اهلا مجدداً .

ممكن تكون هذي حلقة مفصلية .. علشان تفهم قصة المسلسل كله .

تخيل ان عندك فريق عمل .. عندك DBA و عندك Programmer و عندك Graphic Designer
وعندك Business Analyst

لو راجعنا شغلهم .. تلاقي ان الدي بي ايه قاعد فاضي .. ( ناويلك ياشاهين )
ممكن اذا كان فيه Lock على جدول يفكه .. او احيانا اذا اشتكيت من بطأ عملك Indexing
وفي اخر اليوم يتاكد من ان الJob تبع الباكب شغال .

وال Graphic Designer مالوش اي وظيفة حقيقية في عالم البرمجة .. إلا اللهم يعملك
الديزاين تبع الصفحة و الهيدر والفوتر .. وان ربك اداه الصحة يعملك CSS .. و خلاص ينام
و طول الوقت يتفرج على مواقع المصممين و يسرق التصميمات اللي تعجبه و يشتغل فيها بعض الظهر .

باقي عندنا الBusienss Analyst
هذا الرجل المفروض يكون اهم شخص في الفريق كله .. لكن للاسف إما إنه غير موجود اصلاً يعني
مافيش وظيفة بهذا المسمى والمبرمج هو بنفسه اللي يقوم بالتحليل او انه مشغول باشياء اخرى
وكل وظيفته انه يجمع المعلومات من العملاء بشأن احتياجهم البرمجي و يجي يوصلها للمبرمجين
انهم كانو عايزين كده وكده وكده .. وانتهى .

والمبرمج ياعيني كل الشغل على دماغه و مش حدخل في تفاصيل شغله كلكم مبرمجين وعارفين .

سوا هنا مش مبسوطه بالوضع و حاسه ان فيه ظلم على المبرمج المسكين ( هعيط )
فقامت بتوزيع الادوار ..

على فكرة انا مش ناسي ال Oracle ADF و والTopLink و في بالي و لكل حادث حديث لان الموضوع
مرتبط ببعضه شوي .. ومع المسلسل هتتضح لكم الصورة ليه انا مأخر موضوع ال ADF .

سوا SOA اعادت ترتيب الادوار و ادت للمحلل ( Business Analyst ) و المصمم ( Graphic Designer )
دور اكبر بحيث اصبح للمحلل اداة يعمل عليها و يتأكد من خلالها من ان متطلبات العميل متطابقة مع سير البرنامج الحالي .
و تركت المبرمج يتخصص فقط في عمله الذي هو البرمجة بدون الدخول في تصميم شاشات او اضطراره للجلوس
بجانب العميل وشرح تقدم العمل من خلال الشاشات وهل اوكي كده ولا نغير هنا ..
وظيفة المبرمج هنا هي البرمجة فقط حسب متطلبات يعطيها له المحلل . بالاضافة إلى حماية المبرمج من التشتت
في التقنيات مثل الAjax و مايتعلق بتصميم الواجهات التي تاكد اكثر من 70% من وقت المبرمج .
وتم حصر المجال في تقنية ال Web Service
عارفين الويب سيرفس ؟؟ اذ الا ممكن اشرحها في موضوع مستقل .
ممكن بعد كلمة ويب سيرفس بعض الناس اتخضت !! .. يعني ايه هنتعلم حاجة جديدة واللي تعلمناه خلاص بح !!

لا طبعاً .. كل واحد هيبقى على لغته اللي يحبها إن شاء الله واحد غاوي كوبول محدش له دعوة بيك .
يعني ذا المنتدى اتوقع ان 70% من رواده مبرمجين على الPL/SQL
عشان كده حنتعلم ازاي نعمل ويب سيرفس باستخدام ال PL/SQL لكن مش الان خلينا نحيط بالموضوع من فوق بالاول .

بعد ماتعمل الويب سيرفس واللي اختصاراً فكر فيها الان كانها Stored Procedure او حتى Function
موجودة في الداتابيز .. تاخذ Parameters و ترجع Parameters .

انته كمبرمج حيطلب منك المحلل تعمله السيرفس التالية .. ويكون حضرلك شوية اسماء لسيرفسات مع شرح ليها
والمفروض تاخذ ايه و تعمل ايه و ترجع ايه .

وكل شغلك هيكون على الداتابيز يعني مالكش اي دعوة بالشاشات انسى الشاشات .. و حتجرب برنامجك
عن طريق ال SQLPlus تاديه البارامتر و تشوف النتيجة اذا اوكيه يبقى شغلك زي الفل .

ممكن واحد منكم ما يعرفش يبرمج على PL/SQL .. طيب يا اخينا .. تعرف تبرمج بإيه ؟؟
بالفيجوال بيسك ولا بالسي شارب ؟؟ بالجافا ؟؟ بالPHP ؟؟ بالجني الازرق ؟؟ كله ينفع .
اعملي بلغتك ويب سيرفس .. تاخذ كده وتعمل كده وترجع كده ..

لاحظ ان الويب سيرفس تقنية ستاندرد Standard يعني بغض النظر عن اللغة المنشأه فيها
انته بتتعامل معها بشكل موحد .
وكده انتهى شغل المبرمج .

انا حاسس ان الحلقة دي طولت شويه ..
الحلقة القادمة حنشوف السوا .. سوا .

الى اللقاء .

بـــــــــــــــــــــــــارك الله فيك

احسنت

هنقول ايه بس غير اكتر من رائع بس ايه لغة الجني الازرق ( اللهم احفظنا) دي لغة جديده ولا ايه

معاك يا استاذنا
شرح يحوى المزحة الجميلة والمعلومة المبسطة ....

 

بعد ست سنوات تجد من يتابع لك هذا العمل المحترم بكل انبهار

جزاك الله خيرا