازم تسمع اوراكل تقولك ايه .

اوراكل عندها توجهين رئيسيين ... يعتمد على خبرتك انته
الخيار الأول :
هل انت مبرمج جافا ؟؟
يبقى استخدم التقنيات التالية Oracle TopLink + JSF ( توصيات اوراكل )
او يمكن كمان انك تستخدم ال EJB3.0 اللي من صن .. بدل ال TopLink و يمكن كمان تستخدم تقنية اسمها Hibernate
وهذي ممكنة جدا وتديك قوة مثل اللي وصت عليها اوراكل لكن الميزة فيها ان الEJB3.0 من صن وتدعمه كل الشركات الكبيرة
وفيه مبرمجين بالهبل بيعرفوه وهو نفسه تستخدمه IBM و BEA و Sun و شركات صغيرة مش فاكر اساميها الان .

الخيار الثاني :
انت جديد على الجافا يبقى استخدم Oracle ADF Business Componont + JSF
طبعاً انته ملاحظ ان الJSF باقية في كل الخيارات .. يعني المفروض ان Oracle ADF BC تعمل عمل ال Hibernate و الToplink و الEJB3.0 وهذا صحيح مع وجود بعض الاختلافات .
لكن نصيحة مني خليك على الخيار الأول حتى لو انته جديد على الجافا .
كل اللي تحتاجه العشر صفات اللي تكلمت عنها في موضوع سابق .
اكبر مشكلة تواجهك في الADF BC هي الدعم .. مش هتلاقي كتب .. ندرة مبرمجين .. ملاذك الوحيد اوراكل وانت تحت رحمتها
لكن مع الخيار الاول فيه اكثر من 500 كتاب عن الJ2EE ممكن ينفعونك و مبرمجين في كل مكان و مواقع انترنت فيها كل اللي تحتاجه غير موضوع الشهادة فيه شهادات من صن على الEJB وكورسات و كل اللي تحتاجه .

يبقى انا هركز على الخيار الأول اللي عايز يروح الخيار التاني براحته ولا انكر ان الADF BC شي راقي جداً جداً
وبتحس وانته تبرمج انك قاعد بترسم في لوحه غير السهولة .. لكن اي خطأ يظهرلك بيكون نهايتك الاليمة
وماحدش حيسمي عليك .

الحلقة القادمة هنتكلم عن الTopLink اللي هي شي رائع فعلاً مش كمنتج فقط وانما كفكرة يعني الكلام بيشمل باقي التقنيات المماثلة .. حتى مايكروسوفت ربنا يديها الصحة بعد الحكم القضائي جايه وعايزه تشارك في نفس الموضوع ونزلو حاجة اسمها LINQ واللي بيزعجني فعلاً انهم بيظهرونها كانهم هم اللي اخترعوها واول ناس استخدموها
والتقنية دي لها اكثر من 10 سنوات و مايكروسوفت لسا منزلتها في الدوت نت 3

يالله مش عايزين نغتاب حد في رمضان لكن نعمل ايه .

جهزو انفسكم لتوبلنك .. لانه اذا فهمتوها هتتضح لكم اشياء كثيرة جدا جدا جدا و هيتغير منظوركم للبرمجة بشكل عام .

الى اللقاء

اقتباس

تقديم بلاغ

بتاريخ: 21 سبتمبر 200718 سنة

بسم الله الرحمن الرحيم

شكرا جزيلا يا أخى على هذا المقال اﻷكثر من رائع و على هذا اﻷسلوب السلس فى الشرح و ان كان لدى رجاء وهو ان تضع فى نهاية المقال مجموعة لينكات عامة أو متخصصة على موضوع المقال.

اقتباس